Müqəddəs Patrik kafedralı (Nyu-York)

katolisizm
Müqəddəs Patrik kafedralı
St. Patrick's Cathedral
Ölkə	ABŞ
Üslubu	neoqotika
Uzunluğu	121 m
Hündürlüyü	100 m
saintpatrickscathedral.org
Vikianbarda əlaqəli mediafayllar

Müqəddəs Patrik kafedralı (ing. St. Patrick's Cathedral) — Nyu-York şəhərində yerləşən neoqotika üslubunda inşa edilən katolik kafedralı. Katedral ABŞ-ın Milli Tarixi Abidələr siyahısına daxildir. Kafedral ABŞ-da neoqotika üslubda tikilmiş ən böyük katolik kilsəsidir. Müqəddəs Patrik kafedralı Nyu-York arxyepiskopluğunun kürsüsüdür. Kafedral 50-ci küçə ilə Beşinci prospektin kəsişməsində yerləşir.

Tarixi

1858-ci ildə Nyu-York Arxiyeparxiyasının artan ehtiyaclarını qarşılamaq və Müqəddəs Patrik Köhnə Kafedralını əvəz etmək üçün onun tikintisinə başlanıldı. İşlər 1860-cı illərin əvvəllərində Amerika vətəndaş müharibəsi zamanı dayandırıldı. Kafedral 1878-ci ildə tamamlandı və 25 may 1879-cu ildə təqdis edildi. Arxiyepiskopun evi və keşiş evi 1880-ci illərin əvvəllərində, Ceyms Renvik tərəfindən layihələndirilərək əlavə edildi. Qüllələr 1888-ci ildə tikildi. Çarles T. Mathevs tərəfindən layihəsi verilən Müqəddəs Məryəm Şapeli 1901-1906-cı illərdə inşa edildi. Kafedral bütün borcları ödənildikdən sonra 5 oktyabr 1910-cu ildə təqdis edildi. Kafedralda genişmiqyaslı bərpa işləri bir neçə dəfə aparıldı, o cümlədən 1940-cı, 1970-ci və 2010-cu illərdə.

Müqəddəs Patrik Kafedralı mərmərlə örtülmüşdür və onlarla rəngli şüşə pəncərələrə malikdir. Uzunluğu 101 m transeptlərdə maksimum eni 53 m təşkil edir. Beşinci prospektdəki əsas girişi təşkil edən tunc qapılar, hər biri 100 m hündürlüyündə qüllələrlə əhatə olunmuşdur. Şimal qülləsində on doqquz zəng var və daxili hissədə iki borulu orqan var. Daxildə bir nef və bir neçə şapel, iki transept, xor və apsid, həmçinin bir kript var. Apsidin şərqində keşiş evi, Müqəddəs Məryəm Şapeli və Madison prospektinə baxan arxiyepiskopun iqamətgahı yerləşir. Kafedral Nyu-York şəhərinin qorunan tarixi abidəsi statusuna malikdir və Milli Tarixi Abidələr siyahısında qeydə alınıb.

Qalereya

• 
  Katedralin 1913-cü il fotoşəkili
• 
  Rokfeller Mərkəzindən görünüş
• 
  Girişin yuxarı hissəsi (oktyabr 2007)
• 
  Əsas giriş
• 
  Kafedralın daxili hissəsi
• 
  Arxiyepiskop İqamətgahı
• 
  Orqan
• 
  Fasad detalı (sentyabr 2006)

Ədəbiyyat

• "Compressed Air". Compressed Air. 2 cild no. 4. iyun 1898. 648–650.
• Farley, John Murphy. History of St. Patrick's Cathedral. Society for the propagation of the faith. 1908.
• Lafort, Remigius, S.T.D., Censor. The Catholic Church in the United States of America: Undertaken to Celebrate the Golden Jubilee of His Holiness, Pope Pius X. V. 1–3 ... Catholic editing Company. 1914.
• "St. Patrick's Cathedral". en:National Register of Historic Places, National Park Service. 8 dekabr 1976.
• Smith, John Talbot. The Catholic Church in New York: a history of the New York Diocese from its establishment in 1808 to the present time (English). 1905. OCLC 485107.
• Casey, Marion R. "Cornerstone of Memory: John Hughes & St. Patrick's Cathedral: Sixteenth Ernie O'Malley Lecture, 2014". American Journal of Irish Studies. Glucksman Ireland House, New York University. 12. 2015: 10–56. ISSN 2165-3224. JSTOR 43657249.
• Feighery, Kate. "'Everything Depends on the First Year': Archbishop John Hughes and His Fundraising Plan for St. Patrick's Cathedral". American Journal of Irish Studies. Glucksman Ireland House, New York University. 12. 2015: 57–76. ISSN 2165-3224. JSTOR 43657250.

Xarici keçidlər

• saintpatrickscathedral.org — rəsmi saytı