Mətin Quliyev

Vikipediya, açıq ensiklopediya
Jump to navigation Jump to search
Mətin Quliyev
Mətin Fərəc oğlu Quliyev
Mətin Quliyev.jpg
Mətin Fərəc oğlu Quliyev

Doğum tarixi 13 noyabr 1986(1986-11-13)
Doğum yeri Naxçıvan şəhəri, Naxçıvan MSSR, Azərbaycan SSR, SSRİ
Uşağı 2
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Peşəsi hərbi qulluqçu
Milliyyəti Azərbaycanlı
İxtisası Beynəlxalq münasibətlər
Təhsili Bakı Slavyan Universiteti
Fəaliyyəti Hərbçi, naşir, tərcüməçi-yazar, redaktor, korrektor
Mükafatları Fövqəladə Hallar Nazirliyinin "Fəxri Fərman"ı

Mətin Quliyev (Mətin Fərəc oğlu Quliyev; d. 13 noyabr 1986. Naxçıvan şəhəri, Naxçıvan MSSR, Azərbaycan SSR, SSRİ) — Azərbaycanlı naşir, media rəhbəri, seçki texnoloqu; Azərbaycan tərcüməçisi; redaktor, korrektor, qrafik dizayner.

Həyatı[redaktə | əsas redaktə]

Mətin Quliyev 13 noyabr 1986-cı ildə Naxçıvan MSSR-nin Naxçıvan şəhərində anadan olub. 1992-2002-ci illərdə Ordubad rayonunun Üstüpü kənd orta məktəbində təhsil almış, 2002-2003-cü illərdə orta təhsilini Bakı şəhərinin Nəsimi rayonundakı N.Axundov adına 1 nömrəli məktəbdə davam etdirmişdir. 2003-2007-ci illərdə Bakı Slavyan Universitetinin Beynəlxalq münasibətlər fakültəsini fərqlənmə diplomu ilə bitirmişdir. Əlavə olaraq "Mülki müdafiə və tibbi biliklərin əsasları" ixtisasına da yiyələnmişdir. 2007-2008-ci illərdə Azərbaycan Silahlı Qüvvələri sıralarında ön cəbhədə həqiqi hərbi xidmətdə olmuşdur.

Ailəsi[redaktə | əsas redaktə]

Mətin Quliyev ailəlidir, 2 övladı var. Azərbaycan siyasətçisi, istiqlalçı deputat və hazırkı millət vəkili, Milli Dirçəliş Hərəkatı Partiyasının lideri Fərəc Quliyevin oğludur.[1]

Dil bilikləri[redaktə | əsas redaktə]

Azərbaycan, ingilis, rus, türkyapon dillərini bilir. Yaponiyada "Hyogo International Center"də keçirilmiş yapon dili kursunda iştirak edib və yapon dili biliklərinə yiyələnməsini təsdiqləyən sertifikata layiq görülüb.

Fəaliyyəti[redaktə | əsas redaktə]

2006-2007-ci illərdə ixtisas təcrübəsi çərçivəsində Azərbaycan Respublikası Xarici İşlər Nazirliyinin "Konsulluq" və "I Qərb ərazi" idarələrində işləmişdir. 2005-ci ildə ölkənin bütün ali məktəblərindən olan aktiv tələbələrin iştirakı ilə "UĞUR" Gənclər Təşkilatını yaratmış və 2007-ci ilədək bu təşkilatın sədri olmuşdur. 2008-ci ildə "Anqlosaks-Türk assosiasiyası"nın vitse-prezidenti təyin olunmuşdur. 03.03.2009-23.06.2010 tarixlərində "Nəsrəddin Tusi adına klinika"da "hüquqşünas" vəzifəsində çalışmışdır. 11 kitabın tərcüməçisi, redaktoru, korrektoru və dizayneridir. Diaspora, tarix, filologiya, diplomatiya və digər sahələrə dair bir çox elmi-publisistik məqalənin müəllifidir. Seçki texnoloqu olaraq Azərbaycanda keçirilmiş bir çox prezidentlik və parlament seçkilərində dəfələrlə vəkil, səlahiyyətli nümayəndə olmuş, seçki qərargahlarına rəhbərlik etmişdir. Parlamentdə təmsil olunan Milli Dirçəliş Hərəkatı Partiyası sədrinin Beynəlxalq əlaqələr üzrə müşaviri olmuşdur.

