Məcnun Hacıbəyov

Vikipediya, açıq ensiklopediya
Jump to navigation Jump to search
Infobox-realisateur.png
Məcnun Hacıbəyov
Fotoqrafiya

Doğum tarixi
5 oktyabr 1935 (1935-10-05) (83 yaş)
Doğum yeri İkinci Nügədi, Quba rayonu
PeşəsiAktyor

Məcnun Hacıbəyov — Azərbaycan aktyoru, Azərbaycanın əməkdar artisti.

Həyatı[redaktə | əsas redaktə]

Məcnun Hacıbəyov Quba rayonunun İkinci Nügədi kəndində yaşayır. 1935-ci ilin 5 oktyabrında rayonun II Nügədi kəndində doğulan aktyor 10 illik orta məktəbi də bu kənddə bitirib.[1] Akyorluq istedadını isə elə uşaq yaşlarından hiss etməyə başlayıb. 1965-ci ildə Azərbaycan Dövlət Mədəniyyət və İncəsənət Universitetinin aktyorluq fakültəsini bitirib[2].

Aktyor “Canavar balası”, “Evlənmək istəyirəm”, “Gənclik Macərası”, “Göz həkimi”, “Gülüş sanatoriyası”, “Kişilər”, “Qatarda”, “Qəzəlxan”, “Yarımştat” kimi film və televiziya tamaşalarında yaddaqalan obrazlar ifa edib. Aktyor yalnız “Solğun çiçəklər” tamaşında “Əbdül” rolunu oynamadığı üçün heyfislənir. 1999-cu ilin 13 iyulunu həyatının ən ağrılı günlərindən biri kimi xatırlayır. Həmin gün aktyorun ömür gün yoldaşı Zahidə xanım 57 yaşında faciəli şəkildə dünyasını dəyişib. Bir neçə ildir ürəyinə görə müalicə alır. Aktyor deyir ki, yaşlandığım üçün bəzən yaddaşım da sözümə baxmır. Buna baxmayaraq hələ də mütaliə edir. Aktyorun son yaratdığı obraz isə “Yarımştat” tamaşında olub. O, bu tamaşada Murtuz obrazını canlandırıb. 78 yaşlı Məcnun Hacıbəyov neçə illərdir Qubada yaşayır.

Ailəsi[redaktə | əsas redaktə]

Məcnun Hacıbəyovgil ailədə 9 uşaq olublar - 7 oğlan 2 qız. Əməkdar artist Məcnun Hacıbəyovun Ceyhun və Pərviz adında 2 oğlu, Zülfiyyə adında 1 qızı, 7 nəvəsi və 3 nəticəsi var.

Filmoqrafiya[redaktə | əsas redaktə]

  1. Alov (film, 1979) (tammetrajlı televiziya tamaşası)
  2. Analar (film, 1988)
  3. Astana (film, 1986)
  4. Atayevlər ailəsi (film, 1978)
  5. Canavar balası (film, 1997)
  6. Evlənmək istəyirəm (film, 1983)
  7. Gənclik macərası (film)(tammetrajlı televiziya tamaşası)(AzTv)
  8. Göz həkimi (film)
  9. Gülüş sanatoriyası (film, 1989)
  10. Kişilər (film, 1979)
  11. Qatarda (film, 1981)
  12. Qəzəlxan (film, 1991)
  13. Mənim günahım (film, 1985)
  14. Min birinci söz (film, 1997)
  15. Sabiqlər (film, 1999)
  16. Sabiqlərin yeni sərgüzəştləri (film, 2000)
  17. Sarıköynəklə Valehin nağılı (film, 1980)
  18. Şirin bülbül (film, 2000)
  19. Yarımştat (film, 1996)
  20. Yeni evlənənlər (film, 1983)

İstinadlar[redaktə | əsas redaktə]