Mariya Stadnik

Vikipediya, açıq ensiklopediya
Keçid et: naviqasiya, axtar
W21-1a.svg Bu səhifədə iş davam etməkdədir.

Müdaxilə etməyə tələsməyin!

  • Əgər məqalə yarımçıq qalıbsa, məqaləni yaradan istifadəçi ilə əlaqə qura bilərsiniz.
  • Səhifənin tarixçəsində məqalə üzərində işləmiş istifadəçilərin adlarını görə bilərsiniz.
  • Redaktələrinizi mənbə və istinadlarla əsaslandırmağı unutmayın.
Bu şablon 7 gündən çox redaktə edilməyən məqalələrdən silinə bilər.

Bu məqalə sonuncu dəfə Calal99 tərəfindən redaktə olundu. 0 saniyə əvvəl. (Yenilə)
Olympic rings without rims.svg Olympic pictogram Wrestling.png Mariya Stadnik Olympic pictogram Wrestling.png
Stadnyk v Chun Tournoi GPSO 2014 t120518.jpg
Mariya Stadnik (qırmızı geyimdə)
Şəxsi məlumatlar
Tam adı Mariya Vasili qızı Stadnik
Doğum tarixi 3 iyun 1988 (1988-06-03) (28 yaş)
Doğum yeri Lvov, Ukrayna
Boyu 155 sm.
Çəкisi 48 kq.
Vətəndaşlıq Flag of Azerbaijan.svg Azərbaycan
Ölкə Flag of Azerbaijan.svg Azərbaycan
İdman növü Olympic pictogram Wrestling.png Güləş
26 avqust 2016 tarixində yenilənmişdir.

Mariya Stadnik (azərb.: Mariya Vasili qızı Stadnik; d. 3 iyun 1988, Lvov, Ukrayna) — Ukrayna əsilli Azərbaycanlı sərbəst güləşçi. 2007-ci ildən Azərbaycan yığmasında çıxış edir. Mariya Stadnik 2008 Pekin Olimpiadasında bürünc, 2012 London2016 Rio-de-Janeyro Olimpiadasında gümüş medal qazanıb. Mariya Stadnik Dünya Çempionatlarında, 2009-cu ildə qızıl, 20112015-ci illərdə gümüş, 2014-cü ildə isə bürünc medal qazanıb. Mariya Stadnik həmdə dəfələrlə Avropa Çempionatının qızıl medallarını qazanıb, (2006, 2008, 2009, 2011, 2014, 20152016). Mariya Stadnik həmçinin 2015-ci ildə baş tutan I Avropa Oyunlarının çempionu olub.

Mariya Stadnik 2008-ci ildə "Tərəqqi" medalı, 2012-ci ildə "Azərbaycan Respublikası Prezidentinin" Fəxri diplomu, 2015-ci ildə isə "Şöhrət" ordeni ilə təltif edilib. O, həmdə Gənclər və İdman Nazirliyinin versiyasına görə 2008, 2009, 2011, 20122015-ci illərdə "İlin ən yaxşıları" mükafatına layiq görülüb.

Həyatı[redaktə | əsas redaktə]

Mariya Stadnik 1988-ci ilin 3 iyun tarixində Ukraynanın qərbində, Lvov şəhərində dünyaya gəlib. Mariya Stadnik güləşlə 2000-ci ildə, Lvov şəhərində məşğul olmağa başladı. Həmin il Lvovda idman zalına gələn 12 yaşlı Mariya Stadnik, burada gələcək həyat yoldaşı Andrey Stadnik ilə tanış oldu.[1] 7 il sonra, 2007-ci ilin 25 dekabr tarixində isə Mariya Stadnik ilə Andrey Stadnik ailə həyatı qurdu. 2010-cu ildə Mariya Stadnikin İqor adında oğlan, 2013-cü ildə isə Mia adında qız övladı dünyaya gəldi.

