Müzakirə:Azərbaycanın Milli Qəhrəmanlarının siyahısı

Vikipediya, açıq ensiklopediya
Jump to navigation Jump to search

Firuddin Şamoyev[əsas redaktə]

Mənim qohumum Azərbaycanın Milli Qəhrəmanı Firuddin Şamoyevin adı yoxdu! — Bu imzasız yazı 176.28.87.59 (müzakirə · fəaliyyət) tərəfindən əlavə edilmişdir. 16:30, 18 iyun 2012 (UTC)

Zəhmət olmasa dəqiqləşdirməmiş ittiham etməyin. Firudin Şamoyev haqqında hətta məqalə də var. --►CEKde gəlsin 11:39, 18 iyun 2012 (UTC)

İntro əlavə edilməsi[əsas redaktə]

White Demon salam. Qərara aldım artıq siyahını yerləşdirim. Vaxtınız olanda intro əlavə edə bilərsiniz?--Calal99 (müzakirə) 11:48, 13 oktyabr 2016 (UTC)

Əvvəlcə məqalə tamamlanmalıdır. Giriş məqalənin xülasəsidir. Əvvəlcə məqalə tamamlanmalıdır ki, xülasə də çıxara bilim.--White DemΩn (el psy congroo) 13:02, 13 oktyabr 2016 (UTC)

Rusca versiyası[əsas redaktə]

Interfase salam. Siz bu məqalənin Rusca versiyasını belə təkminləşdirə bilərsiniz ki, "Seçilmiş siyahı" statusu alsın?--Calal99 (müzakirə) 12:12, 13 oktyabr 2016 (UTC)

Həmçinin bax[əsas redaktə]

Calal99 məncə Surət Hüseynovda Milli Qəhrəman idi. Sonradan mərhum edildi. --Araz Yaquboglu (müzakirə) 13:49, 13 oktyabr 2016 (UTC)

Araz Yaquboglu əvvəla salam. Mən bilirəm. O, 1994-cü ildə təltif edilib və həmin ildə məhrum olunub. Mən hələ 1994-cü ildə başlamamışam, ona görə yoxdur.--Calal99 (müzakirə) 13:59, 13 oktyabr 2016 (UTC)
Məni tanıyan bir çox yoldaşlar bilirlər ki, salamdan az istifadə edirəm. --Araz Yaquboglu (müzakirə) 14:03, 13 oktyabr 2016 (UTC)
Araz Yaquboglu sirr deyilsə niyə?--Calal99 (müzakirə) 14:05, 13 oktyabr 2016 (UTC)
Vərdişimdə deyil, ona görə. Çoxları hətta küsüblər də ona görə. --Araz Yaquboglu (müzakirə) 14:07, 13 oktyabr 2016 (UTC)

Şəkillərin silinməsi[əsas redaktə]

Sortilegus salam. Niyə axı bu şəkilləri silirsiniz?--Calal99 (müzakirə) 19:18, 14 oktyabr 2016 (UTC)

Sortilegus sağolun:-)--Calal99 (müzakirə) 19:23, 14 oktyabr 2016 (UTC)
Calal99 İnqilab İsmayılov nəsə yoxdu siyahıda. --Araz Yaquboglu (müzakirə) 05:30, 16 oktyabr 2016 (UTC)
Araz Yaquboglu salam. Mən səhifənin əvvəl ki, versiyasına baxdım. Orada İnqilab İsmayılovun adı var idi, amma "əlifba sırası görə" bölməsində, "illərə görə" bölməsinfə yox idi. Mən e-qanun.az saytından araşdıracam birazdan təltif tarixini tapsam əlavə edəcəm.--Calal99 (müzakirə) 07:56, 16 oktyabr 2016 (UTC)

Rövşən Əkbərov[əsas redaktə]

Rövşən Əkbərov burda niyə yoxdur?--Azerifactory (müzakirə) 21:20, 12 dekabr 2016 (UTC)

Eyvaz Əliyev (Xan Eyvaz ləqəbli)[əsas redaktə]

