Müqəddəs Yakov kilsəsi (Riqa)

Müqəddəs Yakov kilsəsi
Müqəddəs Yakov kilsəsi
	Svēta Jēkaba katedrāle; Jakobskirche
Ölkə	Latviya;
Yerləşir	Riqa
Tikilmə tarixi	XIII əsr
Üslubu	roman memarlığı
Hündürlüyü	86 m
Uzunluğu	50 m;
Eni	27 m
Material	kərpic
Rəsmi sayt	catholic.lv/katedrale/
	56°57′03″ şm. e. 24°06′17″ ş. u.HGYO
	Vikianbarda əlaqəli mediafayllar

Müqəddəs Pyotr kilsəsi latış. Svēta Jēkaba katedrāle‎, alm. Jakobskirche‎) — Latviyanın paytaxtı Riqada yerləşən və Müqəddəs Yakova həsr olunmuş Roma-Katolik kilsəsi. Kilsə Ümumdünya irsi siyahısına daxil edilmiş Əski Riqada yerləşir. Latviya parlamentinin (Saeima) toplantı yeri olan Livoniya Zadəganlar Korporasiyasının Evinin qarşısında yerləşir. Kilsə bəzən "Müqəddəs Yakob" adı ilə də adlandırılır.^[3]

Tarixi

Kilsə binası 1225-ci ildə təqdis edilmişdir. Əvvəlcə kafedral deyildi, çünki bu funksiya Riqa kafedralı tərəfindən yerinə yetirilirdi. XV əsrin əvvəllərində erkən Qotik kilsənin cənub ucunda Müqəddəs Xaç şapeli tikildi və kilsənin bir hissəsi bazilikaya çevrildi. 1522-ci ildə Protestant Reformasiyası zamanı bina Riqa şəhərindəki ikinci alman dilli Lüteran kilsəsinə çevrildi. 1523-cü ildə isə burada ilk latış dilli Lüteran kilsəsi yaradıldı.^[4]

1582-ci ildə, Polşa-Litva Birliyindən olan Stefan Batorinin Riqa üzərində nəzarəti ələ alması ilə bina Kontr-Reformasiya çərçivəsində Yezuitlərə verildi. 1621-ci ildə İsveç kralı II Qustav Adolfun Riqa şəhərini işğal etməsindən sonra yenidən Lüteranlara qaytarıldı. Müxtəlif dövrlərdə isveç, alman və ya eston dilli Lüteran kilsəsi kimi xidmət göstərdi. 1710-cu ildə Rusiya işğalından sonra kilsə "Tac Kilsəsi" adlandırıldı, lakin alman dilində dini mərasimlər davam etdirilməsinə icazə verildi. 1812-ci ildə Napoleon Bonapart ordusu tərəfindən un kisələri və digər qida ehtiyatları üçün anbar kimi istifadə edildi. Bu dövrdə 1812-ci ilin iyunundan noyabrınadək icma ibadətlərini Müqəddəs Pyotr Kilsəsində keçirdi.^[5]