Məzahir Alcanov

Vikipediya, azad ensiklopediya
Jump to navigation Jump to search
Məzahir Alcanov
Alcanov
Məzahir Alcanov.jpg
Doğum tarixi 6 iyul 1950 (1950-07-06) (69 yaş)
Doğum yeri Şamaxı, Çalov
Vətəndaşlığı Azərbaycan
Elm sahəsi fizika-riyaziyyat
Elmi dərəcəsi fizika-riyaziyyat elmləri doktoru (1990)
İş yeri Azərbaycan Milli Elmlər Akademiyası Fizika İnstitutu
Təhsili

Məzahir Alcanov — fizika-riyaziyyat elmləri doktoru (1990).

Həyatı[redaktə | əsas redaktə]

Alcanov Məzahir Əmircan oğlu 6 iyul 1950-ci ildə Şamaxı rayonunun Çalov kəndində anadan olmuşdur. 1966-cı ildə Şamaxı rayonu Nərimankənd orta məktəbini bitirdikdən sonra ADU-nun fizika fakültəsinə daxil olmuş və universiteti 1971-ci ildə bitirmişdir.

1971-72-ci illərdə Kürdəmir rayonunda orta məktəbdə fizika müəllimi işləmişdir.

Məzahir Alcanov 1973-cü ildə AMEA Fizika İnstitutunun aspiranturasına daxil olmuşdur.

1978-ci ildə “Aşağı temperaturlarda qallium və tallium monohalkogenidlərin istilik tutumunun tədqiqi” mövzusunda namizədlik dissertasiyası müdafiə etmiş və fizika-riyaziyyat elmləri namizədi alimlik dərəcəsi almışdır.

Məzahir Alcanov tədqiqat işlərini davam etdirərək 1990-cı ildə “Aşağıölçülü AIIIBVIvə TIMX2 kristalları və onların bərk məhlullarında faza keçidi və istilik tutumu” mövzusunda doktorluq dissertasiyası müdafiə etmişdir.

Məzahir Alcanov fizika-riyaziyyat elmləri doktorudur. Onun 110-dan çox elmi işi çap edilmiş, rəhbərliyi ilə üç nəfər namizədlik dissertasiyası müdafiə etmişdir. Məzahir Alcanov BDU və AMEA Kimya İnstitutunun elmi şuralarının üzvü olmuşdur.

1998-ci ildə Fizika İnstitutu Kriogen Korpusunun müdiri, 2003-cü ildən hal-hazıra qədər isə “Kriogen texnologiyası” şöbəsinin müdiri vəzifəsində çalışır.

Ailəlidir, üç övladı və üç nəvəsi var.

Mənbə[redaktə | əsas redaktə]