Eyvaz Əliyev ad, soyadlı şəxsin Milli Qəhrəman adı almasıyla bağlı yazı uzun olsa da, bura yerləşdirirəm. Yazı müəllifini etibarlı mənbə kimi qəbul etmək olar, intəhası e-qanun.az saytından Eyvaz Əliyevə Milli Qəhrəman adının verilməsi ilə bağlı rəsmi sənədə rast gəlmədim. Bunu da siyasi məzmunla əlaqələndirirəm: 123-cü alay nümayəndələri sonradan həbs olunmuşdular. Qeyd edim ki, həmin rəsmi saytda belə bir fərmanın yerləşdirilməməsi səbəbini bu nümunə ilə də təsdiq etmək olar hardasa: Sözügedən saytda Sürət Hüseynova Milli Qəhrəman adının verilməsi barədə fərman yerləşdirilməyib, lakin həmin addan məhrum edilməsi barəsində olan fərman isə yerləşdirilib (http://e-qanun.az/framework/9078). —  Cavid Sumqayıtlı  19:11, 2 yanvar 2018 (UTC)

Bir Qazinin həyat hekayəsi

Azərbaycan tarixində yeganə canlı, (amma ölümündən sonra) Azərbaycanın Milli Qəhramanı Eyvaz Əliyev(Xan Eyvaz) haqqında sizə danışmaq istəyirəm. Xan Eyvaz Qarabağın tanınmış batalyon komandirlərindəndi. Bərdənin Şirvanlı kəndindəndi.

Sovet Ordusu sıralarında Əfqanıstan müharibəsində iştirak etmiş Eyvaz Əliyev Qarabağda müharibə başlayandan könüllü batalyon təşkil edib, döyüşürdü. Şücaəti və bacarığına görə bu, zahirən cəlimsiz adam, Xan ləqəbini qazanmışdı.

Mən Xan Eyvazı 92-ci ilin aprelindən döyüşlərdən tanıyırdım və aramızda möhkəm cəbhə yoldaşlığı yaranmışdı.1992-ci ilin ortalarında aparılan Ordu quruculuğu prosesinə uyğun olaraq, bütün könüllü batalyonlar nizami ordu hissələrinə daxil olmalı idilər. Bu zaman MN R. Qazıyev tərəfindən batalyon komandirlərinin özlərinə daxil olmaq istədikləri hərbi hissəni seçmək hüququ verilmişdir. Xan Eyvaz batalyonu ilə bizim, 123-cü polkun tərkibinə daxil olmaq istəyini bildirdi və alayımızın ştatdankənar batalyonu oldu. Bundan sonra onun batalyonu 123-cü alayın hərəkət etdiyi istiqamətlərdə döyüşürdü. 1993-cü ilin yanvarında 123-cü alay Ağdərədə mərkəzdə hücum edirdi. Araçadzor, Tsmakaoq və Şaxmasurun alınması bizim hücum vəzifəmiz idi. Şaxmasura hücum edən Xanın batalyonu çox ağır döyüşlər apardı. Döyüşdə olduğca çox manevrlərdən istifadə olundu. Batalyon kəndin ətraf yüksəkliklərini alarkən, bir neçə dəfə mühasirə düşmək təhlükəsilə üzləşsə də, düşməni də müasirəyə salmağa müvəffəq olmuşdu. Lakin ermənilər ehtiyyat qüvvələrini döyüşə bizdən daha tez salmaqla, Şaxmasurda öz xeyirlərinə dönüş yarada bildilər. Düşmənin bizimkilərin arxasına keçməyə növbəti cəhdi zamanı Xan başından ağır yaralandı. Başının sol qapağını güllə aparmışdı. Belə yaralar yaşamağa şans vermir. O, öz yerinə müavinini komandir təyyin edib, batalyonu müasirədən çıxarmağını, özünü isə ermənilər gəldikləri dağ cığırın üstündə qoymağı əmr etdi. Həmçinin, yanında bir neçə qumbara və tapançasını qoymağı əmr etdi. Döyüşçüləri Xan kimi komandiri, əlbəttə ki, burada qoyub gedəsi deyildilər, amma onun qəti əmrlərinə və onsuzda yolda öləcəyinə əmin olduqlarına görə, dediyini etdilər və komandirlərilə göz yaşları ilə əbədi xudahafizləşib, mühasirədən döyüşərkən çıxa bildilər.

