Məzmuna keç

Müqəddəs Pyotr və Pavel kafedralı (Osyek)

Vikipediya, azad ensiklopediya
katoliklik
Müqəddəs Pyotr və Pavel kafedralı
Xəritə
Ölkə
Üslubu neoqotika
Materialı kərpic, daş[d]
Hündürlüyü 94 m
svpetaripavao.hr
Vikianbarın loqosu Vikianbarda əlaqəli mediafayllar

Müqəddəs Pyotr və Pavel kafedralı (xorv. Katedrala Svetog Petra i Pavla) — Osyek şəhərində yerləşən Roma-Katolik kilsəsi. Kilsə Dakovo-Osyek Arxiyepiskopluğunun mərkəzi və memarlıq abidəsidir.[1]

Müqəddəs Pyotr və Pavel kafedralı neoqotika inşa edilib. Onun 94 metr hündürlüyündə olan çoxmərtəbəli qülləsi şəhərin simvollarından biridir. Kilsə 1898-ci ildə Đakovo yepiskopu Yosip Juraj Strossmayerin təşəbbüsü ilə inşa edilmişdir. Kilsəyə əsas portalın yan tərəfində yerləşən iki kiçik qapıdan daxil olmaq mümkündür. Bu qapılar üzərində üç qarqul heykəli yerləşir. Daxili interyer neoqotika bəzək elementləri ilə zəngindir və bir-birini izləyən zirvəli qurbangah qrupları rəngli şüşə pəncərələrlə tamamlanır. Daxili interyerin son işləri 1938–1942-ci illər arasında aparılmışdır. Bu zaman tanınmış Xorvatiya rəssamı Mirko Raçki divarları və tavanları parlaq rəngli freskalarla bəzəmişdir. Bu freskalarda Köhnə və Yeni Əhd kitablarından məşhur hekayələr təsvir edilmişdir.[2]

Maraqlı faktlar

  • Bu Slavoniya əyalətinin ən hündür binasıdır.
  • Kilsənin ibadət zamanı tutumu 3000 nəfərdən çoxdur.
  • Kilsə üç yarım milyon kərpicdən inşa edilmişdir və rəngli daş qurbangahı var.
  • Dörd qüllə zənginin çəkisi müvafiq olaraq 2665 kq, 1552 kq, 740 kq və 331 kq-dır.
  • 1991-ci ildə Xorvatiya Müstəqillik Müharibəsi zamanı kilsə ağır ziyan görmüşdür.
  1. ↑ "Povijest župe". Official Web Page (xorvat). Župna crkva Sv. Petra i Pavla Apostola u Osijeku. 22 fevral 2014 tarixində arxivləşdirilib. İstifadə tarixi: 9 fevral 2014.
  2. ↑  (alm.) Franz Langenberg's Biography Arxiv surəti 2 iyun 2011 tarixindən Wayback Machine saytında Arxivləşdirilib 2011-06-02 at the Wayback Machine

Xarici keçidlər

[redaktə | vikimətni redaktə et]