Erkən karyerası[redaktə | əsas redaktə]

Mariya Stadnik beynəlxalq səviyyədə birinci yarışına 2003-cü ildə, İspaniyanın Sevilya şəhərində baş tutan gənclər arasında Avropa Çempionatında qatıldı. Ukrayna yığmasının heyətində Mariya Stadnik qızıl medal qazandı və gənclər arasında Avropa çempionu oldu.[2] Mariya Stadnik növbəti uğurunu bir il sonra elə analoji yarışda qazandı. Bu səfər o, Bolqarıstanın Albena şəhərində baş tutan yarışlarda, finalda İsveç güləşçisi Sofiya Mattssona məğlub olaraq gümüş medal qazandı.[3] Növbəti, 2005-ci ildə Mariya Stadnik daha ciddi uğur qazandı. O, Litvanın paytaxtı Vilnüs şəhərində keçirilən yeniyetmələr arasında Dünya Çempionatında finala gədər Hindistanlı Sudeş Kumarı 11:3, Almaniyalı Annika Hofmannı 5:0 və Türkiyəli Demet Kayanı 4:2 hesablı təmiz qələbələrlə məğlub etdi. Finalda isə Mariya Stadnik Vyetnam güləşçisi Ti Hang Nguyen ilə qarşılaşdı və onu 2 dəqiqə 49 saniyə ərzində 8:0 hesabı ilə məğlub edərək yeniyetmələr arasında Dünya çempionu oldu.[4]

2006 Avropa Çempionatı[redaktə | əsas redaktə]

2006-cı ildə isə 18 yaşlı Mariya Stadnik böyüklər arasında birinci ciddi yarışına qatıldı. O, aprel ayında Rusiyanın paytaxtı Moskva şəhərində baş tutan Avropa Çempionatında mübarizə apardı. Mariya Stadnik finala gədər Yunanıstanlı Fani Psata üzərində 4:0, Finlandiyalı Ajar Aştiani üzərində 6:1 və Rumıniyalı Kristina Kroitoru üzərində 6:1 hesablı qəbələ qazandı. Finalda isə o, Rusiya nümayəndəsi Liliya Kaskarakova ilə üz-üzə gəldi. Gərgi idman mübarizəsi şəraətində keçən görüşdən Mariya Stadnik qələbə ilə ayrıldı və 2006-cı ilin Avropa çempionu oldu. Lakin, bu çempionluğ 1 ay davam etdi. Həmin ilin iyun ayında Beynəlxalq Güləş Federasiyası (FILA) Mariya Stadnikdən götürülən qan analizində qadağan olunan dərman preparatı, furosemidin olduğunu elan etdi və onu çempionluğdan məhrum etdi.[5] Mariya Stadnik isə qızıl medalı Beynəlxalq Güləş Federasiyasına təhvil verdi.

Ukrayna yığmasında gedişi[redaktə | əsas redaktə]

2007-ci ildə Mariya Stadnik Ukrayna yığması tərk etdi. Buna əsas səbəb, həmin il Afina Olimpiadasının çempionu İrina Merleninin iki il fasilədən sonra yenidən Ukrayna yığmasına qayıtması oldu. Qarşısına Pekin Olimpiadasına qatılmağı məqsəd qoyan Mariya Stadnikə İrina Merleni ciddi əngəl törətdi. Məhz Ukrayna yığmasının məşqçiləri Mariya Stadnikə təcrübəsiz olduğunu əsas səbəb gətirərək, Olimpiya çempionu İrina Merleniyə Pekin Olimpiadası etimad göstərəcəklərini bildirdi. Bununla barışmayan Mariya Stadnik Pekin Olimpiadasına qatılmağ üçün başqa yığmanın şərəfini qorumağı qərara aldı. Həmin ildə isə Bakı şəhərində baş tutacaq Dünya Çempionatı üçün Azərbaycan qadın güləşi üzrə yığma formalaşdırmağ məqsədi ilə digər yığmalardan legioner idmaçılar milliləşdirilməyə başladı. Elə Mariya Stadnikdə Azərbaycandan gələn təklifi dərhal qəbul etdi və Azərbaycan bayrağı altında yarışlara qatılmağa başladı.

