Mədəniyyət (qəzet)
 | Bu məqalədəki məlumatların yoxlanıla bilməsi üçün əlavə mənbələrə ehtiyac var. |
 | Bu məqaləni vikiləşdirmək lazımdır. |
| Mədəniyyət | |
|---|---|
| Format | A3 |
| Təsisçi | Azərbaycan Respublikası Mədəniyyət və Turizm Nazirliyi |
| Baş redaktor | Vüqar Əliyev |
| Yaranma tarixi | 2 yanvar 1991 |
| Dil | Azərbaycan dili |
| Qiymət | 30 qəpik |
| Səhifə | 8 |
| Ünvan | AZ1073. Bakı ş. Moskva pros.1, Cəfər Cabbarlı adına "Azərbaycanfilm" kinostudiyası. 2-ci mərtəbə. |
| Tiraj | 2000 |
| medeniyyet.info.az | |
Mədəniyyət — Azərbaycan Respublikasının Mədəniyyət Nazirliyinin rəsmi qəzeti.[1]
"Mədəniyyət" qəzetinin ilk sayı 1991-ci ilin 2 yanvar tarixində nəşr olunub. Qəzetin təsisçisi Azərbaycan Respublikası Mədəniyyət Nazirliyidir. Nazirliyin mətbu orqanı kimi nəşrin başlıca vəzifəsi Azərbaycanda mədəniyyət sahəsində həyata keçirilən dövlət siyasətini işıqlandırmaq, bu sahədə görülən işləri ictimaiyyətə çatdırmaqdır.[2]
Tarixi
[redaktə | vikimətni redaktə et]“Mədəniyyət” qəzetinin ilk sayı 2 yanvar 1991-ci ildə nəşr olunub. Nəşrin yaradıcısı və ilk baş redaktoru görkəmli şair, publisist Şahmar Əkbərzadə (1941–2000) olub.
Qəzetin elektron versiyası — "medeniyyet.az" saytı 2008-ci ilin oktyabrında yaradılıb.
“Mədəniyyət” qəzetinin çapı 2024-cü ilin sonunadək davam edib.[3] Sonuncu – 2161-ci sayı 2024-cü il dekabrın 27-də işıq üzü görüb.
2025-ci ildən redaksiya fəaliyyətini elektron formatda – "medeniyyet.info.az" saytı üzərindən davam etdirir.
İstiqaməti və məzmunu
[redaktə | vikimətni redaktə et]Azərbaycanın mədəni həyatının müxtəlif sahələri – teatr, musiqi, kino, rəssamlıq, heykəltəraşlıq, xalq yaradıcılığı və tətbiqi sənətlər, eləcə də mədəni irs, tarix və ədəbiyyatımız, folklor, aşıq yaradıcılığı, habelə muzey, kitabxana və digər mədəniyyət müəssisələrinin fəaliyyəti qəzetin səhifələrində əksini tapır. Bundan əlavə, dünya mədəniyyətinin diqqətçəkən olayları, Azərbaycanın beynəlxalq mədəni əlaqələri, milli adət–ənənələr və mənəvi dəyərlər, mədəniyyətlərarası dialoq, mədəni müxtəliflik kimi mövzular qəzetin gündəm mövzularını təşkil etməkdədir.[2]
Qəzet həftədə iki dəfə (çərşənbə və cümə günləri) çıxır.[2]
İstinadlar
[redaktə | vikimətni redaktə et]- ↑ ""Mədəniyyət" qəzetinin ilk sayı 1991-ci ilin 2 yanvar tarixində nəşr olunub". 14 avqust 2019 tarixində arxivləşdirilib. İstifadə tarixi: 14 avqust 2019.
- ↑ 1 2 3 "Qəzet haqqında". 14 avqust 2019 tarixində orijinalından arxivləşdirilib. İstifadə tarixi: 14 avqust 2019.
- ↑ "Mədəniyyət Nazirliyinin qəzeti və jurnalı bağlanır". AzPost.info (az.). 12 dekabr 2024. İstifadə tarixi: 3 noyabr 2025.