M.V.Lomonosov adına Moskva Dövlət Universitetinin Bakı filialı

M.V. Lomonosov adına Moskva Dövlət Universitetinin Bakı filialı
40°24′14″ şm. e. 49°45′40″ ş. u.
Əsası qoyulub	27 fevral 2009
Rektor	Nərgiz Paşayeva
Şəhər	Bakı
Ölkə	Azərbaycan
Ünvan	Hüseyn Cavid pr., 133
Sayt	msu.edu.az

M. V. Lomonosov adına Moskva Dövlət Universitetinin Bakı filialı və ya qısaca MDU Bakı filialı — Azərbaycan Respublikası Təhsil Nazirliyinin tabeliyində olan ali təhsil müəssisəsi.

Tarixi

Filialın yaranması haqqında razılaşma Rusiya Federasiyasının təhsil və elm naziri Andrey Fursenkonun 2007-ci ilin martında Azərbaycana səfəri zamanı əldə edilimişdı.

M.V.Lomonosov adına Moskva Dövlət Universiteti rəhbərliyinin təklifi və Azərbaycan Respublikasının Prezidenti İlham Əliyevin yanvar 2009-cu il tarixli sərəncamına əsasən yaradılıb. Filial rəsmi surətdə 27 fevral 2009-cu ildə açılıb.

26 sentyabr 2012-ci il tarixində M.V.Lomonosov adına Moskva Dövlət Universitetinin Bakı filialının yeni tədris kompleksinin açılış mərasimi olmuşdur.

Qəbul və tədris rus dilində aparılır. Tələbələr dövlət hesabına təhsil alırlar. Universitetdə həm bakalavr, həm də magistr dərəcəsi almaq imkanı mövcuddur. Təhsil forması əyanidir.

Filialın tədris fəaliyyəti M.V. Lomonosov adına MDU-nun tədris plan və proqramlarına əsaslanır.

Bakı şəhərindəki M.V. Lomonosov adına MDU filialının rektoru professor Nərgiz Paşayevadır.

Həmçinin bax

• M.V.Lomonosov adına Moskva Dövlət Universiteti
• İ.M.Seçenov adına Birinci Moskva Dövlət Tibb Universitetinin Bakı filialı

Xarici keçidlər

• MDU Bakı filialının rəsmi saytı