Müzakirə:Qarabağ FK

Vikipediya, azad ensiklopediya
Jump to navigation Jump to search

Axı məncə seçilmiş məqalə üçün hazır deyil bu... Hələ burada yayımlanmamış seçilmiş məqaləmiz var axı. Mütləq idi indi bunu yarımçıq vəziyyətdə Ana səhifəyə, seçilmiş adı ilə yerləşdirmək? Bir hələ bitirək də bunu... --Proger danış 10:22, 19 Avqust 2010 (UTC)

Tam razıyam. Səhər bu barədə yazmaq istədim, amma istəmədim desinlər ki, yenə konflikt yaradır. Odur ki, bu səhifədəki sonrakı müzakirələrdə iştirak etməyəcəm. --Ira 10:26, 19 Avqust 2010 (UTC)

Cekli, "kval" nə deməkdir, "təsnifat mərhələsi"?--Vago 13:20, 19 Avqust 2010 (UTC)

Kvalifikasiya mərhələsi. -- Cekli829 18:33, 19 avqust 2010 (Cek vaxtı ilə)

Dilimizdə də o cür adlanır?--Vago 14:01, 19 Avqust 2010 (UTC)

İdman mətbuatında elədir. Təsnifat mərhələsi sözü ilə də əvəz etmək olar. -- Cekli829 19:04, 19 avqust 2010 (Cek vaxtı ilə)

Mən elə də maraqlanan deyiləm, amma idman şərhçilərinin dilindən ara-bir "təsnifat mərhələsi" sözü eşidirəm.--Vago 14:07, 19 Avqust 2010 (UTC)

Kvalifikasiya mərhələsini (kval.) Təsnifat mərhələsi (t/m.) ilə əvəz etdim. -- Cekli829 13:29, 20 avqust 2010 (Cek vaxtı ilə)

Əla məqalə alınır.--Sortilegus 11:10, 20 Avqust 2010 (UTC)

Qədim şəkillərə ehtiyacım var. O zaman daha da super olacaq. -- Cekli829 16:27, 20 avqust 2010 (Cek vaxtı ilə)

Futbolçuların şəklini mən yığdım cədvəlin içinə. Elə səhifəni ağırlaşdırırdı. Çatışmayanları da tapmaq lazımdır ki, bitkin cədvəl olsun Hörmətlə:--Sortilegus 11:32, 20 Avqust 2010 (UTC)

Amma "İmarət"dəki şəkil müəllif hüquqları ilə qorunur.--Sortilegus 11:34, 20 Avqust 2010 (UTC)

Şəkillər sırası[əsas redaktə]

Vago {{Şəkillər sırası}} şablonu lap yerinə düşdü. Mən də elə fikirləşirdim ki, bunu necə qaydaya salım? Əla oldu! Çox sağ ol! -- Cekli829 16:47, 20 avqust 2010 (Cek vaxtı ilə)

Əsl Siz sağ olun ki, gözəl məqalə yaradırsınız.--Vago 11:58, 20 Avqust 2010 (UTC)

Vaxt var idi ki, bu komandaya dəhşətli dərəcədə nifrət edirdim. Xüsusilə, adı dəyişdirilib "Qarabağ-Azərsun" olduğu zamanlarda... Hətta 2004-cü ildə Moskvada Birlik Kubokunda bərbad nəticə göstərəndə çox sevinmişdim. Çünki "Qarabağ" adına Xocalı sözündən başqa hansısa sözün calaq olunmasını qətiyyən həzm edə bilmirdim. Sadəcə maliyyə imkanım yox idi ki, "Qarabağ"ı alım. Və yaxud da Xocalını təmsil edən "Qarabağ-Xocalı" yaradım. Bax bunun effekti daha güclü olardı. Düşmənə və beynəlxalq ictimaiyyətə haqq-ədalət naminə təsir hər sahədə olmalıdır. Həmçinin futbolda da... -- Cekli829 17:13, 20 avqust 2010 (Cek vaxtı ilə)

Cədvəl[əsas redaktə]

Oyunçuların siyahısı olan cədvəldə şəkilləri mütləqdir? Məncə əlavə şeydir. Sadə siyahı olsa daha yaxşı olar. Həm də bu loqoları, dövrlərinə uyğun yerləşdirmək lazımdır. Qarabağın köhnə loqosu, ilinə aid olduğu bölməyə keçsin, yeni loqosu isə ümumiyyətlə info-blokda var. Onu bir də göstərmək nəyə lazımdır? Əlavə yükdür səhifəyə. Əgər müsbət olsa rəy, özüm dəyişdirə bilərəm. Bircə bu köhnə loqonun ili bilinmir hansıdır. --Proger danış 10:05, 23 Avqust 2010 (UTC)

