Matteo Messina Denaro

Vikipediya, açıq ensiklopediya
Jump to navigation Jump to search
Matteo Messina Denaro
it. Matteo Messina Denaro
Fotoqrafiya
Doğum tarixi 26 aprel 1962(1962-04-26)
Doğum yeri Kastelvetrano, Siciliya, Flag of Italy.svg İtaliya
Atası Françesko Messina Denaro
Vətəndaşlıq Flag of Italy.svg İtaliya
Peşələri Mühafizəçi, muzdlu qatil
Milliyyəti İtalyan
Fəaliyyəti Mafiya başçısı

Matteo Messina Denaro (d. 26 aprel 1962, Kastelvetrano, Siciliya, İtaliya) — Koza nostra – Siciliya mafiya təşkilatının başçılarından biri. Digər təxəllüsləri "Diabolik" və ya "Roleks"dir. Onun atası Messina Denaro Siciliyada "Don Çiççio" kimi tanınmaqdadır. Matteo Bernardo Provençanonun sələfi Salvatore Lo Pikkolonun həbsindən sonra, 2007-ci ildə Siciliya mafiyasının 1 nömrəli adamına çevrilir. 1993-cü ildən etibarən polisdən gizlənərək, Forbs jurnalına əsasən dünyada 10 axtarışda olan cinayətkarlar arasında VI yeri tutur[1][2]. Onun evində axtarış zamanı tapılan məktubdan:

Mən getməyə məcburam, amma səbəbini sənə izah edə bilmərəm. Elə bir şey uğrunda mübarizə aparıram ki, indiki zamanda bunu başa düşə bilməzlər. Amma bir gün insanlar görəcəklər ki, mən haqlı tərəfdə qərar tutmuşdum.

— Matteo Messina Denaro


Mənim öldürdüyüm insanlarla bir qəbirstanlığı doldurmaq olar. (digər bir variyant:Təkçə mən bir qəbiristanlığı doldurmuşam.)

— Matteo Messina Denaro

Həyatı[redaktə | əsas redaktə]

Matteo Messina Denaro 26 aprel 1962-ci ildə Siciliyanın Kastelvetrano kommunasında (Trapani əyalətində) siciliyalı mafioz Françesko Messina Denaronun ("Don Çiçço" kimi tanınan) ailəsində dünyaya gəlmişdir. Atası Françesko mafioz fəaliyyətə qeyri rəsmi muzdlu qatil, rəsmi isə zəngin mülkədar və bankir (it. Banca Sicula) D‘Ali ailəsinin silahlı müafizəçisi kimi başlamış, sonralar isə irəli çəkilərək həmin ailənin icarə torpaq mülklərinin inzibatçısı təyin edilir. Yaxşı işinə görə D’Ali ailəsi ona Dzanqara rayonunda böyük bir mülk bağışlamışdır. Françesko 14 yaşlı oğlu Matteoyaya silahdan istifadəni öyrətmişdir. 18 yaşında Matteo ilk qətlini törətmiş olur. 1992-ci ildə atasının rəqibi Vinçenso Milaççonu onun sevgilisi, üç aylıq hamilə olan Antonello Bonoma ilə birlikdə öldürür. Matteo heç vaxt evli olmamış və qanuni övladı yoxdur. Bəzi şaiyələrə görə onun nigahdan kənar (it. ilegítimo) bir uşağı vardir. 2002-ci ilin mayında ona qiyabi olaraq Milan, Roma və Florensiyada törətdiyi silsilə partlayışlar nəticəsində onlarla insan həyatını itirdiyinə görə ömürlük həbs cəzasına məhkum edilir.

2006-cı ildə Siciliya mafiyasının "Bosslar bossu" "Traktor" ləqəbli Bernardo Provenzano həbs edildikdən sonra onun yerinə üç iddiaçı: Salvatore Lo Pikkolo, Domeniko Rakuqliya və Matteo Messina Denaro meydana çıxır. Lakin 2007-ci ildə Salvatore Lo Pikkolo həbs olunur, ondan iki il sonra isə Domeniko Rakuqliya həbs edilir. Beləliklə Matteo Denaro Siciliya mafiyasının "Xaç atasına" çevrilir.

İstinadlar[redaktə | əsas redaktə]

  1. 10 самых разыскиваемых людей мира по версии Forbes, Forbes.ru
  2. Who is now on the World's Most Wanted list? The Guardian, May 4, 2011