Mehdi Bağırov (alim)

Mehdi Bağırov
Doğum tarixi	2 iyun 1971
Doğum yeri	Naxçıvan, Azərbaycan SSR
Vətəndaşlığı	Azərbaycan
Milliyyəti	Azərbaycanlı
Atası	Siyavuş Bağırov
Elm sahəsi	İqtisadiyyat
Elmi dərəcəsi	İqtisad elmləri doktoru
Elmi adı	Professor
İş yerləri	Naxçıvan Dövlət Universiteti (1994-2024) Azərbaycan Dövlət Neft və Sənaye Universiteti (2024-haliyədə)
Təhsili	Naxçıvan Dövlət Universiteti, Azərbaycan Dövlət İqtisad Universiteti
Üzvlüyü	NDU Elmi Şurası (2014–2018)

Mehdi Siyavuş oğlu Bağırov — iqtisad elmləri doktoru, professor

Həyatı və fəaliyyəti

1971-ci ildə Naxçıvan şəhərində anadan olmuşdur. Naxçıvan Dövlət Universitetində ənənəvi (5 illik) ali təhsili, Azərbaycan Dövlət İqtisad Universitetində aspirantura təhsili almışdır. 2000-ci ildə iqtisad üzrə fəlsəfə doktoru, 2018-ci ildə iqtisad elmləri doktoru elmi dərəcələrini almışdır.

1994-cü ildən 2024-cü ilədək Naxçıvan Dövlət Universitetində pedaqoji fəaliyyət göstərmişdir. 2024-cü ildən ADNSU-nun "Sənayenin iqtisadiyyatı" kafedrasında çalışmaqdadır. Haliyədə həmin Universitetdə professor vəzifəsində çalışmaqdadır.

Naxçıvanda fəaliyyət göstərdiyi müxtəlif illərdə müəllim, baş müəllim, dosent, kafedra müdiri, fakültə dekanının müavini, fakültə dekanı, elmi işlər üzrə prorektor vəzifələrində çalışmışdır.

Naxçıvan Dövlət Universiteti ilə yanaşı eyni zamanda 1996-2012-ci illərdə (dosent) və 2020-2024-cü illərdə (professor) Naxçıvan Özəl Universitetində də pedaqoji fəaliyyətini davam etdirmişdir.

250-yə yaxın elmi əsərin, 37 kitabın, o cümlədən 12 monoqrafiyanın müəllifidir. Elmi rəhbərlik etdiyi fəlsəfə doktorluğu və magistr dissertasiya işləri, respublika ilə beynəlxalq konfranslarda iştirakı ilə tanınmaqdadır.

Mükafatları

• 2012 – “İlin alimi” fəxri adı (NDU)
• 2016 – “Ən yaxşı vətənpərvər alim” qızıl medalı