Mariya Tüdor

Vikipediya, açıq ensiklopediya
Keçid et: naviqasiya, axtar
Mariya Tüdor
Mariya Tüdor
Fransanın kraliçası
 
Dini: Katolik
Doğum tarixi: 18 mart 1496(1496-03-18)
Doğum yeri: London
Vəfat tarixi: 25 iyun 1533 (37 yaşında)
Vəfat yeri: London
Atası: VII Henri
Anası: Yorklu Elizabet
Həyat yoldaşı: XII Lüdovik
Karl Brandon

Mariya Tüdor (İngiliscə: Mary Tudor) (d. 18 mart 1496 – ö. 25 iyun 1533) - VII HenriYorklu Elizabetin sonuncu qızı və Fransa kralı XII Lüdovikin qadınıdır.

Gənclik illəri[redaktə | əsas redaktə]

VII HenriYorklu Elizabetin ən kiçik övladları olaraq Riçmond sarayında dünyaya gəldi. Mariya Avropanın ən gözəl xanımlarından biri olaraq tanınırdı. Bu səbəbdən 1507-ci ilin dekabr ayında Kastiliyalı Karlla nişanlandı ancaq bu evlilik heç vaxt gerçəkləşmədi. 9 oktyabr 1514 tarixində 52 yaşlı Fransa kralı XII Lüdoviklə evləndirildi və Fransaya göndərildi. Onunla Fransaya gedən nədimələri arasında Anna Boleyn də vardı. Venesiyalı bir elçi Mariya Tüdoru uzun, qəhvəyi gözlü, solğun bənizli olaraq təsvir edir. Ancaq Fransa kraliçalığı qısa davam etdi və XII Lüdovik 1 may 1515 tarixində vəfat etdi. Dul qalan Mariya Tüdor yenidən İngiltərəyə geri döndü.

İngiltərədəki həyatı[redaktə | əsas redaktə]

İngiltərəyə döndükdən sonra gənclik sevgilisi olan Suffolk hersoqu Karl Brandonla 3 mart 1515 tarixində gizlicə evləndi. Kralın icazəsi olmadan bacısıyla evlənən Karl Brandon məclisi və kralı qəzəbləndirdi. Məclis hersoqun dərhal cəzalanmasına qərar verdi ancaq kardinal Uolsinin yardımı ilə hersoq Karl Brandon bağışlandı. Kral VIII Henri bacısı üçün 13 may 1515 tarixində rəsmi toy mərasimi təşkil etdi.

Mariya Tüdor 25 iyun 1533 tarixində Uesthorp sarayında vəfat etdi. Əri Karl Brandon Mariyanın vəfatından sonra 14 yaşlı Ketrin Willoughby ilə evləndi.

Övladları[redaktə | əsas redaktə]

Mariya Tüdor və Karl Brandonun 4 övladı oldu:

  • Henri Brandon (11 mart 1516 - 1522)
  • Frances Brandon (16 iyul 1517 - 20 noyabr 1559) - Ceyn Qreyin anasıdır.
  • Eleanor Brandon (1519 - 27 sentyabr 1547)
  • Henri Brandon (1523 - mart 1534)

Mənbə[redaktə | əsas redaktə]