Məmməd Sadıqov (coğrafiyaçı)

Vikipediya, açıq ensiklopediya
Jump to navigation Jump to search
Məmməd Sadıqov
Məmməd Sadıqov Oruc oğlu
Doğum tarixi 1944
Doğum yeri Gürcüstanın Borçalı mahalının Sarvan (indiki Marneuli şəhəri) qəsəbəsi
Vətəndaşlığı Azərbaycan Azərbaycan
Milliyyəti azərbaycanlı
Atası Oruc Sadıqov
Elmi dərəcəsi coğrafiya üzrə fəlsəfə doktoru
Təhsili Azərbaycan Dövlət Universiteti

Məmməd Sadıqov Oruc oğlu (d.1944-cü ildə Gürcüstanın Borçalı mahalının Sarvan (indiki Marneuli şəhəri) qəsəbəsi) coğrafiya üzrə fəlsəfə doktoru

Həyatı[redaktə | əsas redaktə]

Sadıqov M.O. 1944-cü ildə Gürcüstanın Borçalı mahalının Sarvan (indiki Marneuli şəhəri) qəsəbəsində anadan olmuşdur. 1963-cü ildə Marneuli şəhərindəki Azərbaycan orta məktəbini bitirib Bakıya gəlmiş və ADU-nın geoloji-coğrafiya fakultəsinə daxil olmuşdur. 1969-cu ildə iqtisadi coğrafiya ixtisası üzrə universiteti bitirmiş və Bakı hava məlumatı bürosunda işləməyə başlamışdır.

Elmi fəaliyyəti[redaktə | əsas redaktə]

1970-74-cü illərdə AMEA Coğrafiya institutunun xəritəçilik şöbəsində baş laborant, sonra isə iqtisadi coğrafiya şöbəsində kiçik elmi işçi vəzifələrində işləmişdir. 1974-cü ildə eyni zamanda institutun aspiranturasına qəbul olunub. 1983-cü ildə «Lənkəran-Astara iqtisadi rayonunda əhalinin məskunlaşmasının tənzimlənməsi problemləri» mövzusunda dissertasiya müdafiə edərək coğrafiya elmləri namizədi alimlik dərəcəsi almışdır. AMEA Tarix İnstitutunda aparıcı elmi işçi vəzifəsində çalışır.[1]

Elmi əsərləri[redaktə | əsas redaktə]

200-ə qədər elmi, elmi-kütləvi əsəri çap edilmişdir. Bunlara misal olaraq «Lənkəran» (elmi-kütləvi, etnoqrafik oçerk, həmmüliflərlə, 1981) «Azərbaycan SSR-də əhalinin məskunlaşma problemləri» (həmmüəlliflərlə, 1984), «Ulu Borcalı»- (tarixi-coğrafi oçerk, 1998), «Ömrə ömür calayanlar Borçalı həkimləri» (həm müəlliflərlə 2003), «Borçalı alimləri» (ensiklopedik məlumat kitabı, 2004), «Borçalı» (ensiklopedik məlumat kitabı, 2005), «Azərbaycan diasporu» (həmmüəlliflərlə, 2005), «Gürcüstan respublikasında azərbaycanlıların sosial-ictimai və iqtisadi vəziyyəti» (tarixi-coğrafi məlumat, 2007) və s. göstərmək olar. Son illər iqtisadi coğrafiya ilə yanaşı coğrafi tarixi etnoqrafiya, kimi məsələlərlə də məşğul olur. 25 ilə yaxındır ki, ölkənin müxtəlif ali məktəblərində coğrafiyanın tədrisi ilə məşğuldur. [2]

Həmçinin bax[redaktə | əsas redaktə]

İstinadlar[redaktə | əsas redaktə]

  1. B.Budaqov Azərbaycanın coğrafiyaçı alimləri "Elm" nəşriyyatı Bakı 2013 səh 196
  2. B.Budaqov Azərbaycanın coğrafiyaçı alimləri "Elm"nəşriyyatı Bakı 2013 səh 196