Məryəm Həsənova

Vikipediya, açıq ensiklopediya
Jump to navigation Jump to search
Məryəm Həsənova
Məryəm Həsənova.jpg
Doğum tarixi 1938(1938-İfadə xətası: "{" punktuasiyasının tanınmayan simvolu.-{{{3}}})
Doğum yeri Bakı, Azərbaycan SSR, SSRİ
Vəfat tarixi 29 iyul 2018 (80 yaşında)
Vəfat yeri Siyəzən rayonu, Azərbaycan
Vəfat səbəbi Uzun sürən xəstəlik
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Peşəsi müəllim
Milliyyəti azərbaycanlı
İxtisası filologiya
Təhsili Azərbaycan Dövlət Universiteti
Fəaliyyəti pedoqoji
siyasət
Partiya Müsavat Partiyası

Həsənova Məryəm Mirdaməd qızı[1]Azərbaycan Milli Məclisinin sabiq üzvü, istiqlalçı millət vəkili.[2][3]

Həyatı[redaktə | əsas redaktə]

1938-ci ildə Bakıda anadan olmuşdur. Orta təhsilini Bakıda 190 nömrəli orta məktəbdə almışdır. Azərbaycan Dövlət Universitetinin Filologiya fakültəsini bitirmişdir. Həyatının sonrakı mərhələləri Siyəzən rayonunda keçmişdir.

Bir müddət Siyəzən rayonunda direktor vəzifəsində çalışmış, Azərbaycan dili və ədəbiyyatı fənnindən dərs demişdir. 2010-cu ildə işdən çıxmışdır.[2]

İstiqlalçı 43 deputatdan biri və yeganə qadın üzvü olmuşdur.

1990-cı ilin sentyabr ayının 30-da deputat seçilməsi elan edildikdən az sonra, 6 oktyabrda qardaşı, qardaşının həyat yoldaşı, bacısı, bacısı oğlu avtomobil qəzasına düşərək həlak olmuşdur. Ondan sonra həyatının sonuna qədər başına qara yaylıq örtmüşdür.

Anasının xahişi ilə ailə həyatı qurmuş və həyat yoldaşını 2009-cu ildə itirmişdir. Övladları olmamışdır.

Milli Məclisə seçilməsi və fəaliyyəti[redaktə | əsas redaktə]

1990-cı il 6 oktyabrda Milli Məclisə deputat seçilir.[4] 1990-1995-ci illərdə cəmi 51 nəfərdən ibarət olan Azəbaycan parlamentinin yeganə qadın üzvü olan Məryəm Həsənova 1991-ci ilin 18 oktyabrında qəbul olunmuş Müstəqillik haqqında Konstitusiya Aktına səs verənlərdən, "Müstəqil Azərbaycan" deputat blokunun 43 üzvündən biri olmuşdur.[5]

Azərbaycanın Sovet İttifaqından ayrılaraq müstəqil olması üçün mübarizə aparan Demblokun 25 üzvündən biri olan M.Həsənova vaxtilə Azərbaycan Ali Sovetinin məşhur 4-cü mikrofonda ilk çıxış edən deputatdır. İndiki Siyəzən rayonunun yaradılmasında onun xüsusi rolu var. O zaman məhz onun təklifindən sonra rayon təşkil edilib.[2]

Xatirəsi[redaktə | əsas redaktə]

Müstəqillik haqqında dövlət aktının qəbul olunduğu günü belə xatırlayır:[2]

" Ən şərəfli gün kimi. Həmin gün sevincimdən hönkür-hönkür ağladım. O gün Milli Məclisin zalında şəkil çəkdirdilər. Digərləri kişilər idi deyə, mən getmək istəmirdim. Məni güclə dartıb apardılar. Ona görə də bir qolum düşüb, yumruğumu sıxdığım yerdə. Amma o anları mən həyatımın ən gözəl anları sayıram. Elə bilirdim ki, cənnətin qapısı ağzındayam. Bundan şərəfli, bundan gözəl gün ola bilməzdi. "

Milli Məclisə seçilməsini belə xatırlayır:[2]

" O zaman Zarat kənd məktəbində direktor işləyirdim. Maşın-maşın adamlar gəldi ki, bəs, biz bu işə qoşuluruq, sizin namizədliyinizi irəli sürürük. "

Vəfatı[redaktə | əsas redaktə]

Məryəm Həsənova uzun sürən xəstəlikdən sonra 29 iyul 2018-ci il tarixində Bakıda dünyasını dəyişmişdir.[6][7] Siyəzəndə dəfn olunub.

İstinadlar[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]