Mücəddid
Mücəddin (ərəbcə: مجدد) - İslamda zamanla köhnəlmiş şeylərin dinlə əlaqəsini yenidən bərpa edən, gücləndirən şəxslər üçün istifadə olunan termin.
Etimologiyası
[redaktə | vikimətni redaktə et]Lüğətdə "yeniləmək, yeni bir yol açmaq" mənalarındakı təcdid (ərəbcə: تجديد), bir işi yaxud bir şeyi qətiyyətlə və metodiki olaraq yenidən və əslinə, mənşəyinə uyğun formada yeniləməyi bildirir. Təcdidi həyata keçirən şəxsə "mücəddid" deyilir. İhyə (ərəbcə: إحياء) kəlməsi oxşar mənada istifadə olunsa da təcdid qədər rəğbət görməmişdir.
Mənası
[redaktə | vikimətni redaktə et]Təcdidi, "dində dəyişiklik edilərək bəzi şeylərin çıxarılıb, yerinə yeni şeylərin əlavə edilməsi" mənasında olmayıb, "zamanla zəifləmiş şeylərin dinlə əlaqəsini yenidən gücləndirilməsi" mənasındadır.[1][2] Təcdid sözünün bu günkü mənasını qazanmasında Məhəmməd peyğəmbərin aşağıdakı hədisinin[3] mühüm rolu olmuşdur:
“Allah bu ümmətə hər yüz illiyin əvvəlində dində yenilənmə edəcək bir nəfər göndərər.”[4]
Digər məsələlərdə istifadəsi
[redaktə | vikimətni redaktə et]Təcdid, İslamda şübhəli və ya təzələnmə ehtiyacı duyulan dəstəmaz, nikah və əqidə üçün də istifadə olunur.
Mücəddid adlandırılan alimlər
[redaktə | vikimətni redaktə et]Mücəddid adlandırılan alimlərin bəziləri aşağıdakılardır:
- Əbu Hənifə
- Şah Vəliyullah
- Əbu Həmid əl-Qəzali
- İmam Rəbbani
- Şəvqani