Maşın Sazi FK

Maşın Sazi
Klubun tam adı	Maşın Sazi Futbol Klubu fars. باشگاه فوتبال ماشین‌سازی تبریز‎‎‎
Ölkə	İran
Ləqəb(lər)	Yaşıl maşın, Maşınqayıranlar
Rəng(lər)	Yaşıl-ağ
Yaranma tarixi	1969
Stadionu	Təxti stadionu
Tutumu	25.000
Sahibi	Təbriz Bələdiyyəsi
Prezidenti	Mir Məsum Söhrabi
Baş məşqçisi	Fərhad Kazemi
Liqa	İran milli futbol çempionatı
2019/20	11.
Ev forması Səfər forması
Rəsmi saytı
Vikianbarda əlaqəli mediafayllar

Maşın Sazi FK (fars. باشگاه فوتبال ماشین‌سازی تبریز‎‎‎) — İranın Şərqi Azərbaycan ostanının paytaxtı olan Təbriz şəhərini təmsil edən peşəkar futbol klubu. Klub hal-hazırda İranın ən yüksək liqası olan İran Pro-liqasında mübarizə aparır. Klub 2014-cü ildən Təbriz Bələdiyyəsinə məxsusdur. Klub 2016-cı ildə 19 illik fasilədən sonra yenidən İran çempionatının yüksək divizionuna qayıdıb.

"Maşın Sazi" Təbriz şəhərinin bir digər təmsilçiləri olan "Traktor Sazi", "Göstəriş Polad" və "Şəhrdari Təbriz" klubları ilə daimi rəqabət içərisindədir. Klub Rusiyanın "Torpedo Moskva" komandası ilə dostluq münasibətlərinə malikdir.

Tarixi

Qurulması

1969-cu ildə Maşın Sazi Təbriz maşınqayırma zavodu "Maşın Sazi" adlı yeni futbol komandası yaratmaq qərarına gəlib. "Maşın Sazi" ilk rəsmi matçını 1970-ci ildə keçirib. Bir neçə ildən sonra isə klubun artıq Təbrizdə çoxlu azarkeşləri var idi.

1973-cü ildə İranda ilk ümummilli futbol liqası sayılan "Cəmşid kuboku" yaradıldı. "Maşın Sazi" elə ilk mövsümdən bu turnirdə mübarizəyə qoşuldu. Klub ilk mövsümündə 22 oyundan yalnız bir qələbə qazanaraq liqanın əsas autsayderi oldu. Komanda 1976-1979-cu illərdə yenidən "Cəmşid kuboku"nda iştirak etmişdir.

İnqilabdan sonra

1980-ci illər

"Maşın Sazi"nin 1973-74 mövsümündəki heyəti. Sonradan klubun rəngləri göy və sarıya, yekunda isə yaşıla dəyişdiriləcək.

"Maşın Sazi" İran İslam İnqilabından sonra və İran-İraq müharibəsi zamanı İrandakı digər əksər idman klubları kimi fəaliyyətini ciddi şəkildə məhdudlaşdırmalı oldu. Klub 1979-1980-ci illərdə hər hansı bir əhəmiyyətli yarışlarda iştirak etmədi. 1980-ci ildə Təbriz futbol liqası və futbol üzrə Təbriz kuboku yaradıldı. "Maşın Sazi" 1980-ci ildən 1988-ci ilədək məhs bu turnirlərdə uğurla mübarizə apardı. Klub Təbriz futbol liqasında yeddi dəfə çempion olmuş, iki dəfə isə ikinci yeri tutmuşdur, həmçinin Təbriz kubokunu isə altı dəfə qazanmışdır. Müharibə başa çatdıqdan sonra yerli və əyalət liqaları ləğv edilib, onların yerlərinə isə ümummilli liqalar yaradılıb.

1990-ci illər

Müharibədən sonra Azadeqan Liqası adlı ümummilli iran çempionatı yaradılıb. "Maşın Sazi" 1994-cü ildə bu liqaya yüksəlib. Komanda növbəti iki mövsüm ərzində Azadeqan Liqasında çıxış edib və hər iki mövsümdə də 8-ci yeri tutub. Klub 1996-97 mövsümündə 16 komanda arasında 13-cü yeri tutaraq İkinci diviziona düşüb. "Maşın Sazi" 1997-ci idən 2001-ci ilədək bu divizionda oynayıb.

2000-ci illər

"Maşın Sazi"nin 1976-cı ildəki heyəti

2001-ci ildə İran Pro-liqasının yaranmasından sonra "Maşın Sazi" Azadeqan liqasında çıxış edib. Klub uzun illər Azadeqan liqasının ortabab klublarından olub. Klub 2007-08 mövsümündə Azadeqan liqasında 11-ci yeri tutduğuna görə 2-ci diviziona düşməli idi, amma İran Futbol Federasiyası liqadakı komandaların sayının 28-dək artırılması qərarını verdiyi üçün "Maşın Sazi" Azadeqan liqasını tərk etməyib.

