Məsud Əfəndiyev

Vikipediya, azad ensiklopediya
Jump to navigation Jump to search
Məsud Əfəndiyev
Əfəndiyev Məsud Arif oğlu
Messoud Efendiev.JPG
Doğum tarixi 21 oktyabr 1953(1953-10-21) (66 yaş)
Doğum yeri
Vətəndaşlığı Azərbaycan
Elm sahəsi riyaziyyat
Elmi dərəcəsi doktor[d][1]
İş yeri Helmholtz Zentrum München (Institute of Computational Biology)
Mükafatları
  • Feodor Lynen Research Fellowship for Experienced Researchers – 2015;
Personal Website

Məsud Əfəndiyev (alm. Messoud Efendiev‎, 21 oktyabr 1953(1953-10-21), Zaqatala) — Almaniyada yaşayan azərbaycanlı riyazıyyatçı, professor. Humboldt mükafatı alan ilk azərbaycanlı[2].

Həyatı[redaktə | əsas redaktə]

Əfəndiyev Məsud Arif oğlu 1953-cü il oktyabrın 21-də Azərbaycan Respublikasının Zaqatala rayonunda qulluqçu ailəsində anadan olub.[3] 1970-ci ildə Zaqatala şəhərindəki Şıxəli Qurbanov adına məktəbi qızıl medalla bitirərək Azərbaycan Dövlət Universitetinin (indiki BDU) mexanika-riyaziyyat fakültəsinə qəbul olub. İki il oxuduqdan sonra Məsud Əfəndiyev təhsilini M.Lomonosov adına Moskva Dövlət Universitetində davam etdirib, aspirantura, doktorantura pilləsinə qalxaraq, uğurla namizədlik, sonra isə doktorluq dissertasiyalarını müdafiə edib.

Elmi fəaliyyəti[redaktə | əsas redaktə]

Diplom işini professor Mark Vişık və Aleksandr Şnirelmanın rəhbərliyi altında  yazmışdır.  Bu iş 1975-ci ildə nəşr üçün akademik Əşrəf Hüseynov tərəfindən "Azərbaycan SSR-i Elmlər Akademiyasının Məruzələri” jurnalına təqdim edilmişdir.

1991-ci ildən Almaniyada yaşayan alim, ölkənin müxtəlif universitetlərində, o cümlədən Münhen, Ştutqart, Berlin universitetlərində dərs deyib.

2005-ci ildə Yaponiyanın nüfuzlu «Japan Society for the Promotion of Science - JSPS» təşkilatının mükafatına layiq görülüb. M.Əfəndiyev postsovet məkanında dünyanın altı aparıcı elmi jurnalının redaksiya heyətinin üzvü olan yeganə riyaziyyatçı alimdir. Dünya elmində ən yüksək təltiflərdən («kiçik Nobel mükafatı») sayılan, Almaniya hökumətinin təsis etdiyi “Aleksander fon Humboldt” mükafatının ilk azərbaycanlı laureatı kimi tarixə düşüb[4].

2014-cü ildə Münxendə M.Əfəndiyevin 60 illiyinə həsr olunan “Biologiya, fizika və mexanikada qeyri-xətti təzahür” beynəlxalq konfransı keçirilib.

On aparıcı Beynəlxalq jurnallarının redaksiya şuralarının üzvü olmaqla bərabər, International Journal of  Biomathematics and Biostatistics jurnalın baş redaktoru və Yaponiya, Almaniya, ABŞ , Kanada və İsveçrədə nəşr olunan 7 kitabin müəllifidir.[5] Son iki kitab  2018-ci il də Springer nəşriyyatinda çap olunmuşdur.

01.01.2018-30.06.2018 tarixində Məsud Əfəndiyev (Deans Distinguished Professor) olaraq bir semestr ərzində  Kanadanın ən böyük şəhəri olan Torontoda yerləşən Toronto Universiteti və Fields Universitetinə dəvət edilib. O Riyaziyyat fakultəsində riyazi biologiya üzrə  mühazirələr oxumaq üçün dəvət olunub. Bu universitetlər adətən mühazirə oxumaq üçün "Deans Distinguished Professor” stasunda olan NobelFields mükafatı laureatlarını dəvət edirlər. 2019-cu ilin sentyabrında Məsud Əfəndiyev professor James D. Murray tərəfindən Kanadanın Vaterloo Universitetinə "Distinguished Visiting Professor" statusu ilə mühasirə oxumağa dəvət edilmişdir.[6] Beynəlxalq aləmdə tanınmış alim, fizika-riyaziyyat elmləri doktoru, professor Məsud Əfəndiyev hazırda Almaniyanın Münxen şəhərində "Helmholtz” Elmi-Tədqiqat Mərkəzində "Dinamik sistemlər” şöbəsinin müdiri vəzifəsində çalışır.[5]

Aparıcı beynəlxalq jurnallarda 160-dan çox məqalə dərc etmişdir.[6]

Mənbə[redaktə | əsas redaktə]

İstinadlar[redaktə | əsas redaktə]

  1. Almaniya Milli Kitabxanası, Berlin Dövlət Kitabxanası, Bavariya Dövlət Kitabxanası və b. Record #1048410544 // Ümumi tənzimləmə nəzarəti (GND) — 2012—2016.
  2. Ш. Назарли (2014-03-13). "В Мюнхене отметили юбилей профессора Месуда Эфендиева". SalamNews.az. İstifadə tarixi: 2014-03-13.
  3. Bağıyeva, Mətanət (2016). Xaricdə yaşayan azərbaycanlılar. Qısa bioqrafik məlumat kitabçası (PDF) (azərb.). Bakı: "Papirus NP". ISBN 978-9952-8299-1-4. 2017-10-21 tarixində orijinalından (PDF) arxivləşdirilib. İstifadə tarixi: 2017-10-21.
  4. “Beyin axını”: Azərbaycanı tərk edən alimlər - II HİSSƏ - ARAŞDIRMA
  5. 1 2 Azərbaycanlı alim Məsud Əfəndiyev Kanadanın ən böyük universitetinə dəvət olundu - Açıqlama
  6. 1 2 Mathematical Biology and Applied Analysis Seminars.Professor Messoud Efendiyev. James D. Murray Distinguished Visiting Professor. University of Waterloo

Xarici keçidlər[redaktə | əsas redaktə]

Silk-film.png Xarici video
Məsud Əfəndiyev
(Logo of YouTube (2015-2017).svg)
Silk-film.png Humboldt mükafatı alan ilk azərbaycanlı alim Məsud Əfəndiyev