Mehman Səlimov

Vikipediya, azad ensiklopediya
Jump to navigation Jump to search
Mehman Səlimov
Mehman Əmirxan oğlu Səlimov
Mehman Səlimov.jpg
Şəxsi məlumatlar
Doğum tarixi (67 yaş)
Doğum yeri
Vətəndaşlığı Azərbaycan
Milliyyəti Azərbaycanlı
Uşağı kapitan Fərhad Səlimov[1]
Təhsili
  • Donetsk Mühəndislik və Kommunikasiya Ali Hərbi-Siyasi Məktəbi[d]
Hərbi fəaliyyəti
Rütbə polkovnik
Təltifləri "Azərbaycan Bayrağı" ordeni

Mehman Səlimov (12 avqust 1955, Qızılkilsə, Dmanisi rayonu) — Azərbaycanlı hərbçi, polkovnik. Azərbaycanın müdafiə nazirinin siyasi və ictimai işlər üzrə müavini (1995–1999).

Həyatı[redaktə | mənbəni redaktə et]

Mehman Əmirxan oğlu Səlimov 1955-ci il avqustun 12-də Gürcüstan SSR-in Dmanisi rayonundakı Qızıl-Kilsə kəndində anadan olmuşdur.

1962-ci ildə Dmanisi rayonunun 1 saylı rus orta məktəbinin I sinfinə daxil olmuş, 1973-cü ildə isə həmin məktəbi müvəffəqiyyətlə bitirmişdir.

1974-cü ildə Donetsk Ali Siyasi Hərbi Məktəbinə daxil olmuş və 1978-ci ildən 1984-cü ilədək Kiyev Hərbi Dairəsinin hərbi hissələrində komandirin siyasi məsələlər üzrə müavini vəzifəsində xidmət etmişdir.

1984-cü ildə V.İ.Lenin adına Hərbi-Siyasi Akademiyaya daxil olmuş və 1987-ci ildə akademiyanı bitirmişdir.

1987-ci ildən Zaqafqaziya Hərbi Dairəsində Ermənistan SSR-in o vaxtkı Leninakan, indiki Gümrü şəhərində 120-ci tank alay komandirinin siyasi məsələlər üzrə müavini vəzifəsində xidmət etmişdir. 1989-1990-cı illərdə Gəncədə 130-cu tank alayı komandirinin siyasi məsələlər üzrə müavini işləyib. 1990-1991-ci illərdə Zaqafqaziya Hərbi Dairəsinin Bakıdakı 295-ci motoatıcı diviziyası komandirinin müavini-siyasi şöbənin rəisi vəzifəsində çalışmışdır.

1991-ci ilin yayından başlayaraq gizli və açıq şəkildə Azərbaycanda Milli Ordu quruculuğuna, Müdafiə Nazirliyi strukturunun formalaşmasına dəstək verməyə başlayıb.

1992-ci ildə Bakıya qayıtmış, Azərbaycan Silahlı Qüvvələrinə könüllü daxil olmuşdur. 1992-ci ilin 26 yanvarından sentyabr ayına qədər müdafiə nazirinin köməkçisi - şəxsi heyətlə iş idarəsinin rəisi vəzifəsində xidmət etmişdir. 15 sentyabr 1992-ci ildən mart ayına qədər döyüş zonasına ezam olmuş və hərbi hissəyə komandanlıq edərək Ağdərə-Ağdam istiqamətində döyüş əməliyyatlarına rəhbərlik etmişdir. 1993-cü ilin mart ayından 1993-cü ilin noyabr ayına qədər Azərbaycan Prezident Aparatında hərbi quruculuq məsələləri üzrə şöbə müdirinin müavini vəzifəsində işləmişdir. 1994-cü ilin yanvar ayından 172 saylı hərbi hissə komandirinin şəxsi heyəti üzrə müavini vəzifəsinə təyin olunmuşdur, Füzuli-Kəlbəcər rayonları uğrunda döyüşlərdə iştirak etmişdir. 1995-ci il 22 martdan-1995-ci il 26 aprelə qədər Müdafiə Nazirliyinin şəxsi heyətlə iş idarəsinin rəis müavini olmuşdur.

Azərbaycan Respublikasının 3-cü Prezidenti Heydər Əliyevin fərmanı ilə 1995-ci il iyun ayında Müdafiə nazirinin müavini, hərbi-siyasi idarəsinin rəisi təyin edilmişdir[2] və 1999-cu ilin iyul ayında həmin vəzifənin ixtisarı ilə əlaqədar Azərbaycan Ordusundan tərxis olunmuşdur.

Hal-hazırda hərbi təqaüdçüdür.

Mükafatları[redaktə | mənbəni redaktə et]

1994-cü il 5 oktyabrda Azərbaycan Respublikası Prezidentinin fərmanı ilə Gəncə şəhərində Dövlət çevrilişi cəhdinin qarşısının alınmasında rəhbərlik etdiyinə görə “Azərbaycan Bayrağı” ordeni ilə təltif olunmuşdur.

