Mais Abbasov

Vikipediya, azad ensiklopediya
Naviqasiyaya keçin Axtarışa keçin
Mais Abbasov
Şəxsi məlumatlar
Doğum tarixi
Doğum yeri Lənkəran, Azərbaycan
Vəfat tarixi (25 yaşında)
Vəfat yeri Əlibəyli, Tovuz rayonu, Azərbaycan
Vətəndaşlığı Azərbaycan Azərbaycan
Atası Qurbanəli Abbasov
Təhsili Bakı Dövlət Universiteti (1991-1995)
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 1997—1999
Rütbəsi Baş leytenant
Vəzifəsi taqım komandiri

Mais Qurbanəli oğlu Abbasov (20 aprel 1974; Lənkəran, Azərbaycan — 22 sentyabr 1999; Əlibəyli, Tovuz rayonu, Azərbaycan) — Azərbaycan Silahlı Qüvvələrinin baş leytenantı, Qarabağ müharibəsi şəhidi.[1]

Həyatı[redaktə | mənbəni redaktə et]

Mais Abbasov 20 aprel 1974-cü ildə Lənkəran şəhərində Qurbanəli Abbasovun ailəsində anadan olmuşdur. 1982–1991-ci illərdə Lənkəran şəhər 1 nömrəli tam orta məktəbində orta təhsil almışdır. 1991-ci ildə Bakı Dövlət Universitetinin fizika fakültəsinə qəbul olmuşdur. 1995-ci ildə ali təhsili başa vurmuş və diplomunu almadan hərbi xidmətə yollanmışdır. Subay idi.

Hərbi xidməti[redaktə | mənbəni redaktə et]

Mais Abbasov 1997-ci ildə Səfərbərlik və Hərbi Xidmətə Çağırış üzrə Dövlət Xidmətinin Lənkəran şəhər üzrə şöbəsində qeydiyyatdan keçmiş və Azərbaycan Silahlı Qüvvələrinin sıralarına yazılmışdır. Cəbhə xəttində yerləşən "N" saylı hərbi hissələrdən birində xidmət etmiş və hərbi hissənin tərkibində bir sıra hərbi əməliyyatlarda iştirak etmişdir. Ali təhsil aldığına görə "baş leytenant" rütbəsinə, hərbi əməliyyatlarda fərqləndiyi üçün taqım komandiri vəzifəsinə yüksəlmişdir. Mais Abbasov 22 sentyabr 1999-cu ildə Tovuz rayonunun Əlibəyli kəndi istiqamətində keçirilən hərbi əməliyyatlarda döyüş tapşırığını yerinə yetirərkən şəhid olmuşdur.

İstinadlar[redaktə | mənbəni redaktə et]

  1. AzərTAC. "Lənkəranda şəhid Mais Abbasovun xatirəsi ehtiramla yad edilib". www.azertag.az (az.). 23.04.2015. 2015-11-19 tarixində arxivləşdirilib. İstifadə tarixi: 21.06.2022.