Məmməd Qurbanov
| Məmməd Qurbanov | |||||||
|---|---|---|---|---|---|---|---|
 | |||||||
|
|||||||
| Sələfi | Məmməd Ələkbərov | ||||||
| Xələfi | Abdulla Bayramov | ||||||
|
|||||||
| Sələfi | Abdulla Bayramov | ||||||
| Xələfi | Rauf Hacıyev | ||||||
| Şəxsi məlumatlar | |||||||
| Doğum tarixi | dekabr 1911 | ||||||
| Vəfat tarixi | 21 dekabr 1979 | ||||||
|
|
|||||||
| Təltifləri |
  |
||||||
.svg){kind=small}
Məmməd Qurban oğlu Qurbanov (dekabr 1911 – 21 dekabr 1979) — Azərbaycan SSR Mədəniyyət naziri (1955–1960, 1963–1965), Azərbaycan SSR Nazirlər Soveti yanında Kinematoqrafiya Komitəsinin və Radio İnformasiya Komitəsinin sədri, Bakı Şəhər Partiya Komitəsinin I katibi.
Həyatı[redaktə | mənbəni redaktə et]
Məmməd Qurbanov 1911-ci ilin dekabr ayında anadan olmuş, 1929-cu ildə fabrik-zavod şagirdliyi məktəblərinin Bakı yolu məktəbini bitirmişdir. Əmək fəaliyyətinə Kirovabad (Gəncə) parovoz deposunda çilingər kimi başlamışdır. 1930–1935-ci illərdə Məmməd Qurbanov Tbilisi fəhlə dəmiryolu məktəbində, N.Nərimanov adına Bakı Sənaye Texnikumunda təhsil almış, Hərbi təyyarəçilər məktəbinin kursantı olmuşdur. 1935-ci ildən 1940-cı ilədək Kirovabad Şəhər Komsomol Komitəsinin katibi, Şəhər bədən tərbiyəsi və idman komitəsinin sədri, şəhər Xalq Maarif şöbəsinin müdiri, "Kirovabad bolşeviki" qəzetinin redaktoru vəzifələrində işləmişdir.
1941-ci ilin mart ayında Vartaşen (hazırkı Oğuz) Rayon Partiya Komitəsinin II katibi, həmin ilin oktyabr ayında I katibi seçilmişdir. 1949-cu ildə Sovet İttifaqı Kommunist Partiyası Mərkəzi Komitəsi yanında Ali Partiya Məktəbini bitirdikdən sonra Məmməd Qurbanov Azərbaycan KP Bakı Komitəsinin Təbliğat və təşviqat şöbəsinin müdiri vəzifəsinə təsdiq edilmiş, sonralar Azərbaycan SSR Nazirlər Soveti yanında Radio İnformasiya Komitəsinin sədri, Kirovabad Vilayət Partiya Komitəsinin Təbliğat və təşviqat şöbəsinin müdiri olmuşdur.
Məmməd Qurbanov 1953-cü ildə Bakı şəhər Partiya Komitəsinin katibi, sonralar I katibi seçilmişdir. 1955-ci ildə Azərbaycan SSR Mədəniyyət nazirinin müavini, 1955–1960 və 1963–1965-ci illərdə Azərbaycan SSR Mədəniyyət naziri, 1979-cu ilə qədər Azərbaycan SSR Nazirlər Soveti yanında Kinematoqrafiya Komitəsinin sədr müavini, sədri vəzifələrində çalışmışdır.
Məmməd Qurbanov respublikanın ictimai-siyasi həyatında fəal iştirak etmişdir. Azərbaycan KP MK-nın üzvü, Azərbaycan SSR Ali Sovetinin deputatı seçilmişdir. Onun xidmətləri "Qırmızı Əmək Bayrağı", "Şərəf Nişanı" ordenlərinə layiq görülmüşdür.
Görkəmli ictimai xadim Məmməd Qurban oğlu Qurbanov 21 dekabr 1979-cu ildə vəfat etmişdir.
Mənbə[redaktə | mənbəni redaktə et]
- Azərbaycan Respublikası Mədəniyyət Nazirliyi
- Rəhimli, İ. (2017). Azərbaycan Teatr Ensiklopediyası (3 cilddə). 2-ci cild. Bakı: Azərnəşr. səh. 262. ISBN 978-9952-8021-9-1.
- nekroloq