Karyerası[redaktə | əsas redaktə]

2007—2009-cu illər[redaktə | əsas redaktə]

2007 Dünya Çempionatı[redaktə | əsas redaktə]

Mariya Stadnik Azərbaycan bayrağı altında birinci yarışına 2007-ci ildə, məhz elə Bakı şəhərində, Dünya Çempionatında qatıldı.[6][7] Özünün birinci Dünya Çempionatında, debüt görüşünə Mariya Stadnik 1/32 final mərhələsində Rumıniya güləşçisi Kristina Kroitoru qarşı çıxdı. Rəqibi ilə müqayisədə daha yaxşı güləşən Mariya Stadnik 2:0 hesabı ilə qələbə qazandı (6:0, 4:0). Növbəti mərhələdə Mariya Stadnik Cənubi Koreya güləşçisi Kim Hyung-Joo ilə üz-üzə gəldi. Həmin görüşdə də asan qələbə qazanan (2:0, 7:0) Mariya Stadnik növbəti mərhələyə adladı. Bu mərhələdə o, Almaniya güləşçisi Brigitte Vagnerlə qarşılaşdı. Gərgin keçən görüşdə Mariya Stadnik qələbə qazandı. (1:0, 3:2). 1/4 finalda Mariya Stadnik Yaponiya idmançısı Çiharu İço ilə qarşılaşdı. Görüşün birinci hissəsi 1:0 hesabı ilə Mariya Stadnikin xeyrinə qurtardı. Növbəti iki hissə isə 1:1 hesabları başa çatsada, Çiharu İço son xalları qazandığı üçün qələbə qazandı. Lakin bu məğlubiyyətə baxmayaraq Mariya Stadnik medal qazanmaq şanslarını itirmədi. Çiharu İço finala gədər yüksəldiyindən Mariya Stadnik təsəlliverici qrupda mübarizə apardı. Ancaq o, bu mərhələnin 1-ci görüşündəcə Amerika Birləşmiş Ştatlarının nümayəndəsi Stefanie Murataya məğlub olaraq (1:2, 1:1) Dünya çempionatını 7-ci yerdə başa vurdu.[8] Mariya Stadnik medal qazana bilməsədə 2008 Pekin Olimpiadasına lisenziya qazandı.[9]

2008 Avropa Çempionatı[redaktə | əsas redaktə]

2008 Pekin Olimpiadasına lisenziyanı təmin edən Mariya Stadnik həmin il Finlandiyanın Tampere şəhərində keçirilən Avropa Çempionatına qatıldı.[10] 2 il əvvəl Moskva şəhərində qızıl medal qazansada, qanında tapılan dərman preparatına görə o, həmin çempionluğdan məhrum edildi. Bu səfər isə Mariya Stadnik qitənin ən güclü güləşçisi olduğunu sübut etdi. O, finala gedən yolda Rumıniyalı Kristina Kroitorunu 2:0, Ukraynalı Aleksandra Koqutu 6:5 və Yunanıstanlı Fani Psatanı 4:1 hesabları ilə məğlub etdi.[11][12] Finalda isə Mariya Stadnik 2 il əvvəl, 51 kq. çəki dərəcəsində Avropa çempionu olan Fransa güləşçisi Vanessa Boubryemm ilə qarşılaşdı. Görüş ərzində rəqibindən tam üstün olan Mariya Stadnik 8:2 hesablı qələbə qazanaraq 2008-ci ilin Avropa çempionu oldu. Mariya Stadnik həmdə Avropa çempionatında medal qazanan birinci Azərbaycanlı qadın güləşçi oldu.

Mariya Stadnik həmin ilin iyun ayında digər mühüm yarışına qatıldı.[13] O, Azərbaycanın məhrum Prezidenti Heydər Əliyevin xatirəsinə həsr edilən I Qızıl Qran-Pri turnirində mübarizə apardı.[14] 27 iyun tarixində mübarizəyə qoşulan Mariya Stadnik, dörd güləşçi sırasında birinci yeri tutaraq qızıl medal qazandı. Gümüş medalı Rusiya güləşçisi Valentina Kvasova, bürünc medalı isə Böyük Britaniya nümayəndəsi Yana Stadnik qazandı.

