Mehrac Mahmudov

Vikipediya, açıq ensiklopediya
Jump to navigation Jump to search
Mehrac Mahmudov
Mehrac Mahmudov.jpg
Doğum tarixi 17 yanvar 1958(1958-01-17)
Doğum yeri Azərbaycan, Tərtər, Səhləbad kəndi
Vəfat tarixi 23 aprel 1994 (36 yaşında)
Vəfat yeri Ağdam, İlxıçılar kəndi, Azərbaycan Azərbaycan
Vəfat səbəbi şəhid
Milliyyəti azərbaycanlı
Mükafatları Azərbaycan Bayrağı” ordeni

Mehrac Mahmudov (Tam adı: Mehrac Məhəmməd oğlu Mahmudov; d.17 yanvar 1958, Tərtər, Səhləbad - ö.23 aprel 1994, Ağdam, İlxıçılar) — Ölümündən sonra “Azərbaycan Bayrağı” ordeni ilə təltif olunmuş Azərbaycan şəhidi.[1]

Həyatı[redaktə | əsas redaktə]

Mehrac Mahmudov 1958-ci il yanvar ayının 17-də Tərtər rayonunun Səhləbad kəndində anadan olmuşdur. Orta təhsilini həmin kənd orta məktəbində alıb. 1977-1979-cu illərdə Sovet Ordusu sıralarında Xaborovski şəhərində hərbi xidmətdə olub. Texnologiya institutunu bitirib. 1980-ci ildə sərbəst güləş üzrə «Usta» normasını yerinə yetirib.[2]

Ailəsi[redaktə | əsas redaktə]

3 övladı vardır.

Döyüş fəaliyyəti[redaktə | əsas redaktə]

Əvvəllər Narçılıq sovxozunda fəhlə, Qarabağ hadisələri başlayan vaxt isə Tərtər İctimai İaşə Birliyində işləyən M.Mehrac erməni işğalçılarına qarşı vuruşmaq üçün könüllü olaraq qardaşı Arifin xidmət etdiyi “Tərtər özünümüdafiə batalyon”una gəlmiş, 1992-ci il fevral ayının 26-da Xocalı hadisəsi zamanı Tərtər özünümüdafiə batalyonu SeysulanYarımca kəndlərinə ilk hücum etdiyi vaxt batalyona rəsmi qəbul edilmədiyi halda hərbçilərlə birlikdə bu döyüşdə xüsusi fəallıq göstərmişdir. Sonradan 2 aprel 1993-cü il tarixdə o, çavuş rütbəsi ilə vzvod komandiri kimi Tərtər özünümüdafiə batalyonunun şəxsi heyətinə daxil edildi. Bundan sonra o, hərbi fəaliyyətini daha da genişləndirdi. M.Mahmudov Ağdərə bölgəsində Levonarx, Akop-Kamari, Qırmızıkənd, Daş karxanası adlanan yerlər uğrunda gedən döyüşlərdə düşmənin bir neçə texnikasını və canlı qüvvəsini şəxsən məhv etmişdir. 1993-cü il sentyabr ayında 190 saylı hərbi hissəyə dəyişdirilib və Ağdam bölgəsində gedən döyüşlərdə şücaətlər göstərmişdir.

Şəhidliyi[redaktə | əsas redaktə]

23 aprel 1994-cü il tarixdə Ağdam rayonunun İlxıçılar kəndi uğrunda gedən döyüşdə şəhid olmuşdur. O, ölümündən sonra, 1998-ci il iyun ayının 24-də torpaqlarımızın erməni işğalçılarından müdafiə edilməsində göstərdiyi xüsusi xidmətlərinə, şəxsi igidlik və şücaətinə görə “Azərbaycan Bayrağı” ordeni ilə təltif olunmuşdur.

Xatirəsi[redaktə | əsas redaktə]

24 may 2016-cı ildə Tərtər şəhərindəki küçələrdən birinə Mehrac Mahmudovun adı verilmişdir.[3]

Həmçinin bax[redaktə | əsas redaktə]

İstinadlar[redaktə | əsas redaktə]

  1. "“Azərbaycan Bayrağı” ordenli şəhid Mehrac Mahmudov". 25 iyun 2016 tarixində arxivləşdirilib. İstifadə tarixi: 24 iyun 2016.
  2. Tofiq Yusif. "Ölümlə üz-üzə", Bakı, "Hüquq ədəbiyyatı" nəşriyyatı, 2008, 168 səh., 300 nüs.
  3. "“Azərbaycanın Bayrağı” ordenli şəhid Mehrac Mahmudovun adını daşıyan küçənin açılışı olub". 13 May 2017 - 1 Jul 2018 tarixində arxivləşdirilib. İstifadə tarixi: 24 iyun 2016.