Mehparə Axundova

Vikipediya, açıq ensiklopediya
Jump to navigation Jump to search
Mehparə Axundova
Mehparə Xosrov qızı Axundova
Fotoqrafiya
Doğum tarixi 16 dekabr 1953 (1953-12-16) (65 yaş)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Şuşa
Vətəndaşlığı Flag of the Soviet Union.svg SSRİFlag of Azerbaijan.svg Azərbaycan
Əsərlərinin dili azərbaycan dili
Mükafatları "Qızıl qələm"

Mehparə Xosrov qızı Axundova"Elm və Həyat" jurnalının şöbə müdiri[1].

Həyatı[redaktə | əsas redaktə]

Mehparə Axundova 16 dekabr 1953-cü ildə Şuşa şəhərində anadan olub. 1971-ci ildə Bakıdakı 240 saylı məktəbi bitirərək Azərbaycan Dövlət Universitetinin jurnalistika fakültəsinə daxil olub. Universiteti bitirdikdən sonra, 1977-ci ildən "Elm və həyat" jurnalında ədəbi işçi vəzifəsində çalışıb.

"Elm və həyat"da işlədiyi illər ərzində elmin müxtəlif sahələri ilə bağlı onlarla yazıları işıq üzü görüb. Azərbaycan alimlərinin elmi axtarışları, aparılan tədqiqatların istehsalata tətbiqi, fizika, kimya, kibernetika kimi dəqiq elm sahələrindəki yeniliklər onun yazılarında öz əksini tapıb. 1995-ci ildən jurnalda şöbə müdiri vəzifəsində çalışır.

Bundan başqa "Elm və həyat" nəşriyyatında nəşr olunan kitabların redaktoru olub.

M.Axundova 2006-cı ildən İctimai Televiziya və Radio Yayımları Şirkəti ilə də əməkdaşlıq edib. İctimai Radioda Azərbaycanın görkəmli alimlərinin həyat və elmi fəaliyyətini əks etdirən "Elm korifeyləri" rubrikasından radio-oçerklər, "Elm yenilikləri", "Nobel mükafatı laureatları", "Dünyanın ən böyük kəşfləri" silsiləsindən verilişlər hazırlayıb.

M.Axundova 1977-ci ildən Azərbaycan Jurnalistlər Birliyinin üzvüdür. 2 dəfə Azərbaycan Jurnalistlər Birliyinin Zərdabi Diplomuna (2001, 2011), Azərbaycan KİV İşçiləri Həmkarlar İttifaqının "Qızıl qələm" mükafatına layiq görülüb.

2010-cu ildə AMEA-nın Fəxri fərmanı ilə təltif olunub.

Mehparə Axundova "Elm xəzinəsini zənginləşdirənlər" adlı kitabın müəllifidir. Kitabda müəllifin Azərbaycanın görkəmli alimlərinin həyat və elmi fəaliyyətinə həsr olunmuş məqalələri toplanıb.

2013-cü ildən AMEA-nın Nizami Gəncəvi adına Ədəbiyyat İnstitutunda baş mütəxəssis vəzifəsində çalışır.

İstinadlar[redaktə | əsas redaktə]

Xarici keçidlər[redaktə | əsas redaktə]