Oyunçuların siyahısı olan cədvəldə şəkillərin yerləşdirilməsi Sortilegusun ideyası idi. Və bu ideyanı mən də dəstəkləyirəm. Loqoya gəldikdə isə, info-blokda komandanın yaranma tarixi, Prezidenti, Baş məşqçisi və s. göstərilib. Onda gərək onları da məqalədən çıxaraq. Çalışıram ki, "Qarabağ"ın bütün keçmiş loqolarını tapım və məqaləyə əlavə edim. -- Cekli829 15:18, 23 avqust 2010 (Cek vaxtı ilə)

Başa düşmədim, prezident, baş məşqçi - loqodur? Söhbət loqodan gedir. Eyni loqonu, eyni məqalədə iki dəfə yerləşdirmək nəyə lazım? --Proger danış 10:23, 23 Avqust 2010 (UTC)

Futbolçuların şəkilləri məqalədə ayrıca yerləşdirilmişdi. Onları mən cədvəlin içinə daxil etdim. Elədə çox yer tuturdu, səhifənin dizaynını korlayırdı. Loqonun da yenisini səhifədən çıxarmaq olar, səhifədəki şablonda var. Amma müqayisə üçün köhnə loqo ilə yanbayan verilib - məncə maraqlıdır. Hər halda zövq məsələsidir. Görək başqa istifadəçilər nə deyirlər. Mən klubun azarkeşinin şəklini məqalədən çıxarmağı təklif edirəm. Commonsa yükləyiblər, rus və ingilis vikisinə də yerləşdiriblər, çox uğursuz şəkildi. Qarabağın azarkeşləri bu formada onun oyunlarına tamaşa etməyə gəlmirlər axı. Klubun öz kepkası və şərfi var - azarkeşlər də bu kepkanı başlarına qoyub, şərfi boyunlarına atıb onun Bakıda keçirilən oyunlarına gəlirlər. İndi biri bu formada gəlib - bu o demək deyil ki, bütün azarkeşlər belə assosiasiya olunmalıdır. --Sortilegus 12:20, 24 Avqust 2010 (UTC)

Futbolçuların şəkillərinin cədvəlin içində kiçik formada verilməsi əvvəlki ilə müqayisədə çox yaxşı və səliqəli görsənir. Məncə köhnə və yeni loqolar yanaşı verilməsi də pis deyil.--Bakuemil 12:29, 24 Avqust 2010 (UTC)
Nə deyirəm? Görünür camaatın xoşuna gəlir :). Səs sayı ilə uduzdum :D. Mən ümumiyyətlə şablonda futbolçuların şəkillərinə qarşıyam. Bir, iki məşhur oyunçusunu qoymaq olar. O ki, qaldı fanatın şəklinə. Məncə qalsa daha yaxşıdır. Həm də bu heç də bütün Qarabağ azarkeşlərinin bu formada oyunlara gəlməsi anlamına gəlmir axı. Orada harada elə şey yazılıb? Məsələn, şəxsən məndə bu assosiasiya vermədi. Bu sadəcə futbol klubunun konkret fanatıdır. Onu da çəkiblər. İlişməyin şəkilə! :). --Proger danış 18:40, 24 Avqust 2010 (UTC)

Fanatın şəkli mənim də ürəyimcədir. -- Cekli829 10:08, 25 avqust 2010 (Cek vaxtı ilə)

Bir az terroçu qiyafəsinə oxşayır, ona görə dedim. Yəni 1 istisna hal kimi bunu qoymaq bilmirəm nə dərəcədə düzgündür. Ona qalsa Braziliya futbol klublarının xanım azarkeşlərinin şəkillərini görmüsüz?:) Ya ingilis "xuliqan" azarkeşlərin şəkillərini? Hansı vikidə yerləşdiriblər o şəkilləri? Standart şəkil tapmaq lazımdır məncə.--Sortilegus 11:29, 26 Avqust 2010 (UTC)

Bəlkə bu axşam Borussiya Dortmund ilə oyundan sonra normal şəkil əlimizə keçdi... -- Cekli829 16:38, 26 avqust 2010 (Cek vaxtı ilə)