2011-ci ildən Azərbaycan Respublikası Fövqəladə Hallar Nazirliyində müxtəlif vəzifələrdə çalışıb. Hazırda həmin nazirliyin 112 Çevik reaksiya idarəsinin ("112" qaynar xətt) rəis müavinidir. Kapitan rütbəsi daşıyır.

Media sahəsində fəaliyyəti[redaktə | əsas redaktə]

"Tanıtım" qəzeti və "Yeni dünya düzəni" analitik jurnalında müxbir, "Yeni Dirçəliş" və "Təbriz" qəzetlərində redaktor vəzifəsində çalışmış, köşə yazarı olmuşdur. 2011-ci ildə "Davam Media Grupu"nu təsis etmiş, "Davam" qəzeti, eyni adlı internet radio və www.davam.az xəbər portalını yaratmışdır.[2]

Nəşriyyat sahəsindəki fəaliyyəti[redaktə | əsas redaktə]

"Davam" nəşriyyat-poliqrafiya evini yaratmış, həm ölkədxili, həm də xarici partnyorlarla birgə nəşr, tərcümə və poliqrafiya sahəsində müxtəlif layihələr həyata keçirmişdir.[3] Bunlardan ən diqqətəlayiq olanı Türkiyə Respublikasının Mədəniyyət və Turizm Nazirliyi ilə "Türk dünyası seriyası" çərçivəsində reallaşdırdığı layihədə tərcümə və çap olunan kitabların ödənişsiz olaraq oxuculara paylanmasıdır. Türkiyənin ən məşhur nəşriyyat evlərindən olan «Nar», «Panama», «Ötüken», «Atatürk Kültür Merkezi», «Bilge Kültür Sanat», «Berikan» və bu kimi nəşriyyat evləri ilə əməkdaşlıq müqavilələri, ortaq layihələri vardır.

İştirak etdiyi beynəlxalq tədbirlər[redaktə | əsas redaktə]

  • 25.07.2011-28.07.2011 - US ARMY CORPS of ENGİNEERS - "Civil Military Emergency Preparedness, İnteragency Coordination Workshop", Azərbaycan.
  • 25.09.2011-17.11.2011 - JICA (Japan International Cooperation Agency) - "Disaster Risk Reduction Strategy for Urban Earthquake", Yaponiya.
  • 27.11.2011-01.12.2011 - MES of Azerbaijan - "Course of responding to emergency situations in France", Azərbaycan.
  • 22.09.2012-28.09.2012 - NATO - "Extract from the exercise instructions for observers – Exercise Georgia - 2012", Gürcüstan.
  • 14.10.2012-20.10.2012 - NATO SCHOOL - "Crisis Management Course", Almaniya.
  • 24.11.2013-28.11.2013 - EUROPEAN UNİON - "Natural and man-made disaster prevention, preparedness and response to them", Brüssel Belçika.
  • 06.05.2015-22.06.2015 - BEGOC (Baku Europan Games Operations Commite) - Responsible Operational duty officer of MES in BEGOC within Europan games, Azərbaycan.
  • 24.06.2015-07.07.2015 - RED CROSS SOCİETY of CHİNA "Workshop on Humanitarian aid and disaster management for developing countries" Çin Xalq Respublikası.
  • 18.09.2015-23.09.2016 - MERCY Malaysia - "Rapid humanitarian logistics management" - Malaziya.

Təltif və mükafatları[redaktə | əsas redaktə]

2003-cu ildə Bakı Slavyan Universiteti tərəfindən Azərbaycan Demokratik Respublikasının yaranmasına həsr olunmuş elmi konfransda III dərəcəli diplomla təltif olunub.

