Müzakirə:Gürzallar

Vikipediya, azad ensiklopediya
Jump to navigation Jump to search

Goranboy, ya Göygöl?[əsas redaktə]

Araz Yaquboglu, siz bu mövzuda nisbətən məlumatlısız deyə adınızı qeyd edirəm. Bu məqalədə yazılıb ki, bu kənd Göygöl rayonunun kəndidir. Eyni zamanda "Toponimikası" bölməsində də "Azərbaycan Toponimlərinin Ensiklopedik Lüğəti"nə istinadən yazılıb ki, Goranboy rayonunun da eyniadlı kəndi var. Məqalənin bütün dil keçidlərində də yazılıb ki, bu kənd Goranboy rayonunun kəndidir. Aydınlaşdırma, dəqiqləşdirmə keçidləri də yoxdu heç bir vikidə ki, qeyd edilə ki, bu adda kənd həm də Göygöl rayonunda var. Kəndin adını "Google"-a yazanda da bu kəndin ancaq Goranboyda olması çıxır. Məsələn İrşad Əliyev məqaləsində də yazılıb ki, o, 1944-cü il iyunun 30-da Goranboy rayonu Gürzallar kəndində anadan olmuşdur. Bütün bunlardan əlavə Goranboy rayonunun ətraflı xəritəsində bu kəndin adı (xəritədə mərkəzdə Naftalanla eyni sırada solda) yan-yana 2 dəfə qeyd edildiyi halda, Göygöl rayonunun ətraflı xəritəsində belə bir kənd adı yoxdur. Son olaraq məqalənin xarici dil keçidlərindəki xəritələrdə bu kəndin Goranboy rayonu ərazisində Göygöl-Goranboy rayonlarının sərhədinə çox yaxın olduğu görünür ki, məncə səhv bu səbəbdən də qaynaqlana bilər. P.S. Gürzallar bələdiyyəsi məqaləsində də bu bələdiyyənin Goranboy rayonunun bələdiyyəsi olduğu qeyd edilib.— samral müzakirə 14:52, 22 may 2020 (UTC)

Samral çox sağ ol ki diqqətli olub görmüsən səhvi. Dediyiniz kimi bələdiyyədə də, eyni zamanda məqaləyə etdiyim mənbədə də Goranboyun olduğu, hətta adının da Gürzalılar yox Gürzallar olduğu qeyd edilib. Redaktə edib düzəltdim. — Araz Yaquboglu (müzakirə) 17:24, 22 may 2020 (UTC)