Mətin Kərimli

Vikipediya, azad ensiklopediya
Jump to navigation Jump to search
Mətin Kərimli
Mətin İmdad oğlu Kərimli
Matin.Karimli.jpg
azərb. Kərimli Mətin İmdad oğlu
Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin Direktorubayraq
yanvar 2020 — hal-hazırda
bayraqAzərbaycan Respublikası Əmək və Əhalinin Sosial Müdafiəsi Nazirliyində nazirin müavinibayraq
24 fevral, 2014 — 31 dekabr, 2019
Şəxsi məlumatlar
Təhsili Harvard Universiteti, Dövlət idarəetməsi(magistr)
Strasburq Universiteti, Avropa Elmləri (magistr)
Bakı Dövlət Universiteti, Beynəlxalq Əlaqələr (bakalavr)
Doğum tarixi (42 yaş)
Doğum yeri Bakı, Azərbaycan SSR
Atası İmdad Kərimov
Uşağı üç övladı var.

Mətin Kərimli (tam adı:Mətin İmdad oğlu Kərimli; d. 6 iyun, 1979, Bakı) — Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin Direktoru [1], keçmiş Azərbaycan Respublikası Əmək və Əhalinin Sosial Müdafiəsi Nazirinin müavini.

Həyatı[redaktə | əsas redaktə]

Mətin İmdad oğlu Kərimli 6 iyun 1979-cu ildə Bakı şəhərində anadan olub. 1999-cu ildə Bakı Dövlət Universitetini beynəlxalq əlaqələr üzrə bakalavr dərəcəsi ilə bitirib. 2000-2001-ci illərdə Strasburq Universitetində (Fransa) Avropa elmləri üzrə fənlərarası diplom, 2001-2002-ci illərdə Avropa elmləri üzrə magistr dərəcəsi alıb. 2005-ci ilin may-iyul aylarında C.Marşal Avropa Elmləri Mərkəzində (Almaniya) Ali Təhlükəsizlik Elmləri üzrə Liderlər Proqramında təhsil alıb, 2006-cı ilin yanvar-avqust aylarında NATO Müdafiə Kollecində ali kursu bitirib. 2012-ci ildə Harvard Universitetini (ABŞ) dövlət idarəetməsi üzrə magistr dərəcəsi ilə bitirib, eləcə də dövlət siyasəti və idarəetməsi üzrə Meyson Proqramının Diplomunu alıb[2].

1998-1999-cu illərdə Azərbaycan Gənclər Təşkilatları Milli Şurasının vitse-prezidenti, 2003-2004-cü illərdə həqiqi hərbi xidmətdə olmuş, 2005-2008-ci illərdə Azərbaycan Xarici İşlər Nazirliyinin Təhlükəsizlik problemləri idarəsində referent, 2008-2009-cu illərdə NATO-nun Müdafiə siyasəti və planlaşdırma idarəsinin beynəlxalq katibliyində tərəfdaşlıq zabiti, 2009-2011-ci illərdə Azərbaycanın NATO yanında nümayəndəliyində ikinci katib, 2011-ci ilin mart-iyun aylarında Azərbaycan Xarici İşlər Nazirliyinin Təhlükəsizlik problemləri idarəsinin ikinci katibi vəzifələrində çalışıb[2].

2012-ci ilin iyun ayından 24 fevral 2014-cü ilə qədər isə Azərbaycan Respublikası Vergilər Nazirliyinin Beynəlxalq münasibətlər idarəsinin rəisi vəzifəsində işləmişdir[2].

24 fevral 2014-cü ildə Azərbaycan Respublikası Əmək və Əhalinin Sosial Müdafiəsi Nazirinin müavini təyin olunub.

2020-ci ilin yanvar ayından etibarən Beynəlxalq Əmək Təşkilatının (BƏT) Sakit Okean hövzəsi ölkələri üzrə Ofisinin Direktorudur. Mətin Kərimli BƏT sistemində belə yüksək vəzifədə işləyəcək ilk Azərbaycan vətəndaşıdır[1].

İngilis, fransız, rusispan dillərini bilir[2].

Evlidir, 3 övladı var.

Həmçinin bax[redaktə | əsas redaktə]

Mətin Kərimli Azərbaycan Kənd Təsərrüfatı Naziri İnam Kərimovun qardaşıdır.

İstinadlar[redaktə | əsas redaktə]

  1. 1 2 Mətin Kərimli BƏT-də yüksək vəzifəyə təyin olunub — report.az saytı
  2. 1 2 3 4 Səlim Müslümova iki müavin təyin edildi — news.lent.az saytı