Mətanət Süleymanova

Vikipediya, azad ensiklopediya
Jump to navigation Jump to search
Wrestling pictogram.svg Mətanət Süleymanova Wrestling pictogram.svg
Şəxsi məlumatları
Vətəndaşlığı Azərbaycan Azərbaycan
Doğum tarixi 6 yanvar 1976 (1976-01-06) (43 yaş)
Boyu 161 sm.
Çəkisi 56 kq.
İdman növü Wrestling pictogram.svg Güləş

Mətanət Əfraim qızı Süleymanova (d. 6 yanvar 1976) — Azərbaycanı təmsil edən sabiq qadın güləşçi və məşqçi. Mətanət Süleymanova Azərbaycanı 19951996-cı ildə Dünya Çempionatında, 1997, 19992003-cü ildə isə Avropa Çempionatında təmsil edib.

Həyatı[redaktə | əsas redaktə]

Mətanət Süleymanova 1976-cı ilin 6 yanvar tarixində anadan olub. 1989-cu ildən güləş ilə məşğul olan Süleymanovanın məşqçisi Xanlar Qurbanovdur.

Karyerası[redaktə | əsas redaktə]

Mətanət Süleymanova beynəlxalq səviyyədə birinci yarışına Azərbaycan yığmasının heyətində 1995-ci ildə Rusiyanın paytaxtı Moskva şəhərində baş tutan Dünya Çempionatı çərçivəsində qatıldı. Həmin yarışlarda Süleymanova 11-ci yeri tutdu.

Bir il sonra, 1996-cı ildə Mətanət Süleymanova yenə Dünya Çempionatında qüvvəsini sınadı. Bolqarıstanın paytaxtı Sofiya şəhərində baş tutan yarışlarda Süleymanova bürünc medal uğrunda görüşdə Yaponiyalı Riyoko Sakaeya məğlub oldu və 4-cü yeri tutdu.

Mətanət Süleymanova növbəti yarışına 1997-ci ilin Avropa Çempionatında qatıldı. Polşanın paytaxtı Varşava şəhərində baş tutan yarışlarda o, 7-ci yeri tutdu.

2 il sonra, 1999-cu ilin Avropa Çempionatında Mətanət Süleymanova Norveçli Qudrun Hoeie 0:10, İspaniyalı Minerva Pereza 2:7 və Rusiyalı Natalya Karamçakovaya 3:6 hesabları ilə uduzdu və 10-cu yeri tutdu.

Mətanət Süleymanova növbəti yarışına 2003-cü ilin Avropa Çempionatında qatıldı. Latviyanın paytaxtı Riqa şəhərində baş tutan yarışlarda o, Macarıstanlı Kitt Qodo üzərində 7:4 hesablı qələbə qazansada, Bolqarıstanlı Julieta Okota 0:4 və Polşalı Silviya Bilenskaya 1:4 hesabları ilə uduzdu və 10-cu yeri tutdu.

Mətanət Süleymanova sonuncu yarışına 2004-cü ildə İspaniyanın paytaxtı Madrid şəhərində qatıldı. 2004 Afina Olimpiadasına lisenziya verən "Olimpiya təsnifat" turnirində Mətanət Süleymanova 11-ci yeri tutdu və lisenziya qazana bilmədi.

Mətanət Süleymanova karyerasını başa vurduqdan sonra müxtəlif illərdə Azərbaycan yığmasında məşqçi kimi çalışıb.

Uğurları[redaktə | əsas redaktə]

Sıra İl Yarış Şəhər Nəticə
1 1995 Dünya Çempionatı Rusiya Moskva
11.
2 1996 Dünya Çempionatı Bolqarıstan Sofiya
4.
3 1997 Avropa Çempionatı Polşa Varşava
7.
4 1999 Avropa Çempionatı Avstriya Goetsiz
10.
5 2003 Avropa Çempionatı Latviya Riqa
10.
6 2004 "Olimpiya təsnifat" turniri İspaniya Madrid
11.

Mənbələr[redaktə | əsas redaktə]

Xarici кeçidlər[redaktə | əsas redaktə]