Mehman Əzizov

Vikipediya, açıq ensiklopediya
Jump to navigation Jump to search
Mehman Əzizov
Mehman Azizov at the 2016 Summer Olympics.jpg
Şəxsi məlumatları
Tam adı Mehman Əzizov
Vətəndaşlığı Flag of Azerbaijan.svg Azərbaycan
Doğum tarixi 1 yanvar 1976 (1976-01-01) (43 yaş)
Doğum yeri Bakı, Azərbaycan
Boyu 182 sm
Çəkisi 81 kq
İdman növü Judo pictogram.svg Cüdo
15 noyabr 2016 tarixində yenilənib.

Mehman Akif oğlu Əzizov (rus. Азизов, Мехман Акиф оглы; 1 yanvar 1976, Bakı) — Orta-ağır çəki dərəcəsində Azərbaycanı təmsil edən cüdoçu. 1990-cı illərin sonlarında və 2000-ci illərin bütün dövrlərində Azərbaycan yığmasında çıxış etmişdir. Üç Yay Olimpiya Oyunlarının iştirakçısı, Avropa Çempionatının gümüş medalının sahibi, Pekin Yay Tələbə Oyunlarının gümüş mükafatçısı, milli və beynəlxalq turnirlərdə bir çox yarışlarının qalibidir.

Bioqrafiyası[redaktə | əsas redaktə]

Mehman Əzizov 1 yanvar 1976-cı ildə Azərbaycan SSR-inin Bakı şəhərində anadan olmuşdur. Monte-Karloda keçirilən Avropa Gənclər Çempionatının bürünc mükafatına yiyələnib. İlk dəfə turnirlərdə 1996-cı il mövsümündə iştirak etməyə başlamışdır. Bir il sonra Tiflisdə keçirilən beynəlxalq yarışda bürünc medal qazandı. Belçikanın Ostende şəhərində keçirilən Avropa birinciliyində iştirak etmiş, Parisdə dünya birinciliyində 1/16 final mərhələsinə qədər çatmağı bacarmışdır.

Böyük beynəlxalq turnirlərdə birinci ciddi uğuruna 1998-ci ildə nail olmuçdur. Həmin il Azərbaycan milli yığmasının əsas tərkibinə düşdü və Oviedoda keçirilən Avropa Çempionatında iştirak etdi. Orta-ağır çəki dərəcəsində finalda məğlub olaraq gümüş medal qazandı. Həlledici döyüşdə Macarıstan təmsil edən Bertalana Xaytoşa məğlub oldu. Növbəti mövsümdə Minskdə "A" sinfinin beynəlxalq turnirində üçüncü yeri tutdu. Bratislavada keçirilən Avropa birinciliyində, Birminhemdə keçirilən dünya birinciliyində iştirak etmişdir. Lakin bu yarışlarda mükafatçıların sırasına düşə bilməmişdir. 2000-ci ildə Dünya Kubokunun üç mərhələsində qələbə qazandı və uğurlu çıxışların sayəsində Sidneydə keçirilən 2004 Yay Olimpiya Oyunları ölkəsinin şərəfini qorumaq hüququ əldə etdi. İlk görüşdə Argentinanı təmsil edən Dariyo Qarsiyaya məğlub oldu və medallardan kənar qaldı.

Tələbə olarkən Əzizov 2001-ci ildə Pekin Tələbə Oyunlarında ölkəsini təmsil etmək üçün yola düşdü və nəticədə gümüş medal qazandı. Finalda Cənubi Koreyanı təmsil edən Kvon Yon-u-ya məğlub oldu. Avropa Çempionatında mübarizə apardı və 1/4 final rusiyalı Laşa Pipiinə məğlub olaraq mübarizəni dayanırdı. Bir il sonra Minskdə "A" sinfinin beynəlxalq yarışında bürünc medal qazandı. Tokioda keçirilən Dziqoro Kano Kubokunda yeddinci yeri tutdu. 2003-cü ildə Tallində keçirilən Sülh Kuboku turnirində gümüş mükafatçı oldu. Düsseldorfda təşkil olunan Avropa Çempionatında çıxış etdi. 1/8 finalda italiyalı Roberto Meloniyə məğlub oldu. Rotterdamda keçirilən Dünya Kuboku turnirində çempion, Buxarestdə Avropa birinciliyində isə beşinci yerin sahibi oldu. Afinada keçirilən Yay Olimpiya Oyunlarında ilk iki rəqibi üzərində qələbə qazandı. Ancaq 1/4 finalda polyak Robert Kravçikə məğlub oldu. Üçüncü yer üçün təsəlliverici görüşdə Rusiyalı cüdoçu Dmitri Nosova uduzdu. Bu görüşdə Əzizov əlindən xəsarət aldı.[1][2]

Afina Olimpiadasından sonra Əzizov Azərbaycan milli yığmasının əsas tərkibində qaldı və ən böyük beynəlxalq yarışlarda iştirak etməyə davam etdi. Belə ki, 2005-ci ildə o, orta-ağır çəkidə Azərbaycan çempionu oldu. 2006-cı ildə o, öz kolleksiyasına RotterdamdaBakıda keçirilən Sülh Kuboku turnirlərində qazanılmış qızıl medalları əlavə etdi. Lakin Tamperedə keçirilən Avropa Çempionatında yalnız 1/8 finala qədər çata bildi. Belqradda keçirilən Avropa birinciliyində 2007-ci ildə və Rio-de-Janeyroda keçirilən dünya birinciliyində 1/4 finalda mübarizəni dayandırdı. Romada keçirilən Sülh Kuboku turnirində bütün rəqiblərini məğlub etdi və qızıl medal əldə etdi. Pekində keçirilən Olimpiadada ölkəsini təmsil etdi. İlk döyüşündə alman Ole Bişofa məğlub oldu. Bişof nəticədə Olimpiya oyunlarının qalibi oldu. Üçüncü yer üçün təsəlliverici görüşlərdə amerikalı Trevisa Stivensi keçə bilmədi. Yarışdan sonra peşəkar idmançı karyerasını başa vurduğunu açıqladı.

İstinadlar[redaktə | əsas redaktə]

Xarici keçidlər[redaktə | əsas redaktə]