Mariya Stadnik həmin ilin iyul ayında növbəti dəfə Avropanın ən güclü güləşçisi oldu. O, Slovakiyanın Kosiçe şəhərində yeniyetmələr arasında Avropa Çempionatının qızıl medalını qazandı.[15] 20 yaşlı Mariya Stadnik bu uğura finalda Ukrayna nümayəndəsi Maryana Bezrukanı məğlub edərək nail oldu.

2008 Pekin Olimpiadası[redaktə | əsas redaktə]

Mariya Stadnik 2008-ci ildə əsas yarışına Pekin şəhərində keçirilən XXIX Yay Olimpiya Oyunlarında qatıldı. Mariya Stadnik mübarizəyə 1/8 final mərhələsində başladı. O, bu mərhələdə Kanada güləşçisi Karol Huyn ilə üz-üzə gəldi. Görüşün birinci hissəsi bərabər idman mübarizəsi şəraətində keçsədə, sonda Karol Huyn 4:3 hesabı ilə qələbə qazandı. İkinci hissədə isə Karol Huyn 2:0 hesablı qələbə qazanaraq görüşü qalib tərk etdi. Mariya Stadnik isə qızıl medal üçün mübarizəni dayandırsada, bürünc medal üçün mübarizəni davam etdi. O, təsəlliverici qrupun birinci görüşündə Cənubi Koreya güləşçisi Kim Hyung-Joo ilə qarşılaşdı. Mariya Stadnik buna gədər həmin güləşçisi ötən, 2007-ci ildə Dünya Çempionatında məğlub etdi. Bu səfərdə görüşdən məhz Mariya Stadnik qələbə ilə ayrıldı. O, görüşün birinci hissəsində Kim Hyung-Joonu 1:0 hesabı ilə, ikinci hissədə isə 3:2 hesabı ilə məğlub edərək bürünc medal uğrunda görüşə vəsiqə qazandı. Həlledici görüşdə Mariya Stadnik Qazaxıstan nümayəndəsi Tatyana Amanjol ilə qarşılaşdı. Görüşün birinci hissəsi gərgin idman mübarizəsində keçdi və yekunda Mariya Stadnik minimal xal fərqi qələbə qazandı, 2:1. Görüşün ikinci hissəsində isə Mariya Stadnik bürünc medalın taleyini 37 saniyəyə həll etdi. Mariya Stadnik Tatyana Amanjolu 8:0 hesabı ilə məğlub edərək XXIX Yay Olimpiya Oyunlarının bürünc medalını qazandı. O, həmdə Azərbaycana Olimpiya Oyunlarında medal qazandıran birinci qadın güləşçi kimi tarixə düşdü. Pekin Olimpiadasının digər bürünc medalını isə Mariya Stadnikin Ukrayna yığmasını tərk etməsinə səbəb olan, İrina Merleni qazandı.

Pekin Olimpiadasından sonra Mariya Stadnik Azərbaycan Respublikası Prezidenti İlham Əliyevin sərəncamı ilə XXIX Yay Olimpiya Oyunlarında göstərdiyi yüksək nailiyyətə, eyni zamanda, Azərbaycan idmanının inkişafındakı xidmətlərində görə "Tərəqqi" medalı ilə təltif edildi.