2008-ci ildə komandanın rəhbərliyi maliyyə vəziyyətinin ağırlığı səbəbindən futbolçuların əmək haqlarını ödəmək iqtidarında deyildi, üstəlik klubun böyük məbləğdə borcları var idi. Son 12 oyunda 10 məğlubiyyətdən sonra komandanın baş məşqçisi Əsgər Etebari istefaya göndərilib. Onun əvəzinə yeni baş məşqçi vəzifəsinə Sirus Bayrami təyin edilib. 2008-ci ilin martında klubun prezidenti Cavad Şehlei tutduğu vəzifədən azad edilib. Fərhad Sedaqat klubun yeni prezidenti seçilib. Eyni zamanda Seyid Cavad Musəvi klubun yeni baş məşqçisi təyin olunub. Bütün bunlara baxmayaraq "Maşın Sazi" 2008-09 mövsümünün yekununda Azadeqan liqasında 13-cü yeri tutaraq ikinci diviziona düşüb.

Dəbiri dövrü

25 aprel 2009-cu ildə "Maşın Sazi" klubu komandaya xeyli vəsait xərcləmiş iş adamı Şahram Dəbiri tərəfindən alınıb. Klub ikinci divizionda bir il çıxış etdikdən sonra Azadeqan liqasında iştirak etmək hüququ verən lisenziyanı almış və 2010-11 mövsümündən etibarən yenidən Azadeqan liqasında çıxış etməyə başlamışdır. Komanda 2011-12 mövsümündə Azadeqan liqasında üçüncü yeri tutub. Növbəti mövsümdə 14 komanda arasında sonuncu yeri tutaraq ikinci diviziona düşüb. "Maşın Sazi" növbəti iki mövsüm ərzində ikinci divizionda çıxış edib.

İran Pro-liqası

"Maşın Sazi"nin 2016-cı ildəki heyəti

"Maşın Sazi" klubu 2014-cü ildən Təbriz Bələdiyyəsinə məxsusdur.

Klub 2015-ci ilin iyun ayında Azadeqan liqasında Şərqi Azərbaycan ostanının təmsilçisi kimi "Şəhrdari Təbriz" komandasını əvəzləyib. 2016-cı ilin qışında Rəsul Hatibi "Maşın Sazi"nin yeni baş məşqçisi təyin olunub. Yeni baş məşqçinin qarşısına İran Pro-liqasına yüksəlmək hədəfi qoyulub. "Maşın Sazi" 10 may 2016-cı ildə "Mes Rəfsəncan" üzərində 3:0 hesablı qələbədən sonra İran Pro-liqasına vəsiqəni təmin edib. Klub Azadeqan liqasının 2015-2016-cı illər mövsümünün yekununda 20 komanda arasında 2-ci yeri tutub və 19 illik fasilədən sonra yenidən İran Pro-liqasında iştirak etmək hüququnu qazanıb.

2016-cı ilin dekabrında klubun baş məşqçisi Rəsul Hatibi ardıcıl uğursuz nəticələrdən sonra istefaya göndərilib. Onun əvəzinə yeni baş məşqçi vəzifəsinə Fərhad Kazimi təyin edilib.

Oyunçular

Birinci komandanın heyəti

Klubun 2016-17 mövsümü üçün heyəti.

Nömrə Ölkə Mövqeyi Futbolçu 1 GK Mehdi Eslami 2 DF Səid Mehdipur 3 DF Həbib Gordani 4 DF Məhəmməd Həc Məhəmmədi 5 DF Edson 6 DF Bəhman Kamel 8 MF Kaxaber Kakaşvili 9 FW Amin Qasımnecəd 10 MF Əhməd Əmir Qəmbər 11 MF Payam Sadeqiyan 13 MF Səid Mehri 15 MF Mürtəza Mahfuzi 16 MF Səccad Rəhbər 17 MF Həmid Pakdel

Nömrə Ölkə Mövqeyi Futbolçu 18 MF Atabəy Zarei 21 FW Əli Mikaeli 22 GK Səccad Gəraili 23 MF Bəhram Əhmədi 24 MF Söhrab Adib 25 FW Mehran Qurbanpur 26 FW Əli Ceddi 29 MF Məhəmməd Rəhməti 36 MF Saccad Hüseynyan 68 MF Hüseyn Ebrahimi 70 FW Şahab Zahedi 77 MF Həmidrza Əli Əsgəri 99 FW Əziz İbrahimov

