Məsumə Babayeva

Məsumə Babayeva
Məsumə Babayeva
Doğum tarixi	23 sentyabr 1951
Vəfat tarixi	24 yanvar 2026 (74 yaşında)
Fəaliyyəti	aktrisa
Təhsili	Azərbaycan Dövlət Mədəniyyət və İncəsənət Universiteti;
Mükafatları	;

Məsumə Mustafa qızı Babayeva (23 sentyabr 1951 – 24 yanvar 2026) — Azərbaycan aktrisası.

Həyatı

Məsumə Mustafa qızı Babayeva 23 sentyabr 1951-ci ildə anadan olmuşdur. Azərbaycan Dövlət İncəsənət İnstitutunun dram və kino aktyorluğu fakültəsində təhsil alıb. Tələbə ikən Azərbaycan Dövlət Akademik Milli Dram Teatrında bəzi tamaşalarda uşaq rollarında çıxış edib. Hələ tələbə olmasına baxmayaraq, orada Leyla Bədirbəyli, Həsənağa Salayev, Hökümə Qurbanova, Hamlet Qurbanov kimi sənətkarlarla tərəf-müqabil olmuşdur. 1972-ci ildə institutu bitirdikdən sonra təyinatla Gənc Tamaşaçılar Teatrına göndərilib. Hazırda Gənc Tamaşaçılar Teatrının aktrisasıdır. Teatrda çalışdığı illər ərzində 100-ə yaxın müxtəlif obrazlar yaradıb. Onların arasında Aycan ("Aycan", Xanımana Əlibəyli), Qaraca qız ("Qaraca qız", Süleyman Sani Axundov), Kiçik Ramo ("Əlvida, Hindistan", Qeybulla Rəsulov), Sadıq ("Mənim nəğməkar bibim", Əkrəm Əylisli) və s. kimi bir çox rollar da var.

Aktrisa Azərbaycan Televiziyasında "Ürək rahatlıq sevmir" və "Deyin, Həyat haradadır?" kimi televiziya tamaşalarında modelyer və Həyat rollarına çəkilmişdir.

10 mart 2014-cü ildə "Fəxri Mədəniyyət İşçisi" döş nişanı ilə təltif edilmişdir. 10 mart 2016-cı ildə Azərbaycan Teatr Xadimləri İttifaqının "Sənətkar" medalı ilə təltif edilmişdir.^[1] 10 dekabr 2018-ci ildə "Tərəqqi" medalı ilə təltif edilmişdir.^[2]

24 yanvar 2026-cı ildə vəfat edib.^[3] 25 yanvarda Yeni Suraxanı qəbiristanlığında dəfn edilib.^[4]

Filmoqrafiya

Qovğalı kəndinin gecələri (film, 2008)
Günaydın, mələyim! (film, 2008)
Qocalar (film, 2008)
Xəyallar gündəliyi (2008)
Qaydasız döyüş (film, 2009)
İstanbul reysi (film, 2010)
Yaddaş (film, 2010)
Şəbəkə (film, 2011)
Ağabəyovlar (film, 2012-2014)
Ultionis
Muradına çatan Günəş
Bir ovuc torpaq (2013)
2 ömür (film, 2016-2017) (bədii serial) (rol: Zemfira)
Laləli saray (serial, 2017)
Əqrəb mövsümü (teleserial, 2022)

İstinadlar

↑ "Teatr günü aktyorlar müküfatlandırılıb". 21 mart 2016 tarixində orijinalından arxivləşdirilib. İstifadə tarixi: 10 mart 2016.
↑ President.Az. "Azərbaycan Dövlət Gənc Tamaşaçılar Teatrı əməkdaşlarının təltif edilməsi haqqında Azərbaycan Respublikası Prezidentinin Sərəncamı" (az.). President.az. 10.12.2018. 2019-12-19 tarixində arxivləşdirilib. İstifadə tarixi: 2018-12-10.
↑ "Aktrisa Məsumə Babayeva DÜNYASINI DƏYİŞDİ". Oxu.az (az.). 24 yanvar 2026. İstifadə tarixi: 24 yanvar 2026.
↑ "Məsumə Babayeva dəfn edildi". Oxu.az (az.). 25 yanvar 2026. İstifadə tarixi: 25 yanvar 2026.

Mənbə

[1] "Teatr günü aktyorlar müküfatlandırılıb". 21 mart 2016 tarixində orijinalından arxivləşdirilib. İstifadə tarixi: 10 mart 2016.

[2] President.Az. "Azərbaycan Dövlət Gənc Tamaşaçılar Teatrı əməkdaşlarının təltif edilməsi haqqında Azərbaycan Respublikası Prezidentinin Sərəncamı" (az.). President.az. 10.12.2018. 2019-12-19 tarixində arxivləşdirilib. İstifadə tarixi: 2018-12-10.

[3] "Aktrisa Məsumə Babayeva DÜNYASINI DƏYİŞDİ". Oxu.az (az.). 24 yanvar 2026. İstifadə tarixi: 24 yanvar 2026.

[4] "Məsumə Babayeva dəfn edildi". Oxu.az (az.). 25 yanvar 2026. İstifadə tarixi: 25 yanvar 2026.

[1]

[2]

[3]

[4]