Maqsud Qurbanov

Vikipediya, açıq ensiklopediya
Jump to navigation Jump to search
Maqsud Qurbanov
Maqsud Rüstəm oğlu Qurbanov
Maqsud Qurbanov.jpg
Doğum tarixi 9 may 1941 (1941-05-09) (78 yaş)
Doğum yeri Naxçıvan Muxtar Respublikası, Şərur rayonu, Qarabağlar kəndi
Vətəndaşlıq Flag of Azerbaijan.svg Azərbaycan
Elm sahəsi Botanika
İş yeri AMEA Mərkəzi Nəbatat Bağı
Elmi dərəcəsi biologiya üzrə elmlər doktoru
Elmi adı AMEA-nın müxbir üzvü
Təhsili Bakı Dövlət Universiteti
cbg.org.az/aze/researchers/Gurbanov_Magsud.html

Maqsud Rüstəm oğlu Qurbanov (d. 09.05.1941) — biologiya üzrə elmlər doktoru, professor, Mərkəzi Nəbatat Bağının Bitkilərin mühafizəsi və monitoringi laboratoriyasının baş elmi işçisi, AMEA-nın müxbir üzvü (2001).[1]

Həyatı[redaktə | əsas redaktə]

Maqsud Qurbanov 9 may 1941-cu ildə Naxçıvan Muxtar Respublikasının Şərur rayonunun Qarabağlar kəndində anadan olmuşdur.

Ailəsi[redaktə | əsas redaktə]

Ailəlidir: 1 qızı və 1 oğlu var.

Elmi fəaliyyəti[redaktə | əsas redaktə]

Qurbanov M.R. 1970-ci ildə Bakı Dövlət Universitetini bitirmişdir. Botanika İnstitutunda 1966-1968-ci illərdə laborant, 1971-1977-ci illərdə kiçik elmi işçi, 1977-1988-ci illərdə böyük elmi işçi, 1988-2000-ci illərdə aparıcı elmi işçi, 2000-2002-ci illərdə AMEA Mərkəzi Nəbatat Bağında aparıcı elmi işçi, 2002-ci ildən hazırki vaxta kimi baş elmi işçi vəzifəsində çalışır. 1975-ci ildə biologiya elmləri namizədi, 1986-ci ildə isə biologiya elmləri doktoru alimlik dərəcəsi almışdır. 1985-ci ildə baş elmi işçi, 2010-cu ildə isə professor adına layiq görülmüşdür. 2001-ci ildə AMEA-nın müxbir üzvü seçilmişdir. Bitkilərin introduksiyası, iqlimləşdirilməsi, ekologiyası və toxumşünaslıq problemlərinə həsr edilmiş nəzəri və tətbiqi əhəmiyyətli elmi-tədqiqat işləri aparır. Onun tərəfindən bitkilərin introduksiyası uğurluğunun qiymətləndirilməsi metodu, bioloji aktiv maddələrdən istifadə etməklə toxumların keyfiyyətinin yüksəldilməsi metodu, toxumların rentgenoloji analiz metodu və toxumların keyfiyyətinin qiymətləmdirilməsi üçün obyektiv bölgü işlənib hazırlanmışdır. Ilk dəfə olaraq “Oduncaqlı bitki toxumlarının rentgenoloji analiz metodu” dövlət standartı şəklində işlənib hazırlanmış və keçmiş SSRİ məkanında istehsalata tətbiq edilməkdədir. Əldə etdiyi elmi dəlillər əsasında yazılmış 140-dan çox elmi əsərin, o cümlədən 2 monoqrafiyanın və 2 metodik vəsaitin müəllifidir. MDB üzrə toxumşunaslıq və toxumçuluq komissiyasının üzvü, Cənubi Qafqazda isə eyni adlı komissiyasının sədri olmaqla region üzrə həmin sahədə aparılan elmi tətqiqatları əlaqələndirir. Elmi Şuranın üzvüdür, kadr hazırlığında xidməti var. Biologiya və kənd təsərrüfatı elmləri üzrə 6 fəlsəfə doktoru və bir elmlər doktoru hazırlamışdır. Amerika Bioqrafiya İnstitutunun fəxri müşaviri və Türkiyə Cümhuriyəti Giresun şəhərinin fəxri vətəndaşıdır.

Elmi nailiyyətləri[redaktə | əsas redaktə]

Bitki introduksiyasının uğurluğunun qiymətləndirilməsi, bioloji aktiv maddələrlə toxum keyfiyyətinin yüksəldilməsi, toxumların rentgenoloji təhlili kimi metodlar, toxum keyfiyyətini qiymətləndirmək üçün obyektiv bölgü, bitkilərin böyümə, meyvə və toxumvermə proseslərinin riyazi modelləşdirmə vasitəsilə proqnozlaşdırılması kimi üsullar işləyib hazırlamışdır. Poliploid bitki toxumlarının həyatiliyini yüksəltmək üçün müxtəlif ploidli fərdlərin hibridləşdirilməsi metodunu təklif etmiş, toxumların rentgenoloji analizi üçün universal təsnifat işləyib hazırlamışdır. Toksiki sənaye tullantılarına qarşı verilən cavab reaksiyalarına görə bitkilərin ekoloji qruplarını təsnif etmiş, meyvə və toxumların, həmçinin fərdlərin tam biomorfoloji əlamətlərinə görə bitkilərin qeyri-ənənəvi üsullarla təyin edilməsi üçün rəqəmsal və hərfli-rəqəmsal politomik təyinat açarlarını tərtib və tətbiq etmişdir.

Elmi əsərləri[redaktə | əsas redaktə]

1. Рентгенография семян с увеличенным изображением. / Бюл. ГБС АН СССР, вып.133. Москва: Наука, 1984, с.97-101

2. Семена древесных пород. Методы рентгенографического анализа (Отраслевой стандарт ОСТ 56-94-88) – Москва: Госкомлес СССР, -1988, 22 с. (в соавторстве).

3. İn situ və ex situ şəraitindəki ağac və kol bitkiləri toxumlarının müqayisəli rentgenoqrafik təhlili. AMEA-nın Xəbərləri, Biologiya elmləri seriyası, № 5-6, 2006, s.82-96.

4. Meyvə və toxumlarına görə bitki növlərinin qeyri-ənənəvi təyinat üsulları. –Bakı: Elm, 2011. 60 s.

5. Şamların taksonomiyası, biomorfoloji və rentgenoloji xüsusiyyətləri. – Bakı: Elm, 2013-72 s. (həmmüəlliflə)

İstinadlar[redaktə | əsas redaktə]

  1. "Qurbanov Maqsud Rüstəm oğlu" (azərb.). science.gov.az (2017).

Xarici keçidlər[redaktə | əsas redaktə]