2009 Avropa Çempionatı[redaktə | əsas redaktə]

Pekin Olimpiadasının bürünc medalını qazandığdan sonra Mariya Stadnik birinci yarışına 2009-cu ildə Avropa Çempionatı çərçivəsində Litvanın paytaxtı Vilnüs şəhərində qatıldı. Birinci mərhələdə o, Rusiya güləşçisi Liliya Kaskarakovanı məğlub etdi. Daha sonra Ukraynalı Mariya Livaçı məğlub edən Mariya Stadnik yarım-finala adladı. Finala gedən yolda Mariya Stadnik Polşa nümayəndəsi İvona Matkovska ilə üz-üzə gəldi. Görüşdən qələbə ilə ayrılan Mariya Stadnik ardıcıl ikinci dəfə Avropa Çempionatında finala adladı. Finalda o, Rumıniya güləşçisi Estera Dobre ilə qarşılaşdı. Görüşdə, ikinci hissənin 25-ci saniyəsində rəqibini təmiz qələbə ilə məğlub edən Mariya Stadnik 2009-cu ilin Avropa çempionu olmağla, karyerasında ikinci dəfə Avropanın ən güclü güləşçisi oldu.

İkinci dəfə Avropa çempionu olan Mariya Stadnik həmin ilin iyul ayında digər yarışa qatıldı. O, Bakı şəhərində baş tutan II Qızıl Qran-Pri turnirində qüvvəsini sınadı. Ötən, 2008-ci ildə analoji yarışın çempionu olan Mariya Stadnik bu səfər bürünc medalla kifayətləndi.

2009 Dünya Çempionatı[redaktə | əsas redaktə]

2009-cu ildə Mariya Stadnik sonuncu və ən mühüm yarışına sentyabr ayında qatıldı. O, Danimarkanın Herninq şəhərində baş tutan Dünya Çempionatı qüvvəsini sanadı. 2 il əvvəl özünün debüt Dünya Çempionatında 7-ci yeri tutan Mariya Stadnik bu səfər çempionuluğa əsas namizəd idi. O, mübarizəyə 1/16 final mərhələsində Belarus güləşçisi Tatyana Qurnoviç ilə qarşılaşmadan başladı. Görüşün heç birinci hissəsi tamam olmamış, (01:21) Mariya Stadnik rəqibinin kürəklərini yerə sıxaraq təmiz qələbə qazandı. 1/8 final mərhələsində Mariya Stadnik İspaniya nümayəndəsi Sara Sançez ilə üz-üzə gəldi. Bu səfər Mariya Stadnik rəqibinin kürəklərini 18 saniyənin tamamında yerə sıxaraq ardıcıl ikinci təmiz qələbəsini qazandı və 1/4 finala adladı. Bu mərhələdə o, Ukrayna güləşçisi Lyudmila Baluşka ilə qarşılaşdı. Gərgin keçən görüşdə Mariya Stadnik 8:5 hesablı əzmkar qələbə qazandı və yarım-finala adladı. Finala gedən yolda Mariya Stadnik tanış güləşçi, həyat yoldaşı Andrey Stadnikin bacısı Yana Stadnik ilə qarşılaşdı. Həmin görüşdə Mariya Stadnik birinci hissəni 2:0, ikinci hissəni isə 6:0 hesablı qələbə ilə bitirdi və karyerasında birinci dəfə Dünya Çempionatının finalına adladı. Finalda o, Rusiya nümayəndəsi, iki dəfə Avropa çempionu olan Larisa Oorjak ilə üz-üzə gəldi. Mariya Stadnik həmin rəqibi üç il əvvəl, 2006-cı ildə Avropa Çempionatının final görüşündə məğlub edib. Bu səfər də qələbə qazanan məhz Mariya Stadnik oldu. Birinci hissədə 3:0 və ikinci hissədə 2:0 hesablı qələbə qazanan 21 yaşlı Mariya Stadnik karyerasında birinci dəfə Dünya çempionu oldu. O, həmçinin Dünya Çempionatının qızıl medalını qazana birinci Azərbaycanlı qadın güləşçi kimi adını tarixə yazdırdı.

Həmin Dünya Çempionatından sonra Mariya Stadnik övlad sahibi olmağ üçün müvəqqəti olaraq idmanı tərk etdi. Mariya Stadnik 2010-cu ilin 23 iyul tarixində ana oldu. Onun İqor adında oğlu dünyaya gəldi.

