Mətləb Nağı

Vikipediya, açıq ensiklopediya
Jump to navigation Jump to search
Mətləb Nağı
Mətləb Mirağa oğlu Nağıyev
Fotoqrafiya
Doğum tarixi 1955(1955-Şablondakı doğum və ya ölüm tarixində texniki yanlışlıq var!-00)
Doğum yeri Ərəb Qardaşbəyli, Salyan
Flag of the Azerbaijan Soviet Socialist Republic.svg Azərbaycan SSR
Vəfatı 2007(2007-Şablondakı doğum və ya ölüm tarixində texniki yanlışlıq var!-00)
Vəfat yeri Bakı, Azərbaycan
Vətəndaşlığı Flag of Azerbaijan.svg Azərbaycan
Milliyyəti azərbaycanlı

Nağıyev Mətləb Mirağa oğlu (Mətləb Nağı) — azərbaycanlı şair, filologiya elmləri namizədi, dosent.

Həyatı[redaktə | əsas redaktə]

Mətləb Nağı 1955-ci ildə Salyan rayonunun Ərəb Qardaşbəyli kəndində doğulub. İndiki Azərbaycan Dövlət Pedaqoji Universitetinin filologiya fakültəsini bitirib. Filologiya elmləri namizədi elmi dərəcəsinə yiyələnib. Pedaqoji Universitetdə rus ədəbiyyatından dərs deyib.

Üç şeir kitabının müəllifidir. "Saçın ucun hörərlər" adlı ilk lirik şeirlər kitabı 2002-ci ildə işıq üzü görüb. 2005-ci ildə daha iki kitabı - "Ə. Qardaşbəylinamə" (satirik şeirlər) və "100 il yaşamaq olmur" (lirik şeirlər) çapdan çıxıb.

Mətbuatla daim sıx əməkdaşlıq edib. "Aydınlıq", "Ulus", "Avropa", "Yeni Müsavat", "Azadlıq", "Ədəbiyyat" qəzetlərində, "Xalq qəzeti"ndə, "525-ci qəzet"də, "Ulduz" jurnalında və başqa mətbu orqanlarda şeir və məqalələri işıq üzü görüb. Satirik şeirləri əsasən Məmməd Nazimoğlunun hazırladığı satira və yumor səhifələrində, Ə.Qardaşbəyli imzası ilə dərc edilib.

Sonuncu məqaləsi 2006-cı ilin dekabrında "Xalq qəzeti"ndə dərc olunub. Müəllimi professor Xeyrulla Məmmədovun kitabından bəhs edən həmin məqalənin adı "Görkəmli alimin son töhfəsi" olub.

Bir ilə yaxın ağır xəstəlikdən əziyyət çəkib. Bakıda, Moskvada müalicə alsa da, həkimlər onun xəstəliyinə əlac edə bilməyiblər. Şair, ədəbiyyatşünas alim, Azərbaycan Dövlət Pedaqoji Universitetinin dosenti Mətləb Nağı 52 yaşında dünyasını dəyişib. Bakı şəhərində dəfn olunub. Aygül və Gülcahan adlı iki övladı var.

Vəfatından sonra haqqında İlham Abbasovun tərtibi və redaktəsi ilə "Yaşamaq istəyirdim" adlı xatirə kitabı nəşr olunub.

Əsərləri[redaktə | əsas redaktə]

  1. Saçın ucun hörərlər. Bakı: 2002
  2. Qardaşbəylinamə (satirik şeirlər). Bakı: 2005
  3. Yüz il yaşamaq olmur. Bakı: Nurlan, 2005, 168 səh.