ABŞ Ordusu Mühəndislər birliyi, Yaponiyanın Kobe Universiteti, "JİCA" təşkilatı, Avropa Birliyi, NATO, Çin Xalq Respublikasının Ticarət nazirliyi və "Qırmızı Xaç Cəmiyyəti", Malaziyanın Xarici İşlr Nazirliyi və "MERCY Malaysia" təşkilatı və bu kimi nüfuzlu beynəlxalq qurumlar tərəfindən Azərbaycan, Yaponiya, Gürcüstan, Almaniya, Belçika, Çin, Malaziya kimi ölkələrdə onlarla diplom və sertifikata layiq görülüb.

14 dekabr 2017-ci ildə Fövqəladə Hallar Nazirliyi tərəfindən "Fəxri Fərman"la təltif olunub.

Tərcümələri[redaktə | əsas redaktə]

Türk dilindən[redaktə | əsas redaktə]

İngilis dilinə[redaktə | əsas redaktə]

  • «Yeni dünya düzəni siyasətində Azərbaycanın yeri və rolu» // Fərəc Quliyev // Bakı: 2012.[4]

Azərbaycan dilinə[redaktə | əsas redaktə]

  • «А.М.Топчибаши и М.Е.Расулзаде переписка 1923-1926» // Исхаков С.М
  • «Millət və milliyyətçilik» // Prof.Dr.İskəndər ÖKSÜZ
  • «Çiçəklər böyüyər» // Əminə IŞINSU
  • «Bizim Yunus» // Mustafa ÖZÇƏLİK
  • «Fatehin qanadları» // Yusuf DURSUN
  • «İslamda elm və texnologiya tarixi» // Prof.Dr.Məhməd BAYRAQDAR
  • «Təbriz aşıqlıq ənənəsi və Təbrizli Aşıq Alı» // Fazil ÖZDAMAR
  • «Türk mədəniyyətli xalqlarda xalq inanclarından mifologiyaya» // Dr.Yaşar KALAFAT
  • «Azərbaycan-İran-Anadolu-İraq xalq inancları xətti» // Dr.Yaşar KALAFAT
  • «Battal Qazi» // Mustafa ÖZÇƏLİK
  • «Cümhuriyyət nəğməsi» // Əminə IŞINSU
  • «Bilinməyən bir türk ulusu - Kəyanilər» // Prof.Dr.Məhməd BAYRAQDAR

Məqalələri[redaktə | əsas redaktə]

  • “Can Azərbaycan” // “Yeni Müsavat” qəzeti № 58 (322) // 5-8.09.1997
  • “Kərəmli, yoxsa Kreml” // “Tələbə Dünyası” qəzeti № 12 (56) // 15.09.2004
  • “Avropada islam” // “Tələbə Dünyası” qəzeti № 17 (61) // 25.11.2004
  • “Azərbaycan diasporu” // “Yeni Dirçəliş” qəzeti № 009 // 08.07.2005
  • “Zəruri Türk birliyi” // “Tələbə Dünyası” qəzeti № 13 (76) // 01.10.2005
  • “Avropa-Şərq münasibətlərində Azərbaycan amili” // “Tələbə Dünyası” qəzeti № 01 (82) // 09.01.2006

İstinadlar[redaktə | əsas redaktə]

  1. Namidə Bingöl. "Prezidentliyə namizədin oğlu:Sərhədlər sökülən zaman atamın tozlu-torpaqlı üst-başını xatırlayıram - MÜSAHİBƏ" (azərb.). davam.az (21 sentyabr 2013). 3 oktyabr 2018 tarixində arxivləşdirilib. İstifadə tarixi: 3 oktyabr 2018.
  2. ""DAVAM" QƏZETI SATIŞDA" (azərb.). davam.az (20 sentyabr 2011). 8 oktyabr 2018 tarixində arxivləşdirilib. İstifadə tarixi: 8 oktyabr 2018.
  3. ""DAVAM" MMC ("DAVAM" Nəşriyyat və Poliqrafiya evi) - HAQQIMIZDA" (azərb.). davam.az (2013). 8 oktyabr 2018 tarixində arxivləşdirilib. İstifadə tarixi: 8 oktyabr 2018.
  4. "Millət vəkili Fərəc Quliyevin kitabı ingilis dilində yenidən nəşr edilib" (azərb.). davam.az (2 iyun 2012). 8 oktyabr 2018 tarixində arxivləşdirilib. İstifadə tarixi: 8 oktyabr 2018.