Milli turnirlərdəki çıxışlarının statistikası

Mövsüm	Diviziya	Liqa	Yer	O	Q	H	M	VT	BT	X	Kubok	Qeyd	Təbriz Həzfi Kuboku
1971–72	1-ci	Regional Liqa	3	3	1	1	1	3	3	3	keçirilməyib	3-cü yer (A Regionu)
1973–74	1-ci	Cəmşid kuboku	12	22	1	5	16	11	48	8		Aşağı liqaya düşüb
1974–75	2-ci	İkinci diviziya	6	22	8	5	10	30	29	29
1975–76			1	6	5	1	0	10	4	11	1/8 final	Yüksək liqaya yüksəlib
1976–77	1-ci	Cəmşid kuboku	9	30	8	16	6	23	23	32	1/16 final
1977–78			10	30	9	10	11	20	23	28	keçirilməyib
1978–79			11	12	4	4	4	11	15	12		12-ci həftəyə qədər
1980–81	1-ci	Təbriz futbol liqası	2	9	6	2	1	19	10	14			Qalib
1981–82			1	10	8	2	0	19	5	18			Finalçı
1982–83			3	11	4	4	3	17	6	12			Üçüncü mərhələ
1983–84			2	10	6	3	1	12	6	15			Qalib
1984–85			1	11	10	1	0	29	10	21			Qalib
1985–86			1	20	16	1	4	39	30	49			Qalib
1986–87			1	20	17	2	1	30	15	53	Üçüncü mərhələ		Qalib
1987–88			1	20	16	3	1	34	26	51	1/8 final		Qalib
1988–89			1	20	14	1	5	28	28	43	1/16 final		Qalib
1989–90	1-ci	Qots liqa	6	20	7	7	6	19	18	21	1/16 final
1990–91	2-ci	İkinci diviziya	4	14	7	4	3	20	10	18	Üçüncü mərhələ
1991–92			8	24	4	7	13	22	23	19	keçirilməyib
1992–93			7	26	9	11	6	27	20	29	keçirilməyib
1993–94			2	26	12	11	3	40	20	35	1/32 final	Yüksək liqaya yüksəlib
1994–95	1-ci	Azadeqan liqa	3	22	9	7	6	27	26	25	1/16 final
1995–96			8	30	11	8	11	35	38	41	1/8 final
1996–97			13	30	10	5	15	30	52	35	1/16 final	Aşağı liqaya düşüb
1997–98	2-ci	İkinci diviziya	5	18	7	6	5	19	12	27	keçirilməyib
1998–99			7	16	5	4	7	19	17	19	1/32 final
1999–00			9	34	8	12	14	35	55	36	İkinci mərhələ
2000–01			5	34	12	10	12	45	50	46	1/16 final
2001–02		Azadeqan liqa	3	20	9	5	6	28	19	32	1/16 final
2002–03			9	30	9	11	10	40	39	38	İkinci mərhələ
2003–04			7	30	11	8	11	34	32	41	Üçüncü mərhələ
2004–05			9	22	6	8	8	18	21	24	Üçüncü mərhələ	B Qrupu
2005–06			9	22	6	7	9	21	36	25	Birinci mərhələ	B Qrupu
2006–07			8	21	5	10	6	12	15	25	İkinci mərhələ	A Qrupu
2007–08			11	22	3	12	7	15	25	21	İkinci mərhələ	B Qrupu
2008–09			13	26	5	5	16	21	49	20	İkinci mərhələ	Aşağı liqaya düşüb
2009–10	3-cü	İkinci diviziya	4	16	4	8	4	22	19	20	First Round	Əvəzlənib
2010–11	2-ci	Azadeqan liqa	12	26	7	10	9	30	36	31	1/16 Final
2011–12			3	26	11	8	7	32	25	41	1/8 final
2012–13			14	26	3	4	19	18	47	13	Birinci mərhələ	Aşağı liqaya düşüb
2013–14	3-cü	İkinci diviziya	11	24	6	5	13	26	33	23	1/32 final
2014–15			7	18	5	9	4	20	19	24	Üçüncü mərhələ	Əvəzlənib
2015–16	2-ci	Azadeqan liqa	2	38	16	15	7	53	36	63	İştirak etməyib	Yüksək liqaya yüksəlib
2016–17	1-ci	İran Pro-liqası

Stadion

"Maşın Sazi"nin əsas komandasının məşq etdiyi, gənclərdən ibarət komandasının isə ev oyunlarını keçirdiyi Mərzdaran stadionu.

Səhənd stadionun tikintisindən əvvəl, "Maşın Sazi" bütün ev oyunlarını günümüzdə 25.000 tamaşaçı tutumuna malik Təxti stadionunda keçirirdi. Klub hazırda ancaq vacib oyunlarını Səhənd stadionunda keçirir. "Maşın Sazi" məşqlərini 5.000 yerlik Mərzdaran stadionunda keçirir. Bu stadionda həmçinin klubun gənclərdən ibarət komandası ev oyunlarını keçirir.