2011—2012-ci illər (idmana qayıdışı)[redaktə | əsas redaktə]

Mariya Stadnik 2010-cu ilin sonlarında yenidən idmana qayıtdı və məşqlərini bərpa etdi. O, birinci yarışına 2011-ci ilin fevral ayında Türkiyənin İstanbul şəhərində qatıldı. Mariya Stadnik 39-cu beynəlxalq "Yaşar Doğu" turnirində bütün rəqiblərini arxada qoydu və fəxri kürsünün ən yüksək pilləsinə qalxdı.

2011 Avropa Çempionatı[redaktə | əsas redaktə]

Mariya Stadnik analıq məzuniyyətindən sonra birinci ciddi yarışına 2011-ci ilin mart ayında qatıldı. O, Almaniyanın Dortmund şəhərində karyerasında dördüncü dəfə Avropa Çempionatında qüvvəsini sınadı. Mariya Stadnik mübarizəyə 1/8 finalda İspaniya güləşçisi Sara Sançezin məğlub edərək başladı. Növbəti görüşdə Mariya Stadnik iki il əvvəl Dünya Çempionatında olduğu kimi yenə, Yana Stadnik ilə qarşılaşdı. Bu səfər də Mariya Stadnik qələbə qazandı, 7:0. Finalda gedən yolda isə o, Polşa güləşçisi İvona Matkovska ilə üz-üzə gəldi. Gərgin keçən görüşdə 7:3 hesablı əzmkar qələbə qazanan Mariya Stadnik karyerasında dördüncü dəfə Avropa Çempionatının finalına adladı. Finalda o, Ukrayna nümayəndəsi Kristina Daranutsa ilə qarşılaşdı. Görüş ərzində rəqibindən tam üstün olan Mariya Stadnik, sona 11 saniyə qalmış Kristina Daranutsanı 8:0 hesablı təmiz qələbə ilə məğlub etdi və növbəti dəfə Avropanın ən güclü güləşçisi oldu.

Mariya Stadnik növbəti uğurunu iyun ayında Avstriyada qazandı. Goetzis şəhərində keçirilən "Austrian Ladies Open" turnirinin finalında Mariya Stadnik Polşa güləşçisi Yulita Omilusiki məğlub edərək növbəti qızıl medalını qazandı.

Mariya Stadnik həmin il növbəti zəfərini iyul ayında Bakı şəhərində qazandı. O, IV Qızıl Qran-Pri turnirində qüvvəsini sınadı. Buna gədər 2008-ci ildə həmin yarışına qalibi olan Mariya Stadnik bu səfər də fəxri kürsünün ən yüksək pilləsinə qalxdı. Finala gədər Mariya Stadnik Böyük Britaniya nümayəndəsi Yana Stadnik və Qırğızıstan güləşçisi Mixrniso Nurmatovanı məğlub etdi. Final görüşündə isə o, Ukrayna təmsilçisi Aleksandra Koqut ilə qarşılaşdı. Üç hissə davam edən gərgin görüşün yekununda Mariya Stadnik qələbə qazandı və IV Qızıl Qran-Pri turnirinin qızıl medallarını qazandı.

2011 Dünya Çempionatı[redaktə | əsas redaktə]

Mariya

2012 London Olimpiadası[redaktə | əsas redaktə]

Mariya

2014—2016-cı illər (idmana ikinci qayıdışı)[redaktə | əsas redaktə]

2014 Avropa Çempionatı[redaktə | əsas redaktə]

2014 Dünya Çempionatı[redaktə | əsas redaktə]

2015 Avropa Oyunları[redaktə | əsas redaktə]

2015 Dünya Çempionatı[redaktə | əsas redaktə]

2016 Rio-de-Janeyro Olimpiadası[redaktə | əsas redaktə]

Uğurları[redaktə | əsas redaktə]

