Mehmana polimetal yatağı

Yatağın geoloji quruluşunda yura və təbaşirin vulkanogen çökmə süxur kompleksləri iştirak edir. Bu süxur komplekslərinin ümumi qalınlığı 170–200 m.-ə qədərdir. Çöküntülər diorit intruziyaları ilə yarılmışdır. Yataq sahəsində həmçinin bat yaşlı effuziv proklastik süxurlarda inkişaf tapmışdır. Bu süxurlar üst yura yaşlı mehmana qranitoid intruziyası ilə yarılmışdır. Mehmana intruziyası 2b fazada formalaşmışdır. Birinci fazada əsas intruziv kütlələri əmələ gətirən kristallik süxurlar formalaşmışdır. İkinci fazada isə damar süxurları və intruziv süxurlar formalaşmışdır. Filiz kütlələri yataq daxilində morfoloji cəhətdən damar formalıdır. Bu damarlar uzanmaları və düşmələri üzrə öz qalınlığını və filizliyini dəyişirlər. Damarların qalınlığı 2 m.-ə qədərdir. Əsas filiz mineralları qalenit və sfaleritdir. Bu minerallar kvars və karbonatla assosasiya təşkil edirlər. Damarlarda faydalı komponentlərin paylanması qeyri-bərabərdir. Filizləşmənin tərkibində Pb, Zn və Cu-ilə yanaşı Se və S-ün faydalı komponentləri iştirak edir. Yataqda profillitləşmə, karbonatlaşma, kaolinləşmə, serisitləşmə və xloritləşmə müşahidə olunur.

Həmçinin bax

• Kiçik Qafqaz
• Çökmə süxurlar
• Faydalı qazıntılar