Bizim əlavə yardım qrupumuz yalnız qalanların çıxmasına çata bildi. Həmin gün bütün Qarabağa Xanın ölüm xəbəri yayıldı və Bakıya çatdı. Eşidən sarsılmışdı. Xanı ölkə və ordu rəhbərliyi də tanıyırdı. Axşam, cəbhə xəbərlərində Şəmistan Xan Eyvazın qəhramancasına həlak olduğu xəbəri səsləndirdi. Daha iki gündən sonra AzTv-də Prezident Ə. Elçibəyin Eyvaz Əliyevə ölümündən sonra Azərbaycanın Milli Qəhrəmanı adı verilməsi haqqında fərmanı oxundu. Daha bir gündən sonra isə Xan sürünərək bizimkilərin Ağdərədəki mövqelərinə gəlib çıxdı.

Biz qulaqlarımıza və gözlərimizə inana bilmirdik, sevincimizin həddi yox idi! Xanı əvvəlcə Mingəçevir hospitalına gətirdilər, vəziyyətinin çox ağır olduğuna görə, oradan vertolyotla Bakıya apardılar. Görünür Xanın əcəli hələ gəlməmişdi. Həkimlər onun həyatını xilas edə bildilər. Baş qapağın sol tərəfini və sol gözünü (demək olar ki) itirmişdi. Bundan başqa beynin hərəkət aparatına cavabdeh olan hissəsi zədələndiyinə görə, Xan yeriyəndə çətinlik çəkirdi. Amma əsas o idi ki, sağdı! Xan bizə danışdı ki, o dağ keçidində uşaqları yola salandan bir az sonra ermənilər yaxınlaşmağa başladılar. O, son gücü ilə keçidə dırmaşan düşmən tərəfə 3-4 qumbara atdı. Onlar da cavab atəşi açdılar, lakin geriyə çəkildilər. Ətrafa sakitlik çökdü və Xan huşunu itirdi. Huşunu itirərkən, onun başı yaralı hissəsi ilə qara düşüb. Qar qanını dondurub və qanaxmanın qarşısını almışdı. Orada nə qədər qaldığını bilmirdi, amma ayılandan sonra biraz qar yeyib, iradəsini toplayıb və bizim tərəfə hərəkət etməyə başlayıb. O, 5 km-dən artıq məsafəni üç gün və iki gecəyə sürünüb, gəlib çıxmışdı 703-cü briqadanın Çıldırandakı mövqelərinə.

Sonrasını danışmasam, hekayəm yarımçıq olar. Xanın başına gələnlər bununla bitməmişdi. Keşməkeşli zəmanə idi. İki il sonra 123-cü alayın başqa komandirləri kimi Xan da siyasi oyunların qurbanı oldu, “vətən xaini” kimi 10 il azadlıqdan məhrum edildi. Məhkəməsində Xan son çıxışında: “Möhtərəm hakim, mən Azərbaycanın Milli Qəhramanıyam. Qanunla məni məhkum etmək olmaz” dedi və Prezident fərmanının nömrəsini və tarixini dedi. O, bu sözünü sona saxlamışdı. Məhkəmədə çaşqınlıq yarandı və sabaha qədər fasilə elan olundu. Sabahısı gün hakim çıxışında dedi: ”Bəli, Eyvaz Əliyev, siz Azərbaycanın Milli Qəhramanısız … amma ölümünüzdən sonra”. Xanı bu sözlərin özü yox, daha çox deyilişindəki istehza tonu yandırdı. “- Deməli, mən zindana vətən xaini kimi salırsınız, orada ölsəm Milli Qəhraman olacam?”

Xan 8 il 8 ay cəza çəkəndən sonra azadlığa çıxdı və ailəsini də götürüb, yaxın dövlətlərdən birinə köçdü. O zamandan heç kəslə əlaqə saxlamır.

— Müəllif: Ehtiyatda olan polkovnik-leytenant Nazim Bayramov, 123-cü alayın qərargah rəisi