Sıra İl Yarış Şəhər Nəticə
1
2003 Gənclərin Avropa Çempionatı Flag of Spain.svg Sevilya
1.
2
2004 Gənclərin Avropa Çempionatı Flag of Bulgaria.svg Albena
2.
3
2005 Yeniyetmələrin Dünya Çempionatı Flag of Lithuania.svg Vilnüs
1.
4
2006 Avropa Çempionatı Flag of Russia.svg Moskva
1.
5
2007 Dünya Çempionatı Flag of Azerbaijan.svg Bakı
7.
6
2008 Avropa Çempionatı Flag of Finland.svg Tampere
1.
7
"Qızıl Qran-Pri" turniri Flag of Azerbaijan.svg Bakı
1.
8
Yeniyetmələrin Avropa Çempionatı Flag of Slovakia.png Kosiçe
1.
9
Olimpiya Oyunları Flag of the People's Republic of China.svg Pekin
3.
10
2009 Avropa Çempionatı Flag of Lithuania.svg Vilnüs
1.
11
"Qızıl Qran-Pri" turniri Flag of Azerbaijan.svg Bakı
3.
12
Dünya Çempionatı Flag of Denmark.svg Herninq
1.
13
2011 "Yaşar Doğu" turniri Flag of Turkey.svg İstanbul
1.
14
Avropa Çempionatı Flag of Germany.svg Dortmund
1.
15
"Austrian Ladies Open" turniri Flag of Austria.svg Goetsiz
1.
16
"Qızıl Qran-Pri" turniri Flag of Azerbaijan.svg Bakı
1.
17
Dünya Çempionatı Flag of Turkey.svg İstanbul
2.
18
"FILA"nın test turniri Flag of the United Kingdom.svg London
1.
Sıra İl Yarış Şəhər Nəticə
19
2012 "Kiyev" turniri Flag of Ukraine.svg Kiyev
1.
20
"Almaniya Qran-Prisi" turniri Flag of Germany.svg Dormagen
1.
21
Olimpiya Oyunları Flag of the United Kingdom.svg London
2.
22
2014 "Paris Qran-Prisi" turniri Flag of France.svg Paris
1.
23
"Klippan Lady Open" turniri Flag of Sweden.svg Klippan
1.
24
Avropa Çempionatı Flag of Finland.svg Vantaa
1.
25
"Almaniya Qran-Prisi" turniri Flag of Germany.svg Dormagen
1.
26
"Qızıl Qran-Pri" turniri Flag of Azerbaijan.svg Bakı
1.
27
Dünya Çempionatı Flag of Uzbekistan.svg Daşkənd
3.
28
2015 "Klippan Lady Open" turniri Flag of Sweden.svg Klippan
1.
29
Avropa Oyunları Flag of Azerbaijan.svg Bakı
1.
30
Dünya Çempionatı Flag of the United States.svg Las-Veqas
2.
31
"Poland Open" turniri Flag of Poland.svg Varşava
1.
32
2016 "Kiyev" turniri Flag of Ukraine.svg Kiyev
1.
33
Avropa Çempionatı Flag of Latvia.svg Riqa
1.
34
"Poland Open" turniri Flag of Poland.svg Spala
1.
35
Olimpiya Oyunları Flag of Brazil.svg Rio-de-Janeyro
2.
Dövlət təltifləri[redaktə | əsas redaktə]
Fərdi mükafatları[redaktə | əsas redaktə]
Rekordları[redaktə | əsas redaktə]
  • Mariya Stadnik Avropa Çempionatları tarixində qızıl medal qazanan birinci Azərbaycanlı qadın güləşçidir (2008).
  • Mariya Stadnik Olimpiya Oyunları tarixində medal qazanan birinci Azərbaycanlı qadın güləşçidir (2008).
  • Mariya Stadnik Dünya Çempionatları tarixində qızıl medal qazanan birinci Azərbaycanlı qadın güləşçidir (2009).
  • Mariya Stadnik ardıcıl üç Olimpiya Oyunlarında medal qazanan birinci Azərbaycanlı idmançıdır (2016).

