Müqəddəs Martin kilsəsi (İpr)

katolisizm
Müqəddəs Martin kilsəsi
Ölkə	Belçika
Vikianbarda əlaqəli mediafayllar

Müqəddəs Martin kilsəsi (alm. Sint-Maartenskerk‎) — İpr şəhərində yerləşən kilsə və keçmiş kafedral. O, 1561-ci ildən 1801-ci ilə qədər İpr yeparxiyasının kafedralı və yepiskopun kürsüsü olub. Kilsə hələ də yerli əhali tərəfindən tez-tez kafedral kimi adlandırılır. 102 metr hündürlüyü ilə Belçikanın ən hündür binalarından biridir.

Tarixi

Kilsənin tikintisi 1230-cu ildə başladı və 1370-ci ildə tamamlandı. Ərazidə əvvəllər X və ya XI əsrdən qalmış Roman üslublu bir kilsə var idi. Yeparxiya əvvəlcə VII və ya VIII əsrdə qurulmuş Teruan yeparxiyasının bir hissəsi idi. 1553-cü ildə V Karl, Mettdə fransızlara qarşı məğlubiyyətin qisasını almaq üçün Müqəddəs Roma imperiyasında fransız anklavı olan Teruan şəhərini mühasirəyə aldı. Şəhəri ələ keçirdikdən sonra onu dağıtdı. 1557-ci ildə müharibə ziyanı nəticəsində yeparxiya ləğv edildi. Bu Trent Məclisində yeparxiyaların islahatına səbəb oldu və Teruan yeparxiyası Sen-Omer yeparxiyası, Bulon yeparxiyası və İpr yeparxiyası arasında bölündü. Bununla Müqəddəs Martin Kilsəsi kafedral statusu aldı, çünki yeni yeparxiyanın kürsüsü oldu.

1801-ci ildə Napoleon Bonapart və Papa VII Piy arasında bağlanan Konkordatdan sonra İpr, Gent yeparxiyasına birləşdirildi və Müqəddəs Martin kafedral statusunu itirdi. Bir çox keçmiş kafedral (proto-kafedral) kimi, hələ də yerli əhali tərəfindən tez-tez kafedral kimi adlandırılır.

Birinci Dünya müharibəsi zamanı kilsə ağır ziyan gördü. Daha sonra (1922-1930) xarabalıqlar təmizləndi və kilsə orijinal planlara uyğun olaraq tamamilə yenidən quruldu, baxmayaraq ki, qüllə orijinaldan daha yüksək bir şpirlə inşa edildi.

Qalereya

• 
  Kilsə gecə vaxtı
• 
  Xalq arasında Flandriya Aslanı kimi tanınan Flandriya qrafı III Robertin məzarı
• 
  Kilsənin daxili interyeri
• 
  Kilsənin xafrici fasadı

• 
  İpr döyüşü
• 
  İsa və Samariyalı qadın
• 
  Məryəm
• 
  Sehrbazlar
• 
  Xaç daşıma