Məşədi Şamil Hacıyev

Vikipediya, azad ensiklopediya
Jump to navigation Jump to search
Məşədi Şamil Hacıyev
Hacıyev Məşədi Şamil Hacı Rəhim oğlu
Doğum tarixi 1859(1859)
Doğum yeri Şuşa

Hacıyev Məşədi Şamil Hacı Rəhim oğlu (1859 - ?) - vəkil, "Difai" təşkilatının üzvü, erməni quldurlarına qarşı xalqın özünmüdafiə dəstəsinin başçısı

Həyatı[redaktə | əsas redaktə]

Hacı Rəhimin ikinci oglu Şamil 1859-cu ildə Şuşa şəhərində anadan olmuşdu. İbtidai təhsilini molla yanında almışdı. Sonra rus-tatar məktəbində oxumuşdu. Vəkil işləmişdi.

Ailəsi[redaktə | əsas redaktə]

Məşədi Şamil Hacıyev Səltənət bəyim Kərim ağa qızı Cavanşirlə ailə qurmuşdu.

Təşkilatda fəaliyyəti[redaktə | əsas redaktə]

Məşədi Şamil Hacıyev "Difai" təşkilatının və onun qolu "Qarabağ məclisi"nin üzvü idi. "Qarabağ məclisi"nin Şuşa komitəsinə doktor Kərim bəy Mehmandarov başçılıq edirdi. O, 1883-cü ildən Şuşada həkim işləyirdi. Onun köməkçisi Cahangir xan Nuribəyov idi.Komitənin katibi Şuşa qarşılıqlı-kredit bankının direktoru Xuduş Quliyev idi. İcraiyyə idarəsinə və hərbi təşkilata Məşədi Şamil Hacıyev başçılıq edirdi.[1]

Məşədi Şamil Hacıyev icra hakimiyyətinin rəisi və təşkilatçısı idi. O, Şuşa və Cavanşir qəzalarını gəzərək bu qəzaların müxtəlif iri mərkəzlərində: Bərdədə, Tərtərdə, Yevlaxda partiyanın yardımçı komitələrini təsis edir, işlərin təşkilinə və aparılmasına dair, eləcə də əhalidən vergi yığılması və başqa tədbirlər barədə lazımi təlimatlar və göstərişlər verirdi.

Komitənin üzvüləri: Muxtar bəy Muradov, İsmayıl bəy Daruğa Axundov (bazar darğası), Süleyman Əsgərov (tacir), Hacı Sadıq Məmmədov, Məşədi Cəfər oğlu (İran təəbəsi), Məşədi Əhməd Əzimov, Hacı Mirzə Hüseyn Kərim oğlu Münşizadə, Əfrasiyab Əzimov, Kərbəlayı Yusif Mirsiyabov və başqaları-cəmi 18 nəfər.

1907-ci ildə Ş. Hacıyevin üzv оlduğu "Qarabağ məclisi"nin fəalları kütləvi həbsə məruz qaldılar. Martın 23 və 24-də Hüseyn Münşiyevi, Əfrasiyab Əzimоvu, Məşədi Şamil Hacıyevi, Zülfüqar bəy Haqverdiyevi, Xuduş Quliyevi, Kazım bəy Kazımbəyоvu və Məmmədcəfər Muxtarоvu Şuşa həbsxanasına saldılar. Tutulanların hamısını Həştərxan quberniyasına sürgün etdilər. Məmmədcəfər Muxtarоv Iran təəbəsi оlduğundan оnu İrana yоlladılar. Məşədi Şamil sürgündən dönəndən sonra Ağdamda məskunlaşmışdı. İctimai faydalı işlərlə məşğul olmuşdu.

Mənbə[redaktə | əsas redaktə]

İstinadlar[redaktə | əsas redaktə]

  1. Документы по русской политике в Закавказье, с. 22, 25, 41.

Həmçinin bax[redaktə | əsas redaktə]