Mənbələr[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. "Марiчка Стаднiк:"Андрiй - мiй однофвмiлец"". www.other.sport.ua. http://other.sport.ua/news/111084. İstifadə tarixi: 3 dekabr 2010.
  2. "2003 Gənclər arasında Avropa Çempionatının nəticələri". www.iat-uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=D4F00FE015124A998C3F3705094D43CE&gkl=1. İstifadə tarixi: 7 avqust 2003.
  3. "2004 Gənclər arasında Avropa Çempionatının nəticələri". www.iat-uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=3FBBAB8F095A11D88C530080AD02DA79&gkl=3. İstifadə tarixi: 29 iyul 2004.
  4. "2005 Yeniyetmələr arasında Dünya Çempionatının nəticələri". www.iat-uni-leipzig.de. https://www.iat.uni-leipzig.de/datenbanken/dbfoeldeak/daten.php?spid=D52D9588C1464DA3BE6D8102D8AC37FC&kaempfe=1&wkid=B625A71B068945D6991B40810FF74F4E&gkl=1&spid=D52D9588C1464DA3BE6D8102D8AC37FC. İstifadə tarixi: 5 iyul 2005.
  5. "17-летней львовянке Марии Стадник пришлось вернуть европейское "золото" из-за допинга". www.fakty.ua. http://fakty.ua/46594-17-letnej-lvovyanke-marii-stadnik-prishlos-vernut-evropejskoe-quot-zoloto-quot-iz-za-dopinga. İstifadə tarixi: 3 iyun 2006.
  6. "2007 Dünya Çempionatının nəticələri.". www.fila-official.com. http://www.fila-official.com/images/documents/annonces/resultats/2007_09/res_baku.pdf. İstifadə tarixi: 21 sentyabr 2007.
  7. "2007 Dünya Çempionatının nəticələri". www.iat-uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=F15424A15E1B488FB500E0B0B0FB4AD9&gkl=1. İstifadə tarixi: 21 sentyabr 2007.
  8. "Azərbaycanın güləşçisi Mariya Stadnik Dünya Çempionatında medal qazana bilməyib.". www.arxiv.az. http://arxiv.az/az/az.apa.az/33960/Azerbaycan+guleshcisi+Mariya+Stadnik+dunya+cempionatinda+medal+qazana+bilmeyib. İstifadə tarixi: 21 sentyabr 2007.
  9. "Azərbaycanın qadın güləşçisi Mariya Stadnik Pekin Olimpiya Oyunlarına lisenziya qazanmışdır.". www.azertag.az. http://azertag.az/xeber/AZARBAYCANIN_QADIN_GULASCHISI_MARIYA_STADNIK_PEKIN_OLIMPIYA_OYUNLARINA_LISENZIYA_QAZANMISDIR-388350?device=Desktop. İstifadə tarixi: 21 sentyabr 2007.
  10. "2008 Avropa Çempionatının nəticələri". www.iat-uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=8DC5EF62CAD8402299947B5C892ED4DF&gkl=1. İstifadə tarixi: 3 aprel 2008.
  11. "Azərbaycan güləşçisi Mariya Stadnik Avropa Çempionatı finalına çıxıb.". www.arxiv.az. http://arxiv.az/az/az.trend.az/1757639/Azerbaycan+guleshcisi+Mariya+Stadnik+Avropa+Cempionati+finalina+cixib. İstifadə tarixi: 3 aprel 2008.
  12. "Azərbaycan güləşçisi Mariya Stadnik Avropa Çempionatı finalına çıxıb.". www.az.trend.az. http://az.trend.az/azerbaijan/society/1169332.html. İstifadə tarixi: 3 aprel 2008.
  13. "2008 "Qızıl Qran-Pri" turnirinin nəticələri". www.iat-uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=A78230401B4D4BBB89256335F0CEE48C&gkl=1. İstifadə tarixi: 27 iyun 2008.
  14. ""Qızıl Qran Pri" turnirində iştirak edəcək Azərbaycan güləş yığmasının heyəti açıqlanıb.". www.apa.az. http://apa.az/print/94747. İstifadə tarixi: 25 aprel 2008.
  15. "2008 Yeniyetmələr arasında Avropa Çempionatının nəticələri". www.iat-uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=0B5F5B85D9524161A040829125DA58B4&gkl=2. İstifadə tarixi: 15 iyul 2008.