Məmməd Məlikov

Vikipediya, açıq ensiklopediya
Keçid et: naviqasiya, axtar
Məmməd Məlikov
Məmməd Hümmət oğlu Məlikov
Məmməd Məlikov.jpg
Doğum tarixi: 1895(1895-Şablondakı doğum və ya ölüm tarixində texniki yanlışlıq var!-00)
Doğum yeri: Laçın
Vəfatı: 1967(1967-Şablondakı doğum və ya ölüm tarixində texniki yanlışlıq var!-00)
Vəfat yeri: Laçın
Mükafatları: Vətən Müharibəsi Ordeni “Qafqazın müdafiəsinə görə” medalı “Əmək igidliyinə görə” medalı

Məlikov Məmməd Hümmət oğlu — Azərbaycan bolşevik inqilabçısı, Laçın rayonunun sosial-iqtisadi həyatının fəal iştirakçısı.[1]

Həyatı[redaktə]

Məmməd Məlikov 1895-ci il Zəngəzur qəzasının Xanallar kəndində anadan olmuşdur.

Əmək fəaliyyətinə 1913-cü ildə Bakının RamanaBalaxanı neft mədənlərində fəhləlikdən başlamışdır. Burada mübariz fəhlə məktəbi keçmiş, sahibkarlara qarşı fəhlə çıxışlarında fəal iştirak etmişdir.

1922-ci ildən 1929-cu ilə kimi Bakının Sabunçu və Ramana neft mədənlərində mədən fəhlə komitələrinin sədri olmuşdur.

Siyasi fəaliyyəti[redaktə]

Fəhlə hərəkatında fəal fəaliyyətinə görə Bakının Lenin Rayon Partiya Komitəsi tərəfindən 1924-cü ilin sentyabrında Ümumittifaq Kommunist (bolşevik) Partiyası sıralarına qəbul edilmişdir. 1929-1934-cü illərdə partiyanın göndərişi ilə QaxLaçın rayonlarında Sovet hakimiyyətinin möhkəmləndirilməsi işində iştirak etmişdir.

1934-cü ildə yenidən doğulduğu Laçın rayonuna göndərilmiş və həmin dövrdən ömrünün axırınadək həyatı bilavasitə Laçınla bağlı olmuşdur. O, rayon icraiyyə komitəsinin sədri olmuş, rayonun Kirov adına sovxozuna, rayon istehlak cəmiyyətinə rəhbərlik etmiş, digər mühüm partiya, sovet və təsərrüfat işlərində çalışmışdır.

Məmməd Məlikov uzun müddət Laçın rayon partiya komitəsinin üzvü, rayon və şəhər sovetinin deputatı olmuş, dəfələrlə Azərbaycan Kommunist Partiyası qurultaylarına nümayəndə seçilmişdir.

1967-ci ildə Laçın şəhərində vəfat etmişdir.

Mükafatları[redaktə]

İstinadlar[redaktə]

  1. Laçın qəzeti, 1967. Nekroloq. "Məmməd Məlikov vəfat etdi"