Dortmunddakı 0:4-dən sonra çətin. Ancaq bir halda ola bilər ki, sən başına klubun kepkasını qoyasan, mən boynuma şərfini dolayım - gedib stadionda üzümüzdə arsız təbəssüm bir şəkil çəkdirək:) --Sortilegus 12:00, 26 Avqust 2010 (UTC)

Nə oldu sana, nə oldu böylə :) Biz optimist nəslin nümayəndələriyik axı ))--Vago 12:11, 26 Avqust 2010 (UTC)
Şəkil çəkdirən azarkeşlərin sayı artıq 3 oldu, deyəsən:) Vaqo da klubun bayrağını stadionda havada yelləyər:)--Sortilegus 12:18, 26 Avqust 2010 (UTC)
Belə getsə, AzViki istifadəçilərinin ikinci görüşü stadionda baş tutacaq )))--Vago 12:21, 26 Avqust 2010 (UTC)
Yeri var! Super! Əla olar! Həm də çoxlu şəkil çəkib, Commonsa yükləyərik. -- Cekli829 17:28, 26 avqust 2010 (Cek vaxtı ilə)

Komandanın heyəti[əsas redaktə]

Səhifənin yükünü azaltmaq məqsədi ilə {{Qarabağ (Ağdam)-Komandanın heyəti}} şablonu yaradaraq Komandanın heyəti bölməsini ora köçürdüm. -- Cekli829 17:47, 24 avqust 2010 (Cek vaxtı ilə)

Emblem[əsas redaktə]

Bu cümləyə İngiltərədə xüsusi dizaynerlər tərəfindən hazırlanan loqotipdə də "Qarabağ"ın simvolu olan atlar təsvir olunub. mənbə var? Haradandır bu informasiya? Ümumiyyətlə dizayner ilə xüsusi dizayner arasında fərq nədir? --Proger danış 23:38, 26 Avqust 2010 (UTC)

Bu mənbə əlavə olundu. -- Cekli829 12:07, 27 avqust 2010 (Cek vaxtı ilə)

Əla. Amma məncə bu "xüsusi"ni çıxarmalıyıq. Dizayner ilə xüsusi dizayner arasında nə fərq var? Həmçinin bildiyiniz kimi Vikipediyada digər saytlardan bir-başa sitat əlavə etmək düzgün deyil. --Proger danış 09:23, 27 Avqust 2010 (UTC)

Razıyam. Çıxarda bilərsən. Hər halda klub rəhbərliyinin ingilis dizaynerlərinə xüsusi müraciəti olub və yaxud da, o dizaynerlər xüsusi olaraq yalnız futbol klubları üçün emblem hazırlayırlar. Doğrusu "Qarabağ"ın emblemi heç xoşuma gəlmir. I-si adı Azərbaycan dilində yazılmayıb, II-si komandanın yaranma tarixi 1951-ci ildən başlasa da, emblemdə 1987 göstərilib. -- Cekli829 14:36, 27 avqust 2010 (Cek vaxtı ilə)

Cek, səninlə tam razıyam! Çox düz qeyd edirsən. Məncə heç vizual olaraq da özünü tam doğrultmur. Emblem haqda olan fikrimi dəqiqlə dedin :). Amma bir məsələ var ki, mən məqaləni redaktə edə bilmirəm axı. Mühafizə qoyulub. Siz onu yarım-mühafizə rejiminə keçirə bilərsiniz? --Proger danış 09:56, 27 Avqust 2010 (UTC)

Prezident[əsas redaktə]

Klubun prezidneti - Tahir Gözəldir.--F a r i k 05:44, 31 Avqust 2010 (UTC)

Tahir Qoozal vitse-prezidentdir. -- Cekli829 11:07, 31 avqust 2010 (Cek vaxtı ilə)

link--F a r i k 06:37, 31 Avqust 2010 (UTC)

7 avqust 2010 tarixə olan xəbərdə "Qarabağ"ın vitse-prezidenti Tahir Gözəl göstərilib. -- Cekli829 12:13, 31 avqust 2010 (Cek vaxtı ilə)

İnternet saytı[əsas redaktə]

Futbol klubu şablonuunda da dedim, burda da deyim. Klubun saytını əlavə eləmək üçün yer qoyulmayıb. Təcrübəli istifadəçilər buna bir əl atın. Bir də Qarabağın saytında ana səhifədə üstdə bir azarkeşin şəkli var. Keçən dəfə maqalədə olan şəklə iradlar olmuşdu. İstəsəniz onu ordan götürüb var olanla əvəz edə bilərsiz.--Bakuemil 07:31, 2 Sentyabr 2010 (UTC)

