Marketing MeetUp Baku

Vikipediya, açıq ensiklopediya
Jump to navigation Jump to search
#4noyabr loqosu.

Marketing MeetUp Baku — Viral&Guerrilla tədbiri. [1]

#4noyabr həştəqi[redaktə | əsas redaktə]

Sosial şəbəkələrdə #4noyabr həştəqi ilə paylaşım edənlərin arasından xüsusi proqram vasitəsi ilə bir nəfər qalib təsadüfi seçiləcəyi, əvvəlcədən təşkilatçılar tərəfindən bəyan edilmişdi. Sosial şəbəkə istifadəçilər də bu tarixlə bağlı olan həştəqi etiketləməklə çoxlu paylaşımlar edirdilər. Paylaşımlar təkcə paylaşım olaraq qalmır, hətta irəli gedərək bəzi biznes qurumları bu həştəqi paylaşan insanlardan təsadüfi seçiləcəklərə hədiyyələr vəd edirdilər. Qısa zamanda müxtəlif istiqamətli biznes qurumları viral kampaniyaya qoşuldular və qeyd olunan həştəqlə paylaşım edənlərə ümumi məbləği 20.000 manatdan artıq olan hədiyyələr vəd etdilər. Nəticədə, oktyabrın 3-dən start götürən kampaniyanın ilk 5 günü ərzində #4noyabr həştəqi ilə sosial şəbəkələrdə 100.000-dən çox paylaşım edilmişdi.[2] [3]

“Marketing Meetup Baku” tədbiri[redaktə | əsas redaktə]

Marketing Meetup Baku tədbirinin loqosu.

Sosial şəbəkələrdə #4noyabr həştəqi ilə məşhurlaşan 1-ci “Marketing Meetup Baku” tədbiri baş tutdu.[4] 4 noyabr, 2017-ci il tarixində Monalit Plaza otelində keçirilən tədbirdə 250-ə yaxın marketoloq, iş adamı və izləyici iştirak edib. Dörd panel üzrə təşkil olunmuş görüşdə 17 spiker təcrübələrini insanlarla bölüşüb. Panellər üzrə spikerlər sahələrinin mütəxəssisləri - Respublikanın əməkdar artisti Tahir İmanov, “Bakı Nəqliyyat Agentliyi”ndən Rəvanə Əliyeva, "Ölkə.Az" xəbər saytının rəhbəri Məmməd Gülməmmədov, ssenarist Erkin Ergin, “Crambone”dan Rəvan Muradov, dizayner Rəşad Baxışov, guerilla rejissor İlkin Yusif, sahibkar Fərid Əlizadə, marketoloq Famil Alməmmədov, müəllif Coşqun Kərimov, mikro influnser Nərmin Knyaz oldular. Tədbirdə yerli çıxışçılarla yanaşı Türkiyədə "Marketing Meetup"ın yaradıcılarından biri və “pazarlamasyon.com”un təsisçisi Necip Murat və “BatesMotelpro”nun qurucusu Tansu Tunçel də iştirak edib. Tədbirin təşkilati işlərini Azərbaycanın PR və Marketinq sahəsində tanınmış simalarından ibarət olan – Elgün Namazlı, Müşviq İsgəndərov, Nicat Manafov, Vüqar Əliyarov, Elşən Məhərov, Samir Əfətli və Azər Nəzərov həyata keçirdi. Marketing Meetup tədbirində həmçinin #4noyabr viral kampaniyasının qalibi də bəlli olub. Sosial mediada böyük səs gətirən və müzakirələrə səbəb olan “#4Noyabr” həştəqli viral kampaniyanın qalibi Zaur Əzimov adlı sosial media istifadəçisi olub. Qalib ümumi dəyəri 20.000 manatdan artıq olan müxtəlif irili-xırdalı hədiyyələr qazanıb.[5] [6]

Tədbirin məqsədi və nəticəsi[redaktə | əsas redaktə]

Marketing Meetup iş həyatındakı problemlərin həlli üçün real təcrübələrin və addımların paylaşıldığı yığıncaq ənənəsidir. Bura nəzəri biliklər üzərində qurulmuş çıxışları görəcəyimiz yer deyil. Marketing Meetup IT, Modern Texnologiya, PR, Marketing və Rəqəmsal aləmi bir çətir altında görüşdürür və gələcəyi quranları bir araya toplamaq missiyasını həyata keçirir. Tədbir start götürməsindən tutmuş, yekununa qədər indiyə kimi olan tədbirlərdən fərqlənirdi. Tədbirin adı açıqlanana qədər böyük bir viral kampaniya həyata keçirildi. Şəhərin müxtəlif yerlərində bilboardlar yerləşdirildi, media daha çox bu kampaniya ilə bağlı yazdı. Digər bir fərq o idi ki, bu tədbir heç bir xüsusi quruma, brendə bağlı deyil. Tədbiri ölkədə öz sahələri üzrə kifayət qədər söz sahibi olan, böyük təcrübəyə malik, müstəqil marketoloq, PR-çılar hazırlamışdı.

Viral kampaniyanın birinci məqsədi, insanları 4 noyabrla bağlı həyəcanda saxlamaq, ikincisi isə həştəq ətrafında çoxlu hədiyyələr yığaraq, bir qalibi şəxsi mükafatlandırmaq idi. Azərbaycanda hələ bu tipdə marketinq hadisəsi olmayıb. Bura çox sayda biznes qurumları da cəlb olunmuşdu. Onlar 4 noyabr tarixində təsadüfi bir nəfərə hədiyyə verəcəyini vəd edirdilər. Artıq viral kampaniyanın nəyin start kampaniyası olduğunu elan edən təşkilatçılar, bunun tədbir olacağının siqnalını verməyə başladılar. İnsanlar “Marketing Meetup” Viral&Guerrilla tədbirində daha çox marketinq və PR ilə bağlı real təcrübələr barədə məlumat əldə etdilər.

İstinadlar[redaktə | əsas redaktə]

Xarici keçidlər[redaktə | əsas redaktə]