Mehmed Şərafəddin Əfəndi

Vikipediya, azad ensiklopediya
Jump to navigation Jump to search
Mehmed Nizaməddin Əfəndi
Mehmed Şərafəddin Əfəndi.jpg
Şəxsi məlumatlar
Doğum tarixi
Doğum yeri Fəriyə sarayı, İstanbul, Osmanlı imperiyası
Vəfat tarixi
Vəfat yeri Beyrut, Livan
Dəfn yeri Sultan Səlim məscidi, Dəməşq
Atası Səlim Süleyman Əfəndi
Anası Ayşə Tərzitər xanım
Həyat yoldaşları Xədicə Şükriyə Sultan
Fatma Səmahat xanım
Uşağı Bəzmialəm Mübəccəl Sultan

Mehmed Şərafəddin Əfəndi (17 iyun 19041966) — 31. Osmanlı sultanı Əbdülməcidin oğlu Süleyman Əfəndinin oğlu, Osmanlı şahzadəsi.

Həyatı[redaktə | mənbəni redaktə et]

Şahzadə Şərafəddin Əfəndi 17 iyun 1904-cü ildə Fəriyə sarayında dünyaya gəldi. Atası Sultan Əbdülməcidin oğlu Süleyman Əfəndi, anası isə onun son xanımı Ayşə Tərzitər xanımdır. Atasının vəfatının ardından böyük bacısı Naciyə Sultan və əri Ənvər Paşanın himayəsində böyüdü. Ənvər Paşanın yönləndirməsiylə hərbi təhsil alan Şərafəddin Əfəndi bununla yanaşı digər dərslər də aldı. Daha sonra xəlifə Əbdülməcid Əfəndinin oğlu Fərrux Əfəndiylə birlikdə Vyanadakı hərb akademiyasına göndərildi. Ancaq Ənvər Paşanın istəyilə Şərafəddin Əfəndi Potsdamdakı alman hərbi məktəbinə göndərildi. 1918-ci ildə Osmanlı ordusunda ikinci leytenant rütbəsinə yüksəldi.

Anası Tərzitər xanım və qucağında Şərafəddin Əfəndi

Şərafəddin Əfəndi hələ 19 yaşında ikən Sultan Əbdüləzizin nəvəsi (İzzəddin Əfəndinin qızı) Şükriyə Sultanla nigahlandı. Cütlüyün toy mərasimi 14 noyabr 1923-cü ildə Nişantaşı köşkündə baş tutdu. Ancaq cəmi bir neçə ay sonra - 3 mart 1924 tarixli TBMM qərarı ilə digər Osmanlı sülaləsi üzvləri kimi, Şərafəddin Əfəndi də ailəsiylə birlikdə sürgünə göndərildi. Sürgündəki ilk mənzil Paris şəhəri oldu. Ancaq bir il sonra cütlük Beyruta köçdü və 1927-ci ildə burada boşandılar. Cütlüyün bu nigahdan övladı olmadı.

Şərafəddin Əfəndinin ikinci evliliyi Fatma Səmahət xanımla (d. 8 oktyabr 1911, Beyrut - ö. 1973) 1928-ci ildə Beyrutda baş tutdu. Cütlüyün bu nigahdan Bəzmialəm Mübəccəl Sultan adlı bir qızı dünyaya gəldi. Ancaq cütlük 1956-cı ildə boşandı. 1966-cı ildə beyrutda vəfat edən Şərafəddin Əfəndinin cənazəsi Dəməşqə gətirilərək Sultan Səlim Məscidinə dəfn edildi.

Şəcərəsi[redaktə | mənbəni redaktə et]

Bəzmialəm Mübəccəl Sultan (d. 10 may 1929, Beyrut - ö. 1 iyul 1993, İstanbul) — 1954-cü ilin dekabrında İlhan Baransel ilə evləndi. 1 övladı oldu.

  • Çingiz Baransel (d. 1955) — Şənay Kiçik ilə evləndi. 1 övladı oldu.
    • Kaan Baransel (d. 1994)


Mənbə[redaktə | mənbəni redaktə et]

  • Adra, Jamil (2005). Genealogy of the Imperial Ottoman Family 2005. p. 32
  • Bardakçı, Murat (2017). Neslishah: The Last Ottoman Princess. Oxford University Press. ISBN 978-9-774-16837-6
  • Vâsıb, Ali; Osmanoğlu, Osman Selaheddin (2004). Bir şehzadenin hâtırâtı: vatan ve menfâda gördüklerim ve işittiklerim. Yapı Kredi Yayınları. YKY. p. 319. ISBN 978-975-08-0878-4
  • Ünlü, Hasan (2019). Veliahd Yusuf İzzeddin Efendi (1857-1916) (Thesis). Mimar Sinan Fine Art University Institute of Social Sciences. p. 25

İstinadlar[redaktə | mənbəni redaktə et]