Mahmızçiçək sovkası

Vikipediya, azad ensiklopediya
Jump to navigation Jump to search
Mahmızçiçək sovkası
Chariclea delfinli
Elmi təsnifat
Aləmi: Heyvanlar
Tip: Buğumayaqlılar
Sinif: Cücülər
Dəstə: Pulcuqlular
Fəsilə: Sovkalar
Növ: Mahmızçiçək sovkası
Elmi adı
Chariclea delfinli (Linnaeus, 1758)

Mahmızçiçək sovkası (lat. Chariclea delfinli) — pulcuqqanadlılar dəstəsinin sovkalar fəsiləsinə aid kəpənək növü.

Təsviri[redaktə | mənbəni redaktə et]

Qanadları açılmış halda 28-32 mm-dir. Ön qanadları bənövşəyi-qırmızıdır, bazal sahə və xarici sahənin içəri hissəsi qonur pulcuqlarla qarışaraq tutqundur. Saçaqları sarımtıldır. Yumuru naxış böyrəkşəkilli naxışın lap yaxınlığında yerləşərək kiçikdir, ətrafı bir qədər solğun bənövşəyi-qırmızı xətlə haşayələnmişdir. Böyrəkşəkilli naxış iri və tutqundur. Arxa qanadları ağımtıldır, enli qonuru-qırmızı haşiyəlidir. Sçaqları ağdır. Qanadların ortasında haşiyəyə yaxın 2 açıq rəngdə ləkə var.[1]

Yayılması[redaktə | mənbəni redaktə et]

Avropa, Rusiya, Kiçik Asiya, Şimali Afrika, Türkmənistan, Gürcüstanda yayılmışlar. Azərbaycanda isə lokal şəkildə bütün zonalarda ən çox düzən rayonlarda, qismən dağətəyində və dağ səhralığında rast gəlinir.[2]

Həyat tərzi[redaktə | mənbəni redaktə et]

Düzənlik, səhra, dağ-səhra yerlərin kserofit stansiyalarında. Həyat tərzi ətraflı öyrənilməyib. Kəpənəyi aprelin axırlarından avqustun axırlarına qədər uçur. Tırtılı iyul-avqustda mahmızçiçək, əsvəçiçək, kəpənəkçiçək bitkilərinin çiçəyi və meyvələri ilə qidalanır. Ehtimal ki, pupu qışlayır və ildə iki nəsil verir.[3]

İstinadlar[redaktə | mənbəni redaktə et]

  1. Azərbaycan Qırmızı Kitabı. 1989 İl.
  2. Azərbaycan Qırmızı Kitabı, II Cild, Bakı, 2013.
  3. Мержеевская О.И. Совки (Noctuidae) Белорусии Минск: Наука и Техника, 1971, с. 291;

Ədəbiyyat[redaktə | mənbəni redaktə et]

  1. Azərbaycan Qırmızı Kitabı. 1989 İl.
  2. Azərbaycan Qırmızı Kitabı, II Cild, Bakı, 2013.
  3. Ламперт К., Холодковский Н. Атлас Бабочек и гусениц Европы и отчасти Русско-Азиатских владений. С. Петербург, изд. А.Ф.Деврiена, 1913, с. 240 - 241;
  4. Мержеевская О.И. Совки (Noctuidae) Белорусии Минск: Наука и Техника, 1971, с. 291;
  5. Алиев С.В. Совки (Lepidoptera, Noctuidae) Азербайджана. Баку: Элм, 1984, 209 с.