Mario del Monako

Vikipediya, açıq ensiklopediya
Jump to navigation Jump to search
Picto infobox music.png
Mario del Monako
Mario del Monaco
it. Mario Del Monaco
Fotoqrafiya
Sənətçi məlumatları
Doğum tarixi
27 iyul 1915(1915-07-27)
Doğum yeri Florensiya, İtaliya
Vəfat tarixi 16 oktyabr 1982 (67 yaşında)
Vəfat yeri Mestre, İtaliya
Vəfat səbəbi Ürək tutması
Dəfn yeri Pesaro
Vətəndaşlığı Flag of Italy.svg İtaliya
Peşəsi opera müğənnisi

Üslubopera
Səs tembritenor
Fəaliyyət illəri1939-1975
IMDbID 0215648
mariodelmonaco.it
VikiAnbarda Commons-logo.svg əlaqəli mediafayllar

Mario del Monako (it. Mario del Monaco; 27 iyul 191516 oktyabr 1982) — italyan opera müğənnisi — tenor. Bir çox musiqişünaslar tərəfindən XX əsrin sonuncu və ən mahir dramatik tenorlarından (it. di forza) biri hesab edilir. Cüzeppe di Stefano ilə yanaşı 1950-60-cı illərin ən məşhur italyan tenoru olmuşdur.

Həyatı[redaktə | əsas redaktə]

Oxumağa Pezara konservatoriyasında Arturo Melokkinin yanında başlamışdır. Müxtəlif məlumatlara görə 1939-1941-ci illər arasında səhnəyə çıxmağa başlamışdır. 1943-cü ildən Milanda "La Skala" teatrında çıxış etməyə başlamış, 1946-cı ildən Londonun "Kovent Qarden" teatrında, 1957-1959-cu illərdə isə Nyu-Yorkdakı məşhur "Metropoliten-opera"da çıxış etmişdir. 1959-cu ildə SSRİ-yə qastrola gəlmiş və Böyük Teatrda Jorj Bizenin "Karmen" operasında Xose və Rucero Leonkovallonun "Məzhəkəçilər" ("Paliaççi") operasında Kanio partiyalarını ifa etmişdir. Ona ən böyük uğur qazandıran opera partiyası kimi Cüzeppe Verdinin "Otello" operasındakı Otello obrazını qeyd etmək olar. Del Monako bu partiyanı dünyanın müxtəlif ölkələrində 400 dəfədən artıq ifa etmişdir.

1975-ci ildə 20 gün ərzində NeapolPalermoda 11 konsert verərək karyerasını başa vurmuşdur.

1964-cü ildə avtomobil qəzası keçirmiş və həmin qəzada həyat yoldaşı vəfat etmişdir. Ömrünün son illərini böyrək çatışmazlığından əziyyət çəkən Mario del Monako həmin dövrdə Trevizo yaxınlığında yerləşən Lanseniqodakı villasında yaşamış və 1982-ci il oktyabrın 16-da Mestre şəhərində bu xəstəlikdən vəfat etmişdir.

Mükafatlar[redaktə | əsas redaktə]

  • 1955 — Opera sənətindəki böyük xidmətlərinə görə "Qızıl arena" mükafatı
  • 1957 — "Qızıl Orfey" mükafatı
  • 1959 — "Qızıl yollar" mükafatı
  • 1959 — SSRİ-dəki qastrollarına görə Lenin ordeni

Xarici keçidlər[redaktə | əsas redaktə]

Vikianbarda Mario del Monako ilə əlaqəli mediafayllar var.