Mənsum İbrahimov

Vikipediya, açıq ensiklopediya
Keçid et: naviqasiya, axtar
Mənsum İbrahimov
Mənsum İsrafil oğlu İbrahimov
Mənsum İbrahimov.jpg
Ümumi məlumatları
Doğum tarixi 1 oktyabr 1960 (1960-10-01) (57 yaş)
İmamqulubəyli, Ağdam
Flag of the Azerbaijan Soviet Socialist Republic.svg Azərbaycan SSR
Vətəndaşlıq Flag of Azerbaijan.svg Azərbaycan
Mükafatları Azərbaycanın əməkdar artist (1998)
Azərbaycan Respublikasının Xalq artisti
"Şöhrət" ordeni

IMDb səhifəsi

İbrahimov Mənsum İsrafil oğlu — xanəndə, Azərbaycanın xalq artisti (2005), Prezident mükafatçısı, Azərbaycan Milli Konservatoriyasının professoru.

Həyatı[redaktə | əsas redaktə]

Mənsum İbrahimov 1960-cı il oktyabrın 1-də Azərbaycan Respublikasının Ağdam rayonunun İmamqulubəyli kəndində anadan olub. 1982-1987-ci illərdə Asəf Zeynallı adına Bakı Musiqi Texnikumunun muğam şöbəsində, 1988-1993-cü illərdə Azərbaycan Dövlət Mədəniyyət və İncəsənət Universitetinin "Mədəni Maarif" fakültəsində təhsil almışdır. 1985-ci ildə Üzeyir Hacıbəyovun anadan olmasının 100 illiyinə həsr olunmuş müsabiqədə I dərəcəli diploma layiq görülmüşdür. Şövkət Ələkbərovanın məsləhəti ilə Azərbaycan Dövlət Akademik Opera və Balet Teatrına dəvət olunmuşdur. 1993-cü ildən "Leyli və Məcnun" operasında Məcnun rolunu oynayır. Milli opera tamaşalarında ikinci dərəcəli rollarla səhnəyə qədəm qoysa da, hazırda əksər tamaşalarda aparıcı partiyaları ifa edir. "Leyli və Məcnun" operasında Məcnun, "Aşıq Qərib"də Qərib, "Gəlin qayası"nda Camal, "Sevil"də Azançı rollarını ifa etmişdir. Opera səhnəsindəki fəaliyyəti ilə bərabər həm də xalq və bəstəkar mahnıları, muğamların gözəl ifaçısıdır. Dövlət səviyyəli tədbirlərdə, yubileylərdə tez-tez çıxış edir. Azərbaycan muğam sənətini dünyanın yaxın və uzaq ölkələrində — İran, Türkiyə, İraq, Fransa, Belçika, Lüksemburq, Kipr, ABŞKanadada ləyaqətlə təmsil edir. Bununla bərabər pedaqoji fəaliyyətlə məşğul olur. Azərbaycan Milli Konservatoriyası və konservatoriyanın nəzdində fəaliyyət göstərən Musiqi kollecinin müəllimi kimi gənc muğam ustalarının yetişməsinə böyük əmək sərf edir. Yetirmələri Azərbaycanda keçirilən muğam müsabiqələrində uğurla çıxış edirlər 1998-ci ildə Azərbaycanın əməkdar artisti, 2005-ci ildə isə xalq artisti fəxri adına layiq görülmüşdür. 2010-cu ildə Azərbaycan prezidentinin sərəncamına əsasən Şöhrət ordeni ilə təltif olunmuşdur. 9 may 2012-ci ildə, 30 aprel 2014-cü ildə,[1] 6 may 2015-ci ildə[2]6 may 2016-cı ildə[3] Prezident Mükafatına layiq görülmüşdür. 1 may 2017-ci ildə Azərbaycanın Respublikası Prezidentinin fərdi təqaüdünə layiq görülmüşdür.[4] Azərbaycan Milli Konservatoriyasının professorudur.

Filmoqrafiya[redaktə | əsas redaktə]

  1. Güllələnmiş heykəllər (film, 2002)
  2. Biz qayıdacağıq (film, 2007)
  3. Biz qayıdacağıq (veriliş, 2007) (II)
  4. Muğam (veriliş, 2007)

İstinadlar[redaktə | əsas redaktə]

Xarici keçidlər[redaktə | əsas redaktə]

  • Mənsum İbrahimov - Şur muğamı (Elçin Həşimov - Tar, Elnur Əhmədov - Kamança)[1]
  • Mənsum İbrahimov,Təyyar Bayramov,Aygün Bayramova,Nəzakət Teymurova - Qarabağ Qarabağ Şikəstəsi [2]
  • Mənsum İbrahimov,Təyyar Bayramov,Arzu Əliyeva - Qarabağ Şikəstəsi [3]
  • Mənsum İbrahimov - Dilkeş təsnifi (Rəşad İbrahimov - Tar, Təbriz Yusubov - Kamança) [4]
  • Mənsum İbrahimov - Mahur təsnifi (Elçin Həşimov - Tar, Elnur Əhmədov - Kamança)[5]
  • Mənsum İbrahimov: “Səhnədə səkkiz, həyatda bir Leylim var”
  • “Leyli və Məcnun” 109