Mehdi Bağırov

Mehdi Bağırov
Doğum tarixi	20 dekabr 1915(1915-12-20)
Doğum yeri	Naxçıvan, Naxçıvan qəzası, İrəvan quberniyası, Rusiya imperiyası
Vəfat tarixi	27 mart 2004(2004-03-27) (88 yaşında)
Vəfat yeri	Naxçıvan, Naxçıvan Muxtar Respublikası, Azərbaycan
İş yeri	Naxçıvan Tibb Kolleci
Mükafatları

Mehdi Bağırov Abbas oğlu (20 dekabr 1915, Naxçıvan – 27 mart 2004, Naxçıvan) — həkim-cərrah. Səhiyyə əlaçısı, SSRİ xalq həkimi və Azərbaycan SSR əməkdar həkimi olmuşdur.

Tibbi fəaliyyəti

• 1941-ci ildə Azərbaycan Dövlət Tibb İnstitutunun (indiki Tibb Universiteti) müalicə profilaktika fakültəsini bitirmiş;
• 1941–1945-ci illərdə Böyük Vətən müharibəsində Kiyev hərbi dairəsində xidmət etmiş, Berlinədək döyüş yolu keçmiş, minlərlə döyüşçünü həyata və cəbhəyə qaytarmış;
• 1946-cı ildə ordudan tərxis olunduqdan sonra Naxçıvanda cərrah işləmiş, muxtar respublikada cərrahiyyənin bünövrəsini qoymuşdur. Moskvada həkimləri Təkmilləşdirmə İnstitunun urologiya kafedrasında elmi axtarışlar apararaq, Naxçıvan MSSR-də böyrək daşı xəstəlikləri və onların müalicəsi mövzusunda namizədlik dissertasiyasını müdafiə etmiş;
• 1946–1966-cı illərdə, eyni zamanda, Naxçıvan Tibb Məktəbində cərrahiyyədən dərs demiş;
• 1959-cu ildə Naxçıvan Muxtar Respublikası Səhiyyə Nazirliyinin baş cərrahı vəzifəsində işləmiş;
• 1959-cu ildə Azərbaycan SSR Ali Sovetinin deputatı seçilmişdir.

Mükafatları

Mehdi Bağırov 1959-cu ildə Azərbaycan SSR Ali Sovetinin deputatı seçilərək, müxtəlif orden və medallarla təltif edilmişdir. "Lenin" ordeni, "Qırmızı ulduz", "Xalqlar dostluğu" və s. ordenlərlə təltif edilmişdir.

Xarici keçidlər

• Tanınmış cərrah Mehdi Bağırovun 100 illiyinə həsr olunmuş elmi-praktik konfrans Arxivləşdirilib 2015-11-18 at the Wayback Machine
• Bir kəndin məşhurları

Haqqında Kitablar

• "Görkəmli cərrah, sadə insan", Həsən Hüseynov