Mahmudkənd

Mahmudkənd
39°34′38″ şm. e. 45°02′15″ ş. u.
Ölkə	Azərbaycan
Tarixi və coğrafiyası
Mərkəzin hündürlüyü	846 m
Saat qurşağı	UTC+04:00
Mahmudkənd

Mahmudkənd — Azərbaycan Respublikası Naxçıvan Muxtar Respublikası Şərur rayonunun inzibati ərazi vahidində kənd. Azərbaycan Respublikası Milli Məclisinin 1 mart 2003-cü il tarixli, 423-IIQ saylı Qərarı ilə Naxçıvan Muxtar Respublikasının Şərur rayonunun Cəlilkənd inzibati ərazi dairəsi tərkibindəki Mahmudkənd kəndi Mahmudkənd adlandırılmışdır.

Dağətəyi ərazidə yerləşir.

Mahmudkənd orta məktəbi

Mahmudkənddə nalbənd ağacı.

Mahmudkənd kənd mərkəzi

Mahmudkənd aran (düzənlik ) zonada yerləşir.Arpaçay kəndi iki hissəyə sağ və sol hissələrə bölür.Deyilənlərə görə, o vaxtlar Türkiyədə yaşayan Mahmud tayfasının bir hissəsi Mahmudkəndə yerləşib , bir hissəsi isə Şahbuz rayonunun Mahmudoba kəndinə gediblər.. Kəndin tarixi onun qəbiristanlığı ilə də ölçülür.. Bu kənddə heç bir tarixi abidə yoxdur, bu da onu göstərir ki bu kənd gəlmə əhalinin məskunlaşması ilə yaranıb... Kənd tarixi yer deyil.. Əhali ən çox Arpaçayın sol sahilində məskunlaşmışdır. Orada tarixən 3 yerdə qəbiristanlıq olubdur. Biz də bilirik ki, insanlar öz yaxınlarının qəbirlərinin uzaqda yox öz yaxın ətraflarında dəfn edirdilər. Kənddə ən qədim yer fərziyyələrə görə Əski kənd, Əsiy kənd, Əsil kənd adı ilə formalaşmış bir məhlə var, oradır. Ama orada heç bir qəbiristanlıq olmadığından belə fərz olunub ki, gələnlər ora düşsələr də orda yaşasalar da, adətən içəri bölgələrə doğru köçüblər. ``Əski kəndin`` adından bilinir ki bu sözlər türk dilindən keçmə sözlərdir. Bu da onu sübut edir ki, bu kənd köçmə əhalinin məskunlaşması ilə formalaşmış bir kənddir. Kənddə əvvəllər dini mədrəsələr olub. Orada uşaqlara dindən dərs keçirilirmiş. Bir dənə məscid olub kənddə . O da 2 mərtəbə olub. Alt hissədə qadınlar, üst hissədə isə kişilər otururlarmış. Sonradan gələnlər- 1918, 1930-cu illərdə Ermənistandan köçüb gələnlərin bir hissəsi isə Arpaçayın sağ sahilində yerləşiblər. Ən çox bu kolxozlaşmadan sonra olubdur. Hələ deyilənlərə görə Arpaçayın sağ tərəfindən sol tərəfinə kecmek uçun körpü olmamışdır. Əbdulhüseyin adlı bir kişi, Arpaçayın sağ tərəfindən sol tərəfinə insanları dalına alaraq kecirirmiş və pul alırmış. Sonradan Arpaçayın üzərində salınan körpü, hər iki tərəfi birləşdirib . Kənddə çoxlu məhlələr var. Burada da hər tayfanın adı ilə məhlələr adlandırılmışdır. Burada Cənubi Azərbaycandan gələn tat tayfaları, başqa ərazilərdən gələn kürdlər və dediyimiz kimi Ermənistandan gələnlər məskunlaşmışdılar . Kənddən çoxlu ziyalılar və alimlər çıxıb. Kənd düzənlik ərazidə yerləşir. Şərq tərəfdən, uzaqdan kiçik təpəliklərlə, əhatə olunub. Kəndin kənarından Naxçıvan-Turkiyə magistral yolu keçir. Kənd Oğlanqala kəndi və Cəlilkənd kəndi ilə qonşudur.. Ən uzunömürlü insan Tat Hüseyin Əliyev olmuşdur. Kənd xırda-xırda məhlələrlə də seçilir.. Kəndimizin məhlələri: Rəhmanlı, Əski kənd , Sayılı, Heraman, orta məhlə, yuxarı məhlə, təzə məhlə, kendin ici, ağ kəntlilər və.s məhlələrə bölünür. Huseyinqulu Ağayev, Fərəc Hüseynov, Heydarqulu Ağayev, İmanov Musa, İmanov Həmzə, Həsənalı Nağıyev, və.s kimi atalarımız böyük Vətən müharibəsində iştirak etmiş və medallarla qayıtmışdır.. 1990-cı il hadisələrində kəndin cavanları, vətəni müdafiə etmək uğrunda mubarizəyə qoşulmuşlar və Rasim Şəfiyev kimi şəhidlərimiz olmuşdur.. Kəndimizdə nadir ağac növü Nalbənd ağacı da bitir. O uzun ömürlü, böyük gövdəli və sıx çətirli bir ağacdır. Digər kəndlərdə nadir tapılan ağac növüdür. Onun yuxarı hissəsi elə sıxdır ki, yağış yağarkən onun altında otursan yağış səni islatmaz.. Kənd əhalisinin əsas məşğuliyyəti əkinçilik və maldarlıqdır. Kəndimizdə çoxlu abadlıq işləri görülüb və davam edir. Kəndimizdə hal-hazırda yeni Tam orta Məktəb, Tibb məntəqəsi Mədəniyyət evi, yeni Mağazalar fəaliyyət göstərir.Kəndin adı “Mahmudun kəndi, Mahmuda məxsus kənd” mənasındadır. Mahmud antroponimi vasitəsilə yaranmış coğrafi adlara Dağıstan ərazisində də rast gəlinir: Mahmudkənd kəndi, Mahmudtataul kanalı və s.

Əhalisi

Əhalisi 4248 nəfərdir (2009-cu il).