Məhərrəm Seyidov (Mirəziz oğlu)

Vikipediya, açıq ensiklopediya
Jump to navigation Jump to search
MƏHƏRRƏM SEYİDOV
Məhərrəm Seyidov.jpg
Doğum tarixi 7 sentyabr 1952(1952-09-07).
Doğum yeri Alışar, Şərur rayonu, Flag of the Azerbaijan Soviet Socialist Republic.svg Azərbaycan SSR
Vəfat tarixi 19 yanvar 1990 (37 yaşında)
Vəfat yeri Kərki, Sədərək rayonu, Azərbaycan Respublikası
Vəfat səbəbi şəhid olmuşdur.
Dəfn yeri Şərur rayonu Şəhidlər xiyabanı.
Vətəndaşlıq
Peşəsi hərbi qulluqçu
Mükafatları Azərbaycanın Milli Qəhrəmanı

Məhərrəm SeyidovAzərbaycanın Milli Qəhrəmanı, Qarabağ müharibəsi şəhidi.[1]

Həyatı[redaktə | əsas redaktə]

7 sentyabr 1952-ci ildə Şərur rayonunun Alışar kəndində anadan olmuşdur. 1969-cu ildə burada N.Nərimanov adına orta məktəbi bitirmişdir. Məhərrəm Bakı Xüsusi Milis Məktəbini də bitirmişdi. Milis kapitanı Məhərrəm Şərur rayonunda baş inspektor işləyirdi.

Döyüşlərdə iştirakı[redaktə | əsas redaktə]

1990-cı ildə Sədərək rayonu da başqa rayonlar kimi erməni yaraqlılarının hücumlarına məruz qalırdı. 18 yanvar 1990-cı il ermənilər Kərki kəndinə hücum edərək evləri yandırır, silahsız günahı olmayan dinc sakinləri min bir vəhşiliklərlə qətlə yetirirdilər. Şərur rayon Daxili İşlər Şöbəsi məlumatı alan kimi polis işçilərini hadisə yerinə göndərir. Qanlı döyüşlərdə hər iki tərəfdən xeyli ölən və yaralananlar var idi. 19 yanvar polis kapitanı Azər mühasirəyə düşmüşdü... Məhərrəm onu xilas etmək tapşırığını öz üzərinə götürdü, o, vuruşaraq polis kapitanının yanına çata bildi, ama o özü mühasirəyə düşdü, son nəfəsinəcən vuruşaraq döyüşçü dostlarını xilas edən Məhərrəm qəhrəmancasına həlak oldu.

Ailəsi[redaktə | əsas redaktə]

Ailəli idi, dörd övladı qalıb.

Milli Qəhrəman[redaktə | əsas redaktə]

Azərbaycan Respublikası prezidentinin 6 iyun 1992-ci il tarixli 831 saylı fərmanı ilə kapitan Seyidov Məhərrəm Mirəziz oğlu ölümündən sonra "Azərbaycanın Milli Qəhrəmanı" adına layiq görülmüşdür.[1]

Şərur rayonunun Şəhidlər xiyabanında dəfn edilib.

Şərur şəhərində qəhrəmanımızın adına küçə var, tuncdan büstü qoyulub. Buradakı 2 saylı orta məktəb Məhərrəm Seyidovun adını daşıyır.

Həmçinin bax[redaktə | əsas redaktə]

Mənbə[redaktə | əsas redaktə]

İstinadlar[redaktə | əsas redaktə]

  1. 1,0 1,1 "National Heroes". Azerbaijans.com.