Məzmuna keç

Manuel Sarausa Klavyer

Vikipediya, azad ensiklopediya
Manuel Sarausa Klavyer
isp. Manuel Zarauza Clavero
Şəxsi məlumatlar
Doğum tarixi 19 may 1917(1917-05-19)
Vəfat tarixi 12 oktyabr 1942(1942-10-12) (25 yaşında)
Vəfat yeri
Vəfat səbəbi aviasiya qəzası[d]
Dəfn yeri
Vətəndaşlığı
Hərbi fəaliyyəti
Mənsubiyyəti Sovet Sosialist Respublikaları İttifaqı
Xidmət illəri 1934-cü ildən
Rütbəsi polkovnik
Döyüşlər

Manuel Antonio Sarausa Klavyer (isp. Manuel Antonio Zarauza Clavero; 19 may 191712 oktyabr 1942, Bakı) — İspaniya hərbi pilotu, İkinci İspaniya Respublikası tərəfində İspaniyada vətəndaş müharibəsi iştirakçısı. Polikarpov I-16 "Mosca" nın ən yaxşı ispan pilotlarından biri hesab olunur.[2]

Manuel Sarausa Klavyer 19 may 1917-ci ildə Santonyada anadan olmuşdur. O, 1934-cü ildə könüllü olaraq hərbi aviasiyaya getmişdir. Burada iki il təlim keçdikdən sonra İspaniya vətəndaş müharibəsi başlamışdır.[3]

Santyaqo-de-la-Ribera Pilot Məktəbində (Mursiya) kursu bitirdikdən sonra çavuş rütbəsi almış və Polikarpov İ-15 "Çato" təyyarəsinin pilotluğuna başlamışdır. 1937-ci ilin sonunda 3-cü eskadrilyaya təyin edilmişdir. Qısa müddət sonra BilbaoSantander döyüşlərində iştirak etmişdir.[4] Həmin ilin dekabrında 4-cü eskadrilyanın komandiri olmuşdur və Teruel döyüşündə iştirak etmişdir. 1938-ci ilin iyununda İ-16 təyyarələrindən təşkil olunmuş 21-ci qırıcı eskadriliyanın komandiri təyin olundu,[5][6] bununla da o, qırıcı eskadriliyalara rəhbərlik edən üç ispan pilotdan biri oldu. Sarausa bu eskadriliya ilə Ebro döyüşündəKataloniya əməliyyatında fəal iştirak etmişdir.[3] Franko tərəfdarı qüvvələrə əsir düşməmək üçün öz təyyarəsi ilə Fransaya sığınmışdır.[5]

Respublikanın süqutundan sonra Sovet İttifaqına köçmüşdür. O, burada Sovet Hərbi Hava Qüvvələrində polkovnik rütbəsində, digər ispan pilotları ilə birlikdə Xarkovda (Ukrayna) yerləşdirilmişdir.[5] Sovet aviasiyasının bir hissəsi kimi İkinci Dünya müharibəsinin başlaması ilə arxa cəbhəyə təxliyə edilmiş və daha sonra hərbi əməliyyatlarda iştirak etmişdir. 12 oktyabr 1942-ci ildə Bakıda, Keşlə aeroportunda təlim uçuşu zamanı digər təyyarə ilə toqquşma nəticəsində həlak olmuşdur.[3][5][7] O, İspaniya vətəndaş müharibəsi illərində ən azı 23 düşmən təyyarəsini vurmuşdu (ispan mənbələrinə görə – 10) və respublika aviasiyasının ən görkəmli pilotlarından biri idi.[3]

2019-cu ildə doğulduğu Santonyada Manuel Sarausa Klavyerin xatirə lövhəsi açılmışdır. Açılış mərasimində yerli sakinlər, yerli administrasiyanın nümayəndələri, o cümlədən şəhər meri, hərbi tarixçilər, aviatorun törəmələri və rusiyalı diplomatlar iştirak ediblər.[8]

  1. Gəncədə dəfn olunan ispan pilotlar - VİDEOREPORTAJ.
  2. Andrés García Lacalle (1973); Mitos y verdades: la aviación de caza en la Guerra España, pág. 428
  3. 1 2 3 4 Aviadores del Ejército del Aire Arxiv surəti 28 aprel 2009 tarixindən Wayback Machine saytında
  4. R. Cargill Hall (2011); Five Down, No Glory: Frank G. Tinker, Mercenary Ace in the Spanish Civil, pág. 166
  5. 1 2 3 4 "PILOTOS DE CHATO". web.archive.org. 2002-11-21. 21 de noviembre de 2002 tarixində arxivləşdirilib. İstifadə tarixi: 2024-04-07.
  6. Estanislao Abellán Agius (1999); Los cazas soviéticos en la guerra aérea de España, pág. 120
  7. Rafael Permuy Lopez: Spanish Republican Aces, nakl. Osprey Publishing, Oxford 2012, ISBN 978 1 84908 668 4
  8. "Red Army aviator Manuel Zarauza Clavero memorial installed in Spain". russkiymir.ru. 2019-12-04 tarixində arxivləşdirilib. İstifadə tarixi: 2025-01-24.