Heç bir əvəzləmə aparmaq lazım deyil. Yalnız əlavələr etmək olar. --Proger danış 08:43, 2 Sentyabr 2010 (UTC)

Adı[əsas redaktə]

Məncə məqalənin adı Qarabağ (futbol klubu) olsa daha yaxşı olar. Siz necə fikirləşirsiniz?--Robert Langdon 19:27, 15 noyabr 2010 (UTC)

Əslində Xankəndindən olan Qarabağ klubu da var. O üzdən ad belə seçilib. --Proger danış 19:52, 15 noyabr 2010 (UTC)

Bəs indiki halda təklifiniz necədir? Çünki digər futbol klubları haqqındakı məqalələrin hamısının adında futbol klubu qeyd olunub. Bu məqalədə isə yazılmayıb. --Robert Langdon 19:54, 15 noyabr 2010 (UTC)

"Qarabağ" adını daşıyan Planetdə ən məşhur klub olduğu üçün təklif edirəm adını sadəcə "FK Qarabağ" qoyaq və səhifədə {{Aydınlaşdırma}} şablonu yerləşdirək ki, "FK Qarabağ (Xankəndi)" klubu da var. --Proger danış 19:57, 15 noyabr 2010 (UTC)

Yaxşı mən sizinlə razılaşıram. Dəyişin--Robert Langdon 19:59, 15 noyabr 2010 (UTC) Həmçinin gəlin bütün futbol klublarının qarşısına adını dəyişərək FK əlavə edək. Məncə belə yaxşı olardı --Robert Langdon 20:00, 15 noyabr 2010 (UTC)

Hörmətli həmkar, bu bizim yalnız qərarımız ola bilməz :). Biz konsensus tapdıq, bəs qalan istifadəçilər? :) Əgər iki gün ərzində heç kim fikir bildirməsə dəyişərik. --Proger danış 20:03, 15 noyabr 2010 (UTC)

Mən razı))--Robert Langdon 20:04, 15 noyabr 2010 (UTC)

Belə bir variant olar — "Qarabağ (futbol klubu, Ağdam)" və "Qarabağ (futbol klubu, Xankəndi)". "Dinamo" adında 50 dənə klub var. Klubun adının əvvəlinə "FK" əlavə etməkdənsə quyruğuna mötərizədə ("futbol klubu") yazmaq daha yaxşıdır. --Sortilegus 20:18, 15 noyabr 2010 (UTC)

Klubun rəsmi adı Qarabağ FK-dır. Lakin nəzərə alsaq ki bu adda Xankəndini təmsil edən başqa bir klub da olub, onda məqalənin əsas adı olmalıdır Qarabağ FK (Ağdam). Bu qədər. Tay haqqımız yoxdur ki klubun ad sanki beləymiş kimi Qarabağ Ağdam FK yazaq.--samral müzakirə 00:03, 1 noyabr 2014 (UTC)
Proger demişkən nəzərə alsaq ki, Ağdamı təmsil edən Qarabağ FK Azərbaycanda və dünyada Qarabağ FK adı ilə tanınan yeganə klubdur, məqalənin adı Qarabağ FK olsa və aydınlaşdırma şablonu qoyulsa məncə daha məqsədəuyğun olar.--samral müzakirə 19:31, 20 noyabr 2014 (UTC)
Bir kluba aid olmayan adı biz ona aid edə bilmərik. Klubun adı Qarabağ-dır. Xüsusiləşdirsək Qarabağ FK. Nəzərə alsaq ki, bu adda 3 klub olub, onda olacaq Qarabağ FK (Ağdam). Tay Qarabağ Ağdam FK yazmaq Ağdam sözünü klubuna adına "yamamaqdır". Siz Real Madridə və ya Xəzər Lənkəran FK-ya bəli şəhərin adını mütləq yazmalısız, çünki adları belədir. Ama tay durub Galatasaraya və ya Fenerbahçeyə İstambul yaza bilmərsiz ki. Bu da elə. Eminn sən bu şeyin əhlisən. Buyur sən də iştirak et müzakirədə.--samral müzakirə 20:17, 19 dekabr 2014 (UTC)

Müəllif hüquqları pozuntusu[əsas redaktə]

Məqalədə çoxsaylı copy-paste və müəllif hüquqları pozuntusu var. --N KOzi FORUM 11:26, 6 sentyabr 2011 (UTC)

İndi görürsən? --►Safir yüzüklü Ceklimesaj 11:27, 6 sentyabr 2011 (UTC)