1995-ci il mart hadisələrinin qarşısının alınmasında fəal iştirak etdiyinə görə vaxtından əvvəl Polkovnik hərbi rütbəsi ilə təltif olunmuşdur.

İctimai fəaliyyəti[redaktə | mənbəni redaktə et]

O, Müdafiə nazirinin müavini vəzifəsində xidmət edərkən Müdafiə Nazirliyinin mətbuat xidmətinə və “Azərbaycan Ordusu” qəzetinə rəhbərlik etmişdir.

1999-cu il sentyabr ayından ehtiyatda olan zabitlərin konfederasiyasına üzv olmuş, 2000-ci ilin dekabr ayından Ehtiyatda olan Zabitlərin Azərbaycan-NATO Əməkdaşlıq İctimai Birliyinin sədri seçilmiş və 2001-ci ilin mart ayından Qeyri-Hökumət Təşkilat Forumunun üzvü qəbul edilmişdir.

2000-ci ilin yanvar ayından “Az-Media” analitik informasiya agentliyinin direktoru vəzifəsində çalışmışdır.

Həbsi[redaktə | mənbəni redaktə et]

2014-cü ilin noyabrın 24-də saxlanılıb[3][4][5], 22 aprel 2016-cı ildə Bakı Ağır Cinayətlər Məhkəməsinin hökmü ilə mənimsəmə və vəzifə səlahiyyətlərindən sui-istifadədə təqsirləndirilərək 8 il müddətinə azadlıqdan məhrum edilib.[6][7][8] 24 iyun 2016-cı ildə birinci instansiya məhkəməsinin hökmündən apellyasiya şikayəti verib.[9][10] Bakı Apelyasiya Məhkəməsi şikayəti təmin etməyib. Daha sonra o, kassasiya şikayəti verib. Şikayət araşdırılması üçün Ali Məhkəmənin hakimi Gülzar Rzayevanın sədrlik ediyi kollegiyanın icraatına verilib.[11][12]

16 mart 2019-cu ildə Prezident İlham Əliyevin imzaladığı əfv sərəncamı ilə əfv edilib.[13][14][15]

Müsahibələri[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "Müdafiə nazirinin sabiq müavini koronavirusa yoluxub". 2022-02-25 tarixində arxivləşdirilib. İstifadə tarixi: 2022-02-25.
  2. ↑ "M. Ə. Səlimov haqqında". 2022-02-25 tarixində arxivləşdirilib. İstifadə tarixi: 2022-02-25.
  3. ↑ "Səfər Əbiyevin yaxın adamı həbs olundu". 2022-02-25 tarixində arxivləşdirilib. İstifadə tarixi: 2022-02-25.
  4. ↑ "Mehman Səlimov müəmması". 2022-02-25 tarixində arxivləşdirilib. İstifadə tarixi: 2022-02-25.
  5. ↑ "Mehman Səlimov müəmması". 2022-02-25 tarixində arxivləşdirilib. İstifadə tarixi: 2022-02-25.
  6. ↑ "Müdafiə nazirinin keçmiş müavini 8 il həbsə məhkum edilib". 2022-02-25 tarixində arxivləşdirilib. İstifadə tarixi: 2022-02-25.
  7. ↑ "Mehman Səlimov 8 il müddətinə azadlıqdan məhrum edilidi". 2022-02-25 tarixində arxivləşdirilib. İstifadə tarixi: 2022-02-25.
  8. ↑ "Mehman Səlimova hökm oxunub". 2022-02-25 tarixində arxivləşdirilib. İstifadə tarixi: 2022-02-25.
  9. ↑ "Mehman Səlimov apellyasiya şikayəti verib". 2022-02-25 tarixində arxivləşdirilib. İstifadə tarixi: 2022-02-25.
  10. ↑ "Səfər Əbiyevin müavini şikayətçidir". 2022-02-25 tarixində arxivləşdirilib. İstifadə tarixi: 2022-02-25.
  11. ↑ "Sabiq müdafiə nazirinin müavini Ali Məhkəməyə üz tutdu". 2022-02-25 tarixində arxivləşdirilib. İstifadə tarixi: 2022-02-25.
  12. ↑ "Səfər Əbiyevin sabiq müavini Ali Məhkəməyə müraciət etdi". 2022-02-25 tarixində arxivləşdirilib. İstifadə tarixi: 2022-02-25.
  13. ↑ "Müdafiə nazirinin sabiq müavini əfv edilib". 2022-02-25 tarixində arxivləşdirilib. İstifadə tarixi: 2022-02-25.
  14. ↑ "Müdafiə nazirinin sabiq müavini əfv edilib". 2022-02-25 tarixində arxivləşdirilib. İstifadə tarixi: 2022-02-25.
  15. ↑ "Mehman Səlimovdan, Bakı, Azərbaycan". 2022-02-25 tarixində arxivləşdirilib. İstifadə tarixi: 2022-02-25.

Mənbə[redaktə | mənbəni redaktə et]

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Mehman_Səlimov&oldid=6829515"