Maks Hedrum pirat yayımı
Maks Hedrum pirat yayımı (ing. Max Headroom broadcast signal intrusion) — Amerika Birləşmiş Ştatlarının Çikaqo şəhərində yerləşən WGN televiziyasının yayım tezliyində baş vermiş müəmmalı pirat yayım. Hadisə XX əsrin sonlarına yaxın ABŞ və Qərbi Avropanın populyar mədəniyyətində geniş müzakirə olunmuşdur.[1]
Hadisə[redaktə | mənbəni redaktə et]
Hadisə 1987-ci ilin 22 oktyabr tarixində, Amerika Birləşmiş Ştatlarının İllinoys ştatının Çikaqo şəhərində yerləşən WGN televiziya kanalının canlı xəbərlər proqramının yayınlanması zamanı baş vermişdir. Saat 21:14-də xəbərlər proqramı qəfil kəsilmiş və ekranda üzündə "Maks Hedrum" maskası olan bir şəxs, 28 saniyə ərzində qəribə hərəkətlər edərək, anlaşılmaz sözlərdən istifadə etmişdir.
Televiziya əməkdaşlarının təcili müdaxiləsindən sonra yayım dayandırılmışdır. Lakin, təxminən 2 saat sonra 23:15 radələrində bu dəfə "WTTW" kanalının yayımı oxşar səbəbdən kəsilmişdir.
Yenə eyni şəkildə, üzündə maska olan şəxs ekranda göründü. Həmin şəxs anlaşılmaz sözlərdən istifadə edərək, qeyri-adi hərəkətlər edirdi. 88 saniyəlik yayım bitdikdən sonra kanalın normal yayımı davam etdi və pirat yayımı bu dəfə kəsmək mümkün olmamışdır.[2]
Aparılan araşdırmalardan sonra ekranda görünən müəmmalı şəxsin hansı dildə danışdığı və hansı mesajı vermək istədiyi hələ də müəyyənləşdirilməmişdir. 1980-ci illərdə, ABŞ-da televiziya kanallarının efirinə bir başa müdaxilə etmək üçün xüsusi avadanlıqlar tələb olunurdu və bu işi bir nəfərin tək başına etməsi mümkünsüz hesab olunurdu.
Yerli polis orqanlarının bütün cəhdlərinə baxmayaraq, efirə qanunsuz şəkildə müdaxiə edən şəxs heç bir zaman tapılmadı və bu gün də, hadisənin kim və ya kimlər tərəfindən törədiliyi müəmmalı olaraq qalmaqdadır.
İstinadlar[redaktə | mənbəni redaktə et]
- ↑ Bellows, Alan. "Remember, Remember the 22nd of November". Damn Interesting (January 9, 2007 tarixində nəşr olunub). November 22, 2016. May 15, 2016 tarixində arxivləşdirilib. İstifadə tarixi: June 26, 2016.
- ↑ Carmody, John. "NBC Lands Gorbachev Interview". The Washington Post. November 24, 1987. səh. D1. 95520. September 9, 2016 tarixində orijinalından arxivləşdirilib. İstifadə tarixi: June 26, 2016 – ProQuest Archiver vasitəsilə. (Subscription required (help)).