Nə fərqi var haçan görürəm, əsas odu ki, görürəm. --N KOzi FORUM 11:29, 6 sentyabr 2011 (UTC)
Yaxşı edirsən:)--►Safir yüzüklü Ceklimesaj 11:30, 6 sentyabr 2011 (UTC)

Məqalə[əsas redaktə]

Məqalə indiki halı ilə nəinki SM, heç YM olmağa da layiq deyil.--samral müzakirə 18:55, 18 sentyabr 2014 (UTC)

Bəs nə təklif edirsən? --►Cekli829 05:20, 19 sentyabr 2014 (UTC)
Adı alınsın, zənginləşdirilib və ensiklopedikləşdirilib YM və ya SM edilsin.--samral müzakirə 00:12, 1 noyabr 2014 (UTC)
Sadəcə zənginləşdirilməsinə ehtiyac var. Bunu Siz də edə bilərsiniz. --►Cekli829 12:20, 1 noyabr 2014 (UTC)
--►Cekli829 əlbəttə zənginləşdirilə bilər. Amma indiki halı ilə gərək bu adı daşımasın. EnVikidə heç nə yox elə təkçə məqalənin istinadlarının sayı buradakından 2 dəfə çoxdur. Oradakı məqalənin strukturu da daha ensiklopedikdir.--samral müzakirə 19:34, 20 noyabr 2014 (UTC)
Belə müzakirə ilə vaxt aparmaqdansa, məqaləni təkmilləşdirmək daha yaxşı olar. Amma nəzərə alsaq ki, tək bu məqalədə deyil, bir sıra başqa SM-lərdə də belə problemlər mövcuddur, o zaman bunun üçün kollektiv fəaliyyət həyata keçirmək olar. Məsələn, dekabr ayının Mövzulu ay layihəsini SM-lərin təkmilləşdirilməsi layihəsi kimi həyata keçirmək olar. --►Cekli829 05:38, 21 noyabr 2014 (UTC)

Stadion[əsas redaktə]

Məqalənin stadion bölməsi yoxdur.--Xoncha (talk) 17:28, 17 fevral 2015 (UTC)

Tarixi[əsas redaktə]

Biz hansı istinadla klubun yaranma tarixini 1950-ci illərə aparırıq ? Nolsun ki, Ağdamda ilk FK o dövrdə yaradılıb. Bu bizə əsas vermir axı biz məhz Qarabağ FK-ın tarixini o illərə aparaq. Əlimizdə mənbə varmı ki, Qarabağ FK o FK-ların hüquqi və rəsmi varisidir ?--samral müzakirə 06:44, 18 iyun 2015 (UTC)

"Qarabağ" FK-nın rəsmi saytı əsaslı mənbə sayıla bilər: [1]. Burada belə bir şey qeyd olunub: «Qarabağ» futbol klubunun yaranma tarixi 1950-ci illərin əvvəllərinə təsadüf edir. 1951-ci ildə Ağdam şəhər stadionunun tikintisi başa çatdıqdan sonra klubun peşəkar bir idman təşkilatı kimi formalaşdırılmasında ciddi işlər görüldü. Yarandığı gündən sonra bir müddət «Məhsul» adı altında çıxış edən «Qarabağ» ilk dəfə 1966-cı ildə Azərbaycan çempionatında iştirak edib. Belə çıxır ki, bəli, varisidir. --Serk@nl@nd 19:58, 21 iyun 2015 (UTC)
Xeyr Serk@nl@nd bəy. Təkcə rəsmi saytdakı məlumat etibarlı mənbə üçün kifayət etmir. Oradakı məlumatdan da aydın görünür ki, orada Ağdam futbol tarixi haqqında məlumat verilir. Qarabağ FK-ın tarixi haqqında yox.--samral müzakirə 18:51, 23 iyul 2015 (UTC)

Status[əsas redaktə]

Azerifactory məqalənin statusu nə vaxt alındı? O layihə hələ qəbul olunmayıb. Bir də diqqətlə baxın və dəyişikliyinizi geri qaytarın. --Araz Yaquboglu (müzakirə) 06:19, 15 iyul 2016 (UTC)

Araz Yaquboglu, Vikipediya:Seçilmiş məqalə statusunun geri alınması/Qarabağ FK --Azerifactory (müzakirə) 06:48, 15 iyul 2016 (UTC)
Əvvala orada qərar qəbul edilməyib. Soradan o layihə səsvermə ilə qəbul edilmədiyindən saxlanıldı. --Araz Yaquboglu (müzakirə) 06:51, 15 iyul 2016 (UTC)