Klubun rəngləri

Yaşıl

Ağ

İstifadə etdiyi formalar

1969–71

1971–73

1973–74

1974–75

1975–76

1976–77

1977–82

1982–84

1984–88

1988–03

2003–05

2005–

Klubun prezidentləri

• Məhəmməd Ələvi (Yanvar 2002 – Yanvar 2008)
• Cavad Şahlayi (Yanvar 2008 – Yanvar 2009)
• Fərhad Sedaqat (Yanvar 2009 – İyun 2009)
• Afşin Dəbiri (İyun 2009 – Sentyabr 2012)
• Sina Əsle Məhəmmədpur (Sentyabr 2013 – Yanvar 2014)
• Nasir Zamani (Yanvar 2014 – Mart 2014)
• Sina Əsle Məhəmmədpur (Mart 2014 – Sentyabr 2014)
• İsa Əkbərzadə (Sentyabr 2014–2015)
• Mir Məsum Söhrabi (2015–indiyə kimi)

Klubun baş məşqçiləri

Klubun hazırkı baş məşqçisi Fərhad Kazemi.

Ad	Dövr
Məhəmməd Rəncbər	1972–73
Əli Haşemi	1973–77
Qarnik Mehrabian	1978–80
Hüseyn Fekri	1980–83
Əli Şirdel	1983–88
Yaqub Zeynalı	1988–89
Hesam Gülzar	1989–90
Biyok Sabaqi	1990–91
Asif Namazov	1991–92
Rəhim Ağdam	1994–95
Nasser Hecazi	1995–96
Adrian Szabo	1996–97
Həmid Nadimian
Məcid Cahanpur	2001–02
Əsgər Etebari	2002–03
Nasser Hecazi	2003–
Vaqif Sadıqov	2003–
Böyükağa Hacıyev	2003–04
Gholamhossein Karimpour	2004–05
Ahad Sheykhlari	2005–06
Qulamrza Bağabadi	İyul 2006 – 7 İyul
Əli Nikbəxt	İyul 2007 – 8 Fevral
Qulamrza Bağabadi	Fevral 2008 – 8 İyun
Əsgər Etebari	İyul 2008 – 9 Yanvar
Sirus Bayrami	Yanvar 2009 – 9 Aprel
Səyed Cavad Musəvi	Aprel 2009 – 10 Oktyabr
Əhəd Şeyxlari	Oktyabr 2010 – 10 Sentyabr
Əyyub Zülfüqari	Sentyabr 2010 – 10 Dekabr
Zoran Smilevski	Dekabr 2010 – 11 İyun
Rəsul Xatibi	İyun 2011 – 12 İyul
Nasser İbrahimi	Avqust 2012 – 12 Sentyabr
Əlirza Əkbərpur	Sentyabr 2012 – 12 Noyabr
Əsgər Etebari	Noyabr 2012 – 13 Yanvar
Hüseyn Xatibi	Yanvar 2013 – 13 Mart
Vəli Hatəmi	Mart 2013 – 13 Avqust
Əmir Dadaş Ziayi	Avqust 2013 – 13 Sentyabr
Səyed Cavad Musavi	Sentyabr 2013
Səid Parkide	Sentyabr 2013 – 13 Oktyabr
Səyed Rza Sadat	Oktyabr 2013 – Yanvar 2014
Ümid Tayyeri	Yanvar 2014 – 14 Fevral
Əmin Abadi	Fevral 2014 – 14 Mart
Yunis Bahonar	Mart 2014 – 14 Aprel
Əmir Dadaşziaei	Aprel 2014 – 14 Sentyabr
Qulamrza Bağabadi	Sentyabr 2014 – 15 İyun
Nadir Dastneşan	İyun 2015 – 15 Noyabr
Rasul Xatibi	Noyabr 2015–16 Dekabr
Fərhad Kazemi	Dekabr 2016–

Uğurları

• Təbriz futbol liqası
  • Çempion (7): 1980-81, 1981-82, 1983-84, 1985-86, 1986-87, 1987-88, 1988-89
  • Gümüş mükafatçı (1): 1982-83
• Təbriz Hazfi kuboku
  • Qalib (6): 1980-81, 1983-84, 1985-86, 1986-87, 1987-88, 1988-89
  • Finalçı (3): 1981-82, 1982-83, 1984-85
• İkinci diviziya
  • Çempion (1): 1975-76
  • Gümüş mükafatçı (2): 1993-94, 2015-16
• Azadeqan liqa
  • Gümüş mükafatçı (1): 2015-16
  • Bürünc mükafatçı (3): 1994-95, 2001-02, 2011-12

Xarici keçidlər

• Rəsmi sayt Arxivləşdirilib 2017-02-10 at the Wayback Machine  (fars.)  (ing.)
• Soccerway.com saytında klubun profili