Məmməd İsgəndərov

Məmməd İsgəndərov
Azərbaycan SSR Nazirlər Sovetinin 6-cı sədri 10 iyul 1959 — 29 dekabr 1961
Sələfi	Vəli Axundov
Xələfi	Ənvər Əlixanov
Azərbaycan SSR Ali Soveti Rəyasət Heyətinin sədri 29 dekabr 1961 — 25 dekabr 1969
Sələfi	Səftər Cəfərov
Xələfi	Qurban Xəlilov
Azərbaycan SSR Lenin rayonunun birinci katibi 1947 — 1948
Şəxsi məlumatlar
Doğum tarixi	4 (17) dekabr 1915
Doğum yeri	Eyvazlı, Zəngəzur qəzası, Yelizavetpol quberniyası, Rusiya imperiyası
Vəfat tarixi	28 may 1985(1985-05-28) (69 yaşında)
Vəfat yeri	Bakı, Azərbaycan SSR, SSRİ
Partiya	ÜİK(b)P (1943)
Təhsili	Azərbaycan Sənaye İnstitutu (1940)
Elmi fəaliyyəti
Elmi dərəcəsi	geologiya-mineralogiya elmləri doktoru
Elmi adı	professor
Təltifləri

İsgəndərov Məmməd Əbdül oğlu (4 (17) dekabr 1915, Eyvazlı, Zəngəzur qəzası – 28 may 1985, Bakı) — Azərbaycan SSR Ali Soveti Rəyasət Heyətinin sədri.

Həyatı

Məmməd İsgəndərov 1915-ci ildə Qubadlı rayonunun Eyvazlı kəndində dünyaya gəlib. Ailədə beş qardaş olublar: Süleyman, Kərim, Səlim, Xanlar və Məmməd. 1919-cu ildə ermənilər kəndə hücum edəndə Süleyman erməni gülləsinə tuş gəlib.

M. İsgəndərov 1929-cu ildə Bakıya gələrək Sabir adına Pedaqoji məktəbə daxil olub və Xanlıq kənd orta məktəbində bir müddət dərs dedikdən sonra 1935-ci ildə Azərbaycan Sənaye İnstitutunda mühəndis-geoloq ixtisasına yiyələnərək, neft mədənlərinin birində işə düzəlib. 1953-cü ildə Lenin RPK-nın 1-ci katibi seçilib. 1959-cu ildə Nazirlər Sovetinin sədri təyin olunub. 1961-ci ildə Azərbaycan Ali Soveti Rəyasət Heyətinin sədri seçilib. İki çağırış (1961–1969-cu illər) ali qanunverici orqana başçılıq edib.

O həm də elm sahəsində böyük nailliyətlər qazanıb. 1956-cı ildə "Neft-mədən geologiyası və neft-qaz yataqlarının işlənməsi" adlı əsərini çap etdirərək geologiya-mineralogiya elmləri doktoru elmi adına layiq görülüb. 1970-ci ildə Dərinlik qazma elmi-tədqiqat İnstitutuna direktor təyin edilib və ömrünün sonuna qədər burada işləyib. 1985-ci ildə, 70 yaşında dünyasını dəyişib.