Müqəddəs Məryəm kafedralı (Edinburq)
| anqlikanizm[d] | |
| Müqəddəs Məryəm kafedralı | |
|---|---|
 | |
 | |
| Həsr olunub | Məryəm |
| Ölkə | |
| Üslubu | neoqotika |
| cathedral.net | |
 Vikianbarda əlaqəli mediafayllar | |
Müqəddəs Məryəm Yepiskopal Kafedrali və ya sadəcə Müqəddəs Məryəm kafedralı (ing. St Mary's Cathedral, Edinburgh (Episcopal)) — Edinburq şəhərində yerləşən Şotlandiya Yepiskopal Kilsəsinin kafedralı. Edinburq yeparxiyasının yepiskopunun iqamətgahıdır. Neoqotika üslubunda tikilmiş kafedral məşhur Britaniya memarı Corc Qilbert Skott tərəfindən layihələndirilib. Bu A kateqoriyalı binadır. Kafedralın 90 metrlik qülləsi Edinburq ərazisindəki ən yüksək nöqtədir.
Tarixi
[redaktə | vikimətni redaktə et]Kafedralın təməl daşı 21 may 1874-cü ildə qoyulmuş və bina 30 oktyabr 1879-cu ildə təqdis edilmişdir.[1]
Müqəddəs Məryəm kafedralı Edinburq Yeparxiyasındakı bütün Şotlandiya Yepiskopal kilsələrinin ana kilsəsidir. Bu yeparxiya Fort körfəzindən İngiltərə sərhədinə qədər uzanır. Şotlandiyada yeddi yeparxiya var və Müqəddəs Məryəm kafedralı Şotlandiya Yepiskopal Kilsəsinin yeddi yepiskopundan biri olan Edinburq Yepiskopunun təsis yeri kimi fəaliyyət göstərir.[2]
Kafedral memar Ser Corc Qilbert Skott tərəfindən Viktoriya dövrü neoqotika üslubunda tikilib. A kateqoriyalı qorunan bina statusuna malikdir və Edinburqun Köhnə Şəhər və Yeni Şəhər Ümumdünya İrs Mövqeyinin bir hissəsidir. Kafedral Böyük Britaniyada üç zirvəsi olan yalnız üç kafedraldan biridir (digər ikisi Liçfield və Truro kafedrallarıdır). Əsas zirvə 90 metr hündürlüyündədir və bu binanı Edinburq şəhər ərazisindəki ən hündür bina edir. Digər iki zirvə 1917-ci ildə tamamlanmışdır. Daha sonrakı illərdə Mahnı Məktəbi və Kapitul Evri də əlavə edilmişdir.[3]
Kafedralın tikintisini Q.But həyata keçirmiş, işlərin müfəttişi isə Edvin Morqan olmuşdur. Müqəddəs Məryəm kafedralının dörd əsas girişi var: qərb, şərq, şimal və cənub qapıları. Kafedralın əsas girişi, Palmerston Plasdan olan bəzəkli qərb girişidir ki, burada Müqəddəs Pyotr və Cənnət Krallığının açarı təsvir edilmişdir.[4]
İstinadlar
[redaktə | vikimətni redaktə et]- ↑ Sitwell, 1945. səh. 189
- ↑ "St Mary's Episcopal Cathedral". Edinburgh World Heritage. Edinburgh World Heritage. İstifadə tarixi: 3 aprel 2018.
- ↑ Ingram, Mary E. "A Jacobite Stronghold of the Church". 1907.
- ↑ "St Mary's Episcopal Cathedral". en:Emporis. Archived from the original on 7 mart 2016.
