Məhəmməd Mustafayev

Vikipediya, azad ensiklopediya
Jump to navigation Jump to search
Məhəmməd Mustafayev
azərb. Məhəmməd Cəfərqulu oğlu Mustafayev
Doğum tarixi 22 aprel 1914(1914-04-22)
Doğum yeri Azərbaycan Azərbaycan SSR,Şuşa,Zarıslı k.
Vəfat tarixi 3 iyun 1982(1982-06-03)
Vəfat yeri Bakı
Vətəndaşlığı Azərbaycan Azərbaycan
Elm sahəsi riyaziyyat
Elmi dərəcəsi fizika-riyaziyyat elmləri namizədi
Elmi adı dosent
İş yeri Bakı Dövlət Universiteti
Təhsili ali

Məhəmməd Mustafayev — riyaziyyatçı, fizika-riyaziyyat elmləri namizədi, dosent.

Həyatı[redaktə | əsas redaktə]

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Məhəmməd Cəfərqulu oğlu Mustafayev 22 aprel 1914-cü ildə Şuşanın Zarıslı kəndində anadan olmuşdur. Onun uşaqlığı Ağdamda keçmişdir. Sonra ailəsi ilə Bakıya köçmüş, 1930-cu ildə orta məktəbi bitirmişdir. Məhəmməd Mustafayev 1935-1940 illərdə Azərbaycan Dövlət Universitetinin (indiki Bakı Dövlət Universiteti) Fizika-riyaziyyat fakültəsində ali təhsil almışdır.[1]

Məhəmməd Mustafayev ali təhsil aldıqdan sonra ömrünün sonuna kimi Azərbaycan Dövlət Universitetində (indiki Bakı Dövlət Universiteti) işləmişdir. O, bu ali təhsil ocağında laborant, böyük laborant (1941-56), həndəsə kafedrasında dosent (1956-81) vəzifələrində çalışmışdır.[1]

Məhəmməd Mustafayev 3 iyun 1982-ci ildə Bakıda vəfat etmişdir.[1]

Elmi fəaliyyəti[redaktə | əsas redaktə]

Məhəmməd Mustafayev 1953-cü ildə Lvov şəhərində "Parabolik tipə yaxın xüsusi törəmli xətti differensial tənliklər sistemi" mövzusunda dissertasiya müdafiə edərək, fizika-riyaziyyat elmləri namizədi alimlik dərəcəsi almışdır.[1]

Məhəmməd Mustafayev tələbələr üçün dərsliklər yazmış, xarici riyaziyyatçıların elmi əsərlərini və dərsliklərini Azərbaycan dilinə tərcümə etmişdir.[1]

İstinadlar[redaktə | əsas redaktə]

  1. 1 2 3 4 5 Orxan Məmmədov (Baharlı). Ağdamın adlı-sanlı pedaqoqları, alimləri. Bakı, Sabah, 2001

Mənbə[redaktə | əsas redaktə]

  • Orxan Məmmədov (Baharlı). Ağdamın adlı-sanlı pedaqoqları, alimləri. Bakı, Sabah, 2001

Həmçinin bax[redaktə | əsas redaktə]