Məmmədağalı

Vikipediya, açıq ensiklopediya
Jump to navigation Jump to search
Yaşayış məntəqəsi
Picto infobox map.png
MƏMMƏDAĞALI

40°51′56″N 47°58′16″E / 40.86556°N 47.97111°E / 40.86556; 47.97111Koordinatlar: 40°51′56″N 47°58′16″E / 40.86556°N 47.97111°E / 40.86556; 47.97111


Ölkə Flag of Azerbaijan.svg Azərbaycan
Rayon Qəbələ
Hündürlüyü523 metr
Saat qurşağıUTC+04:00
Xəritə
Məmmədağalı — yerləşdiyi ərazi Azərbaycan
Məmmədağalı
Vikidatada redaktə et: Vikidatada redaktə et

MəmmədağalıAzərbaycan Respublikasının Qəbələ rayonunun inzibati ərazi vahidində kənd.[1]

Tarixi[redaktə | əsas redaktə]

24 iyun 2005-ci ildə Məmmədağalı kəndi Seyidqışlaq kənd inzibati ərazi dairəsi tərkibindən ayrılaraq, həmin kənd mərkəz olmaqla, Məmmədağalı kənd inzibati ərazi vahidi yaradılmışdır[2]. Kəndin tarixinə dair geniş araşdırma aparılmayıb, lakin üzərində alban yazısı olan daşın tapılması göstərir ki, kəndin tarixi qədim dövrə gedib çıxır. Kəndin adına İsmayıl bəy Qutqaşınlının "Səfərnamə"sində "Məhəmmədağalı" şəklində rast gəlinir.

Coğrafiyası və iqlimi[redaktə | əsas redaktə]

Qəbələ rayonunun Məmmədağalı kəndi rayonun cənub-şərq hissəsində, İsmayıllı rayonunun Çəmənli kəndi ilə sərhəddə yerləşir. Kənddən rayon mərkəzinə qədər məsafə 24 km, Bakı-Laqodexi avtomagistralına ən yaxın məsafəsi 6 km (İsmayıllı rayonu ərazisi ilə), rayonun iri yaşayış məntəqələrindən olan Vəndam qəsəbəsinə qədər 11 km məsafə var. Məmmədağalı kəndi Qəbələ rayonu tərkibində Azərbaycan Respublikasının fiziki coğrafi rayonlaşdırma bölgüsünə əsasən Zaqatala-Lahıc f/c rayonu tərkibinə daxildir. Bu ərazilər Böyük Qafqazın cənub yamacını əhatə edir. Zaqatala-Lahıc f/c rayonu ərazisində mülayim isti iqlimin-qışı quraq keçən mülayim-isti iqlim, yayı quraq keçən mülayim-isti iqlim və yağıntıları bərabər paylanan mülayim-isti iqlim yarımtipləri yayılmışdır. Böyük Qafqazın orta və alçaq dağlıq hissəsində yerləşən Qəbələ rayonu, eləcə də Məmmədağalı kəndi ərazisində yağıntıları bərabər paylanan mülayim-isti iqlim formalaşmışdır. Bu iqlim tipi daxilində qış yumşaq, yay mülayim-isti keçir, ilboyu yağışlar yağır. Lakin yay nisbətən quraq keçir. Məmmədağalı kəndi ərazisində ağır gillicəli dağbozqırlaşmış qəhvəyi torpaq tipi üstünlük təşkil edir.

Toponimikası[redaktə | əsas redaktə]

Məmmədağalı oyk., sadə. Qəbələ r-nunun Vondam i.ə.v.-də kənd. Böyük Qafqaz dağlarının ətəyindədir. Kənd məmmədağalı nəslinin məskunlaşması nəticəsində yarandığına görə həmin nəslin adı ilə adlandırılmışdır.[3]

Əhalisi[redaktə | əsas redaktə]

İƏN-nin 01.02.2013 tarixli məlumatına əsasən kəndin 514 nəfər əhalisi var. Kənddə fəal əhali - 15%, təqaüdçülər - 26%, 18 yaşına qədər uşaqlar - 15% təşkil edir. Əhalinin qalan 44%-i şəxsi təsərrüfatla məşğul olur. Məmmədağalı kəndində 2005-ci ildə Milli Məclisin qərarına əsasən İnzibati Ərazi Nümayəndəliyi təşkil edilmişdir. 2003-cü ilə qədər Bund kənd İƏN daxilində, 2003-2005-ci illər ərzində Seyidqışlaq kənd İƏN tərkibində inzibati ərazi olmuşdur. 1999-cu ildən etibarən bələdiyyə strukturu fəaliyyət göstərir. Seçicilərin sayı 250 nəfərdir. Son seçki müddətində 5 üzv, 2014-cü ildə isə bələdiyyəyə 7 üzv seçiləcək. Kənd əhalisinin böyük əksəriyyəti heyvandarlıqla məşğul olur. "Ərzaq təhlükəsizliyi" proqramına əsasən il-ildən taxılçılığa, xüsusilə buğda əkilməsinə diqqət artmışdır.

Təhsili[redaktə | əsas redaktə]

Məmmədağalı kəndində bir tam orta məktəb fəaliyyət göstərir. Hal hazırda(01.02.2013)məktəbdə 20 müəllim 125 şagirdin təlim-tərbiyəsi ilə məşğul olur. Məmmədağalı kəndində məktəb 1927-ci ildən mövcuddur. Bu məktəb 1975-ci ilə qədər 4 illik təhsil ocağı kimi fəaliyyət göstərmiş, 1975-ci ildən 1992-ci ilə qədər 8 illik, 1992-2004-cü illər ərzində əsas məktəb, 2004-2012-ci illər ərzində orta məktəb və 2012-ci ildən tam orta məktəb kimi kənd əhalisinin maarifləndirməsi işində əsaslı mövqe tutmaqdadır. Məktəbimizin çox böyük nəticələri var.Ümumiyyətlə keçən dövr ərzində təhsilə diqqət il-ildən artmış və uğurla artmaqdadır. Məktəbimizin mövcud uğurlarını bir siyahı şəklində qeyd etsək 01.02.2013 tarixi üçün aşağıdakı məlumatları ala bilərik:

  • Ağayev Bayram Dadaş oğlu-Filologiya Elmləri Doktoru,AMEA-nın elmi işçisi.
  • Aslanov Əlövsət Əsgər oğlu-Leninqrad Dövlət Universitetinin məzunu-Nəqliyyat Nazirliyinin işçisi.
  • Əhmədov Rəsul Yusif oğlu-Kimya Texnologiyaları üzrə Fəlsəfə doktoru,ADNA-nın məzunu.
  • Abdurahmanov Salman Nərman oğlu-Daxili Qoşunların zabiti-POLKOVNİK.
  • Ağayev Nurlan Eyvaz oğlu-Balıkesir ASTSB HAZLM OK.məzunu.Hərbi qulluqçu.
  • Fərhadov Elçin Nəbi oğlu-Polis zabiti.Müstəntiq.
  • Hüseynov Habil Nazir oğlu-Polis zabiti-Təhqiqatçı.

Mədəniyyəti[redaktə | əsas redaktə]

Abidələri[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]