Məzmuna keç

Məhəbbət Vəliyeva

Keçid əlavə et
Vikipediya, azad ensiklopediya
Məhəbbət Vəliyeva
Azərbaycan Respublikası təhsil nazirinin müavini müavini
27 iyun 2018-ci il – 1 fevral 2021-ci il
Bakı Şəhəri üzrə Təhsil İdarəsinə müdir
2018 – 2021
Şəxsi məlumatlar
Doğum tarixi 4 sentyabr 1968(1968-09-04) (57 yaş)
Doğum yeri
Partiya
Təhsili
Təltifləri Azərbaycan Respublikasının əməkdar müəllimi — 2008

Məhəbbət Məhərrəm qızı Vəliyeva (4 sentyabr 1968, Bakı) — psixologiya üzrə fəlsəfə doktoru, Azərbaycan Respublikası təhsil nazirinin müavini (2018–2021), İlin ən yaxşı müəllimi (2001), Azərbaycan Respublikasının əməkdar müəllimi (2008)[1].

Məhəbbət Vəliyeva 1968-ci ildə Bakı şəhərində anadan olub. 1990-cı ildə M. F. Axundov adına Azərbaycan Pedaqoji Rus dili və Ədəbiyyatı İnstitutunu (Bakı Slavyan Universiteti) Rus dili və ədəbiyyatı müəllimi ixtisası üzrə bitirib.

1991–2003-cü illərdə Səbail rayonu 190 nömrəli tam orta məktəbdə müəllim, 2003–2008-ci illərdə "XXI əsr" Ümumtəhsil Mərkəzində təlim-tərbiyə işləri üzrə direktor müavini, 2008–2014-cü illərdə akademik Zərifə Əliyeva adına liseyin direktoru vəzifəsində çalışıb.

2001-ci ildə "İlin ən yaxşı müəllimi" Respublika müsabiqəsinin qalibi olub.

Azərbaycan Respublikası Prezidentinin 2008-ci il 25 sentyabr tarixli Sərəncamı ilə "Azərbaycan Respublikasının əməkdar müəllimi" fəxri adına layiq görülüb.[1]

2014–2015-ci illərdə Bakı Şəhəri üzrə Təhsil İdarəsinin müdir müavini, 2015–2018-ci illərdə BŞTİ-nin müdiri vəzifələrində çalışıb.

Azərbaycan Respublikasının Prezidenti İlham Əliyevin 27 iyun 2018-ci il tarixli Sərəncamı ilə təhsil nazirinin müavini vəzifəsinə təyin edilib.

1 fevral 2021-ci ildə öz ərizəsinə əsasən, səhhəti ilə bağlı tutduğu vəzifədən azad edilib.[2]

Psixologiya üzrə fəlsəfə doktorudur.

YAP Nəsimi Rayon Təşkilatı Siyasi Şurasının və İdarə Heyətinin üzvüdür.

Ailəlidir, 2 övladı var.

  1. 1 2 "Azərbaycan qadınlarının bir qrupuna fəxri adların verilməsi haqqında Azərbaycan Respublikası Prezidentinin 25 sentyabr 2008-ci il tarixli, 3062 nömrəli Sərəncamı" (az.). e-qanun.az. 25 sentyabr 2008. 8 aprel 2020 tarixində arxivləşdirilib. İstifadə tarixi: 8 aprel 2020.
  2. ↑ "Məhəbbət Vəliyevanın Təhsil nazirinin müavini vəzifəsindən çıxarılmasının səbəbi məlum olub — YENİLƏNİB". 14 fevral 2021 tarixində orijinalından arxivləşdirilib. İstifadə tarixi: 8 fevral 2021.
Mənbə — "https://az.wikipedia.org/w/index.php?title=Məhəbbət_Vəliyeva&oldid=8212251"